Bærinn stendur skammt vestan Vatnsdalshólanna á lágri Ásbungu syðst á Haganum [Bak hólum]. Gamla túnið kringum bæinn, en suður af því nýræktir. Engi var áður vestur við Gljúfurárósa og einnig ítak austur við Vatnsdalsá í Sveinsstaðalandi. Það er nú orðið tún. Beitiland er aðallega vestur frá bænum allt til Gljúfurár og Hóps, talið gott sauðaland. Ræktunarskilyrði allgóð. Jörðin er gamalt býli, fyrr klausturjörð, bændaeign nú um skeið. Íbúðarhús byggt 1953, 474 m3. Fjós 1975 fyrir 45 kýr og 30 geldneyti með mjaltarbás, mjólkurhúsi og haughúsi. Fjárhús yfir 350 fjár. Hlöður 1350 m3. Tún 22,6 ha. Veiðiréttur í Gljúfurá og Hóp.

Ábúendur;

<1901> María Ólafsdóttir 14. apríl 1840 - 5. feb. 1912. Var í Eiríkstaðakoti, Bergsstaðasókn, Húnavatnssýslu 1845. Ekkja þar eftir Svein Guðmundsson (1847-1882) Lækjarbakka á Skagaströnd

<1910> Stefán Þorsteinsson 29. sept. 1845. Var á Ytri-Kárastöðum, Kirkjuhvammssókn, Hún. 1845. Húsbóndi, bóndi í Tjarnarkoti, Melstaðarsókn, Hún. 1880. Húsbóndi á Gröf, Kirkjuhvammssókn, Hún. 1890. Bóndi í Sauðadalsá, Kirkjuhvammssókn, Hún. 1901. Kona hans; Guðrún Ingibjörg Sigurðardóttir 16. apríl 1871, frá Klömbrum.

<1920> Jónas Björnsson 23. desember 1873 - 16. október 1957 Lausamaður á Hólabaki, Þingeyrasókn, A-Hún. 1930. Bóndi á Hólabaki, síðar lausamaður á Þingeyrum. Kona hans 14.5.1898; Gróa Sigurðardóttir 13. maí 1873 - 22. nóvember 1950 Húsfreyja á Hólabaki.

1944-1962- Baldur Magnússon f. 21. nóvember 1918 - 9. mars 1992 Sveinsstöðum, Þingeyrasókn, A-Hún. 1930. Bóndi á Hólabaki, var oddviti í Sveinsstaðahr., A-Hún. 1957. Síðar skrifstofumaður í Reykjavík. Kona hans; Sigríður Guðrún Sigurðardóttir f. 22. maí 1917 - 16. október 1987 Steiná, Bergstaðasókn, A-Hún. 1930. Húsfreyja í Sveinstaðarhr., A-Hún., síðar verkakona í Reykjavík. Var á Hólabaki, Sveinsstaðahr., A-Hún. 1957.

Björn Magnússon 5. september 1947 Var á Hnausum, Sveinsstaðahr., A-Hún. 1957. Bóndi Hólabaki. Kona hans; Hulda Aðalheiður Ingvarsdóttir 24. apríl 1948 Var á Eyjólfsstöðum, Áshr., A-Hún. 1957.