Fyrirtæki/stofnun

Holtastaðakirkja í Langadal

(1930)

Á Holtastöðum var kirkja helguð heilögum Nikulási í kaþólskum sið. Þar var útkirkja frá Blöndudalshólum en 1880 var sóknin lögð til Hjaltabakka og til Höskuldsstaða 1881, síðan til Bergsstaða 1907 en heyrir nú til Bólstaðarhlíðar.
Núverandi kirkja var vígð 1893. Hún er úr timbri, járnvarin, og byggð að tilhlutan kirkjueigenda, Jósafats Jónatanssonar, bónda á Holtastöðum, og Stefáns Jónssonar, bónda á Kagaðarhóli. Yfirsmiður var Þorsteinn Sigurðsson á Sauðárkróki. Altaristafla er gömul, eftirmynd af kvöldmáltíðarmynd Leonardo da Vinci. Prédikunarstóll er gerður af dönskum manni, Simon Reifeldt, árið 1792. Á honum eru málaðar myndir.
Merkilegur gripur, sem fyrrum var í Holtastaðakirkju en er nú í Þjóðminjasafni Íslands, er svokallað vatnsdýr, vatnskanna í ljónslíki sem notuð var undir skírnarvatn. Er hún frá miðöldum.

Annexían var Holtastaðir í Holtum, segir í Pétursmáldaga). Á Holtastöðum var kirkja hins heilaga Nikulásar. Þar var þá „tveggja presta skyld", og fylgdi hálfkirkja að (Geita-) Skarði og tvö bænhús. 2. janúar 1360 selur Jón Eiriksson skalli biskup á Hólum Brandi bónda Ásgrímssyni og Guðnýju Sólmundardóttur konu hans jörðina Holtastaði fyrir jörðina Flugumýri. — 1. nóvember 1397 selur Einar prestur Þorvarðsson Ingiríði Þórðardóttur jörðina Holtastaði í Langadal „með gögnum og gæðum" fyrir lausafé. — Holtastaðir hafa aldrei verið „staður" að því er bezt er vitað, heldur jafnan bændaeign.

Holtastaðakirkja á þessar jarðir: Hvamm í Langadal, 20 hndr., Kirkjuskarð í Laxárdal, 12 hndr., hálfan Kagaðarhól á Ásum, 10 hndr., Hamrakot þar, 10 hndr., alls 52 hndr. í fasteign, og í rekum 1/16 part úr svonefndum Spákonuarfi á Skaga."

Þorvaldur Ásgeirsson (1836-1887) Hjaltabakka (20.5.1836 - 24.8.1887)

Langidalur ((1950))

Geitaskarð / Skarð Engihlíðarhreppi ([900])

Holtastaðakot Engihlíðarhreppi ([1500])

Þingeyrakirkja (1864 -)

Pétur Ingjaldsson (1911-1996) prestur Höskuldsstöðum og Skagaströnd (11.1.1911 - 1.6.1996)

Guðmundur Helgason (1863-1895) prestur Bergstöðum í Svartárdal (3.5.1863 - 18.11.1895)

Kagaðarhóll á Ásum ((1350))

Hamrakot Torfalækjarhreppi ([1300])

Holtastaðir í Langadal ([900])

Holti Líndal (1939-2013) Holtastöðum (20.11.1939 - 27.5.2013)

Hvammur í Langadal ([1000])

HAH00621

IS HAH-Kir

Loka

Fullt

GPJ 18.2.2019

• íslenska

Guðmundur Paul
Frétt í Morgunblaðinu um 100 ára afmæli Holtastaðakirkju. https://www.mbl.is/greinasafn/grein/110451/ http://www.kirkjukort.net/kirkjur/holtastadakirkja_0292.html