Gísli Pálsson (1920-2013) Hofi

• Gísli Guðmundur Pálsson (1920-2013)

• Gísli Guðmundur Pálsson

• Gísli Pálsson á Hofi

Gísli Pálsson fæddist í Sauðanesi á Ásum í Austur-Húnavatnssýslu 18. mars 1920. Hann lést á Heilbrigðisstofnuninni á Blönduósi 30. janúar 2013. Á lífsleiðinni hlaut Gísli ýmsar viðurkenningar fyrir störf sín. Hann var sæmdur fálkaorðunni árið 1989 og árið 2012 var Gísli gerður að heiðursfélaga Hestamannafélagsins Neista.
Útför Gísla fer fram frá Blönduóskirkju í dag, 8. febrúar 2013, kl. 13.

Sauðanes á Ásum A-Hún: Hof í Vatnsdal:

Gísli og Vigdís ráku búskap á Hofi fram um 1990 og bjuggu þar til ársins 2008 þegar hann flutti á Heilbrigðisstofnunina Blönduósi, þar sem hann dvaldi til dauðadags. Gísli sinnti ýmsum félagsmálum meðfram búskap, einkum varðandi ræktun, kynbætur og hagsmunamál bænda og var meðal annars fulltrúi á Búnaðarþingi. Hann sat í hreppsnefnd Áshrepps og í stjórnum Veiðifélags Laxár á Ásum og síðar Vatnsdalsár. Hann tók þátt í undirbúningi ýmissa verkefna fyrir samfélagið, meðal annars fjármögnun á vegagerð í Vatnsdal og lengingu á sjálfvirkum síma um sveitina. Hann stjórnaði endurbyggingu Vatnsdalsréttar auk þess sem hann kom að verkefnum á vegum Veiðifélags Vatnsdalsár. Gísli sinnti félagsmálum samfara búskapnum, meðal annars sat hann í byggingarnefnd og fyrstu skólanefnd Húnavallaskóla. Hann var formaður skólanefndar Hólaskóla frá 1979 til 1999. Meðfram störfum í skólanefndinni hafði hann forystu um önnur verkefni er tengdust uppbyggingu Hólastaðar, má þar nefna byggingu Hitaveitu Hjaltadals og í kjölfarið Hólalax og sundlaugar á Hólum. Gísli var ávallt talsmaður þess að menn færu vel með og virtu landsins gæði og fór framarlega í flokki við verndun afréttarlanda gagnvart ofbeit eða óhóflegri

Eftir búskapinn tóku önnur verkefni við, hákarlsverkun og bókaútgáfa. Bókaútgáfan á Hofi gaf út niðjatöl og bækur um húsdýrin, alls 50 titla. Fimmtugasta bókin var ævisagan, Gísli á Hofi vakir enn.

Foreldrar Gísla voru Sesselja Þórðardóttir, fædd 29. ágúst 1888 á Steindyrum í Svarfaðardal, og Páll Jónsson, fæddur í Sauðanesi 15. mars 1875.
Þau eignuðust 12 börn, þar af voru fjögur eldri en Gísli;
1) Jón Helgi Pálsson f. 28.9.1914 - 29.6.1985 Póstfulltrúi, síðast bús. í Reykjavík. Kona hans Jónína Sigurlaug Sigurðardóttir f. 4.2.1919 - 8.8.2009 Var á Vigdísarstöðum, Víðidalstungusókn, V-Hún. 1930. Húsfreyja og nuddari í Reykjavík.
2) Páll Sigþór Pálsson f. 29.1.1916 - 11.7.1983 Cand.jur. í Reykjavík 1945. Hæstaréttarlögmaður. Síðast bús. í Reykjavík. Kona hans Guðrún Guðbjörg Stefánsdóttir Stephensen f. 11.5.1919 - 17.12.2003 Var á Laugavegi 27 b, Reykjavík 1930. Húsfreyja í Reykjavík 1945. Kennari og fararstjóri í Reykjavík.
3) Sigrún Stefanía Pálsdóttir f. 12.2.1917 - 26.9.1998 Kennari, þingritari og húsmóðir, síðast bús. í Reykjavík.
4) Þórður Pálsson f. 25.12.1918 - 9.6.2004 Var í Sauðanesi, Þingeyrasókn, A-Hún. 1930. Var í Halldórshúsi, Blönduóshr., A-Hún. 1957. Kennari og bóndi í Sauðanesi. Síðast bús. á Blönduósi. Kona hans Sveinbjörg Jóhannesdóttir f. 26.12.1919 - 6.6.2006 Var á Gauksstöðum, Gerðahr., Gull. 1920. Var í Halldórshúsi, Blönduóshr., A-Hún. 1957. Síðast bús. á Blönduósi.
5) Stefán Hermann Pálsson f. 26.5.1921 - 11.8.2002 Prófessor í íslenskum fræðum við Háskólann í Edinborg. Dóttir: Steinvör Hermannsdóttir, f. 17.5.1959. kona hans Guðrún Þorvarðardóttir f. 28.3.1927 Var á Laufásvegi 41, Reykjavík 1930. Nemi í Reykjavík 1945.
6) Helga Guðrún f. 23.10.1922 Reykjavík maður hennar, þau skildu, Sigurður Steinþór Kristjánsson Söebeck f. 10.8.1927 - 22.11.1997 Var í Kirkjubæ, Ísafjarðarssókn, N-Ís. 1930. Járnsmiður, síðast bús. í Reykjavík.
7) Þórunn Pálsdóttir f. 29.8.1924 - 10.8.2016 Var í Sauðanesi, Þingeyrasókn, A-Hún. 1930. Kennari í Reykjavík. Maður hennar Hannes Hjartarson 30.4.1926 - 17.5.2015 Var í Efstabæ, Fitjasókn, Borg. 1930. Verslunarmaður í Reykjavík.
8) Ólafur Hólmgeir Pálsson f. 7.7.1926 - 4.1.2002 Múrarameistari, síðast bús. í Reykjavík. Kona hans; Valgerður Guðmundsdóttir f. 10.1.1927 Var á Böðmóðsstöðum, Mosfellssókn, Árn. 1930.
9) Aðalbjörg Anna Pálsdóttir f. 24.5.1928 - 28.5.1956 Var í Sauðanesi, Þingeyrasókn, A-Hún. 1930. Húsfreyja í Skaftafelli í Öræfum, A-Skaft. Maður hennar; Ragnar Þorsteinn Stefánsson f. 22.6.1914 - 1.9.1994 Var í Skaftafelli I, Hofssókn, A-Skaft. 1930. Bóndi og þjóðgarðsvörður í Skaftafelli.
10) Haukur Þorsteinn Pálsson f. 29.8.1929 Var á Röðli í Torfalækjahr., A-Hún. 1957, kona hans Anna Guðný Andrésdóttir f. 7. 6. 1927 - 4.9.1998 Var á Þverá, Hofssókn, A-Hún. 1930. Var á Röðli í Torfalækjahr., A-Hún. 1957. Síðast bús. í Torfalækjarhr., A-Hún.
12) Páll Ríkarður Pálsson f. 12.7.1932 - 12.4.2016 Tannlæknir í Reykjavík, kona hans; Selma Hannesdóttir 21. júní 1933.
Páll og Sesselja bjuggu í Sauðanesi. Páll lést 24. október 1932 og Sesselja 10. september 1942.

Næstu árin bjó Gísli í Sauðanesi. Gísli flutti síðar að Hofi í Vatnsdal og gekk að eiga Vigdísi Ágústsdóttur 21. desember 1949. Hún er fædd 19. nóvember 1928, dóttir Ágústs B. Jónssonar og Ingunnar Hallgrímsdóttur.
Gísli og Vigdís eignuðust fjögur börn. Þau eru
1) Ingunn, fædd 15. maí 1950, gift Grétari Guðmundssyni og eignuðust þau fjögur börn, þar af þrjú sem eru þrjú á lífi, og sex barnabörn;
2) Páll, fæddur 18. febrúar 1953, kvæntur Arnfríði Gísladóttur og eiga þau tvö börn og eitt barnabarn;
3) Hjördís, fædd 12. febrúar 1957, hún eignaðist fjóra syni, þar af tvo sem létust við fæðingu
4) Jón, fæddur 1. júlí 1963, kvæntur Eline Manjon Schriver og eiga þau tvær dætur.

GPJ 18.5.2017

• Icelandic

®GPJ ættfræði http://www.mbl.is/greinasafn/grein/1454215/?item_num=3&searchid=7a2631ab9ceb1a3164cf62c1eff6378324185f77