Ásgerður Guðmundsdóttir (1914-1991) Akureyri

Ásgerður Guðmundsdóttir [Ása] 11.5.1914 - 23.12.1991. Húsfreyja á Akureyri. Var á Stóru-Giljá, Þingeyrasókn, A-Hún. 1930. Einkabarn foreldra sinna. Á Stóru-Giljá ólst Ása upp við fjölbreytt mannlíf. Auk margra heimilismanna var þar mjög gestkvæmt og heimilið rómað fyrir gestrisni og rausnarskap. Ása var í Húsmæðraskólanum á Blönduósi 1933 og 1934. Um 1940 fluttist Ása til Akureyrar og vann fyrst sem ráðskona og síðan lærði hún klæðskerasaum. Á þeim tíma kynntist hún Hallgrími Vilhjálmssyni frá Torfunesi í Köldukinn, síðar tryggingafulltrúa á Akureyri.

Á sínum fyrstu árum áttu þau og ráku saman ásamt fleirum Vinnufatagerðina á Akureyri. Ása vann ýmis störf samhliða heimilishaldinu, m.a. hjá þvottahúsinu Mjöll, en síðast vann hún hjá Útgerðarfélagi Akureyrar.

Foreldrar hennar; Guðmundur Frímannsson 28. maí 1892 - 30. nóvember 1918 Var í Hvammi, Holtastaðasókn, Hún. 1901. Bóndi og kennari í Hvammi í Langadal og á Stóru-Giljá í Torfalækjarhr., A-Hún. og kona hans 13.7.1913; Jósefína Erlendsdóttir 2. nóv. 1894 - 19. nóv. 1937. Húsfreyja og saumakona á Sauðárkróki. Var í Reykjavík 1910.
Seinni maður Jósefínu 5.11.1919; Jóhannes Friðrik Hansen 17. janúar 1891 - 27. mars 1952 Bóndi í Garði í Hegranesi, Skag. Kennari, vegaverkstjóri, oddviti og skáld á Sauðárkróki.

Maður hennar 1944; Hallgrímur Vilhjálmsson tryggingafulltrúi, f. 11.12. 1915, d. 14.9. 1981, frá Torfunesi í Kinn,
Þau Hallgrímur giftu sig 1944 og bjuggu fyrst í Fjölugötu 18 og síðan í Víðivöllum 22 á Akureyri.

Börn þeirra eru:
1) Erla Jósefína Hallgrímsdóttir 2.11.1945 - 12.9.2016. Skrifstofustarfsmaður á Akureyri. Þann 30.8. 1969 giftist Erla eftirlifandi eiginmanni sínum, Jóhanni Karli Sigurðssyni, f. 30.8. 1945. Hann er sonur hjónanna Sigurðar H. Hjálmarssonar, f. 10.3. 1918, d. 9.4. 2001, frá Bakkakoti í Skagafirði, og Guðrúnar Sigtryggsdóttur, f. 18.12. 1906, d. 21.4. 2003, frá Hallbjargarstöðum í Kelduhverfi
2) Elísabet Hallgrímsdóttir 30.4.1949. Búsett á Akureyri
3) Hallgrímur Ásgeir Hallgrímsson 18.2.1953. Búsettur á Akureyri
4) Sigurður Jóhannes Hallgrímsson 13.4.1950. Búsettur í Hafnarfirði.
5) Jónas Hallgrímsson 25.12.1957. Búsettur á Akureyri

Ása var lágvaxin og fíngerð kona, alltaf vel klædd og vel snyrt, gjarnan í fötum sem hún hafði saumað sjálf, enda menntuð á því sviði. Brúna hárið hennar hafði kastaníulitan blæ og yfir henni var glæsileiki. Hún hafi afskaplega gaman af ferðalögum og hefur áreiðanlega viljað fara og skoða miklu meira en henni var kleift.

GPJ 4.1.2021

• Icelandic

®GPJ ættfræði
Íslendingabók
mbl 21.1.1992. https://www.mbl.is/greinasafn/grein/81433/?item_num=0&searchid=6a14d0ff7fce67e1f2fa752e779bc237e5ad78c9
mbl 26.9.2016. https://www.mbl.is/greinasafn/grein/1611693/?item_num=6&searchid=7091b0bda038ac3cb087c91f3cf1d25ca24af425