Fyrirtæki/stofnun

Hofskirkja Skagaströnd

(1950)

Hofskirkja á Skagaströnd er í Höskuldsstaðaprestakalli í Húnavatnsprófastsdæmi. Hof var prestsetur á Skagaströnd, u.þ.b. 9 km norðan Höfðakaupsstaðar (Skagastrandar). Þar eru tóttir, sem kunna að vera af hofi, kallaðar Goðatóttir. Í kaþólskum sið voru kirkjur staðarins helgaðar Ólafi hinum helga, Noregskonungi.

Prestakallið var lagt niður 1907 og sóknir hennar lagðar til Höskuldsstaða. Timburkirkjan, sem nú stendur, var byggð árið 1876. Veggir hennar eru múrhúðaðir að utan og þakið járnklætt. Hún er turnlaus en með krossi á stafni. Bogalagaðir gluggar tóku við af fernyrndum og ekkert söngloft er í kirkjunni. Prédikunarstóllinn er ævagamall, trénegldur, með myndum af guðspjallamönnunum. Altaristaflan er gömul og sýnir upprisuna og er talið að hún sé íslensk.
Hofskirkja er timburhús, 10,06 m að lengd og 6,41 m á breidd. Þakið er krossreist og upp af framstafni er trékross. Kirkjan er klædd listaþili, þak trapisustáli og stendur á steinsteyptum sökkli. Á hvorri hlið kirkju eru fjórir póstagluggar með tveimur fjögurra rúða römmum og einn heldur minni er á framstafni. Fyrir kirkjudyrum eru tvöfaldar vængjahurðir, okahurðir utan en spjaldahurðir að innan. Trétröppur með fimm þrepum eru framundan kirkjudyrum.
Friðuð 1. janúar 1990 samkvæmt aldursákvæði 1. mgr. 36. gr. þjóðminjalaga nr. 88/1989.

Skagi; Vindhælishreppur; Skagabyggð; Austur-Húnavatnshreppur; Höskuldsstaðakirkja;

Sigríður Jóhannesdóttir (1851-1890) Glæsibæ Skagafirði (22.1.1851 - 26.10.1890)

Árni Jónsson (1851-1897) Héraðslæknir Glæsibæ (31.7.1851 - 3.3.1897)

Spákonufellskirkja (1300-2012)

Hvammkot á Skaga ((1900) - 1949)

Kelduland á Skaga ((1930))

Vindhælishreppur (1000-2002) (1000-2002)

Jón Pálsson (1864-1931) prestur Höskuldsstöðum (28.4.1864 - 18.9.1931)

Jón Blöndal (1825-1878) prestur Hofi á Skaga (7.11.1825 - 3.6.1878)

Höskuldsstaðakirkja (1963) Vindhælishreppi (31.3.1963 -)

Þingeyrakirkja (1864 -)

Egill Hallgrímsson (1955) prestur á Skagaströnd og Skálholti (11.6.1955 -)

Hof á Skaga ((1930))

HAH00570

IS HAH-Kir

Loka

Fullt

GPJ 18.2.2019

• íslenska

http://www.kirkjukort.net/kirkjur/hofskirkja-a-skagastrond_0287.html