Holt í Svínadal

Ættarjörð síðan 1886 er Guðmundur Þorsteinsson frá Grund eignaðist hana. Þetta er væn jörð með gnægð ræktunarlands. Lega þess er ákjósanleg með hæfilegum halla mót vestri í um 200 mys. Beitilandið er ekki mjög víðáttumikið, en notagott. Jörðin liggur í austanverðum Svínadal næst Auðkúlu. Íbúðarhús byggt 1956, 646 m3. Fjós fyrir 22 gripi með mjólkurhúsi og áburðargeymslu, geldneytisfjós yfir 25 gripi. Fjárhús yfir 400 fjár. Hlöður 1200 m3. Tún 43 ha. Veiðiréttur í Svínadalsá.

Svínavatnshreppur; Svínadalur; Svínadalsá; Auðkúla; Syðrilækur; Rútsstaðir; Merkjalaut; Neðra-Langholt; Efra-Langholt; Kúlan; Hornás; Tjarnarborg; Klaufarhæðir; Hvannlækjarbungur; Grund; Snæringsstaðir; Hólastóll; Kúluheiði; Auðkúlunes [Holtsreitur];

Jarðardýrleiki xx € og so tíundast tveim tíundum. Eigandinn er biskupsstóllinn að Hólum. Ábúandinn á hálfri eru erfíngjar Sveins heitins Jónssonar. Annar ábúandi Ivar Þorsteinsson býr á hálfri.
Landskuld af allri jörðunni er i € , geldur helming hver ábúenda. Betalast með dauðum gildum landaurum, oftast nokkuð í kaupstað, stundum nokkuð í fóðri eftir samkomulagi við biskupsins umboðsmann, eftir megan ábúenda. Leigukúgildi v, leigir helming hver ábúenda. Leigur betalast í smjöri, þángað sem umboðsmaður tilsegir innan hjeraðs. Kvaðir öngvar.
Kvikfjenaður hjá erfíngjum Sveins ij kýr, i naut veturgamalt, i vetrúngur, xxxiii ær, iiii sauðir tvævetrir og eldri, iiii veturgamlir, x lömb, ii hestar, ii hross með fylum, i únghryssa. Hjá Ívari ij kýr, xxv ær, iiii sauðir tvævetrir og eldri, x lömb, ii hestar, i hross. Fóðrast kann á allri jörðinni iij kýr, i úngneyti, l ær, xx lömb, iiii hestar. Torfnsta og stúnga næg, Hrísrif hjálplegt, en þó kolgjörð til fengin. Lambaupprekstur á Kúluheiði fyrir toll ut supra. það eru munnmæli ein, að þessi stólsins jörð hafi átt engjatak í Auðkúlunesi, þar sem enn í dag er kallaður Holtsreitur, það er takmarka pláts, og segja menn að hirðstjórinn Einar Thorleifsson, þegar hann átti bæði staðinn Auðkúlu og jörðina Holt, hafi lagt þetta engi til Holts, en síðan Auðkúla varð beneficium hefur staðurinn haft og haldið engi þetta en Holt aldrei. Hvað rjett sje vita menn ekki, þar er engin raun á orðin. Túninu grandar bæjarlækur með grjóti og leiri. Engjar eru í mýrlendum brekkum, sem lækir fella stundum aurskriður á. Stórviðri eru skaðsöm af útsuðri. Vatnsból bregst um vetur og er þá nauðaerfitt að sækja.

Ættarjörð síðan 1886 er Guðmundur Þorsteinsson frá Grund eignaðist hana. Þetta er væn jörð með gnægð ræktunarlands. Lega þess er ákjósanleg með hæfilegum halla mót vestri í um 200 mys. Beitilandið er ekki mjög víðáttumikið, en notagott. Jörðin liggur í austanverðum Svínadal næst Auðkúlu. Íbúðarhús byggt 1956, 646 m3. Fjós fyrir 22 gripi með mjólkurhúsi og áburðargeymslu, geldneytisfjós yfir 25 gripi. Fjárhús yfir 400 fjár. Hlöður 1200 m3. Tún 43 ha. Veiðiréttur í Svínadalsá.

Landamerki fyrir Holt í Svínadal

Að sunnan ræður merkjum lækur, svonefndur Syðrilækur, sem aðskilur Holts- og Rútsstaða- lönd, en að vestan ræður Svínadalsá, en að norðan varða við áðurnefnda á, síðan í dæld – nefnd Merkjalaut í Neðra-Langholti, við ytri enda þess, þaðan austu á Efra-Langholt, þar kol sjást frá fyrri tímum, þaðan beina stefnu í vörðu á Kúlunni, þá að austan úr nefndri vörðu fram há háls, fram Hornás, þar hann er hæstur þaðan í vestanverða Tjarnarborg, þaðan í Klaufarhæðir, beina stefnu í Hvannlækjarbungur.

Guðmundur Þorsteinsson eigandi að Holti.

Þessum merkjum verum vjer undirritaðir samþykkir:
St.M.Jónsson (beneficiarius Auðkúlu.)
Sigurður Árnason, eigandi að Rútsstöðum.
Þorsteinn Þorsteinsson, eigandi Grundar.
Hallgrímur Hallgrímsson, eigandi að Snæringsstöðum.

Lesið upp á manntalsþingi að Svínavatni, hinn 17. maí 1890, og innfært í landamerkjabók Húnavatnssýslu, No. 117, fol. 61b.

GPJ 27.3.2019

• Icelandic

Guðmundur Paul
Jarðabók Páls Vidalín 1706. Bls 330
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók Húnavatnssýslu, No. 117, fol. 61b.
Húnaþing II bls 242