Breiðavað í Langadal

Nyrsti bærinn í Langadal. Bæjar og peningahús standa uppi undir brekkurótum, í fallegu láréttu túni. Vestan túns er lítt gróið melsvaæði, sem nær um þvert land jarðarinnar og nefnast Breiðavaðsmelar. Í melum þessum að kalla beint vestur af íbúðarhúsi er lítil tjörn í alldjúpri kvos, sem heiti Gullkista. Þar er sagt að fjársjóður sé falinn. Utan og neðan túns er önnur tjörn sem Grafarvatn nefnist og er þar silungur til nytja. Ekki er nú vitað hvar vað það var á Blöndu, er jörðin tók nafn sitt af, en tvö vöð ery fyrir landi jarðarinnar og heiti hið syðra Hrafnseyrarvað en hið nyrðra Strákavað. Íbúðarhús úr steini, gyggt 1940 kjallari og hæð 343 m3. Fjós fyrir 9 gripi. Fjárhús yfir 280 fjár. Hesthús fyrir 9 hross. Hlöður 623 m3. Votheysgeymsla 48 m3. Vélageymsla 129 m3. Tún 22 ha. Veiðiréttur í Blöndu og Grafarvatni.

Á Breiðavaði í Langadal var hálfkirkja fyrir 1394 og lá til Holtastaða.

Langidalur; Engihlíðarhreppur; Austur-Húnavatnssýsla; Breiðavaðsmelar; Grafarvatn; Gullkista; Hrafnseyrarvað; Rafnseyrarvað; Strákavað; Þórdísarbrekkuhorn; Enni; Núpurinn; Rjettarvaðsmýri; Torflág; Kúlubrún; Breiðavaðslæk; Bugar; Grundarlækjarskarð; Nónhryggur; Tjaldhólshorn; Grjóthóll; Stórhóll; Steinabrún; Flóamelur; Klofsteinar; Breiðavaðs-hnjúkur:

Ábúendur;

<1901 og 1920> Einar Árnason 25. des. 1840 - 8. júní 1922. Bóndi á Breiðavaði, Holtastaðasókn, Hún. Bóndi þar 1901. Kona hans; Kristíana Kristófersdóttir 10. ágúst 1845 - 8. des. 1926. Var í Enni, Höskuldstaðasókn, Hún. 1845. Húsfreyja á Breiðavaði, Holtastaðasókn, Hún. 1901.

1963- Sigfús Hermann Bjarnason 3. júní 1897 - 22. júlí 1979 Var á Svalbarða, Svalbarðssókn, S-Þing. 1901. Var á Grýtubakka, Grenivíkursókn, S-Þing. 1930. Bóndi á Grýtubakka í Grýtubakkahr., S-Þing., síðar á Breiðavaði í Engihlíðarhr. og Akri í Torfalækjarhr., A-Hún. Var á Breiðavaði, Engihlíðarhr., A-Hún. 1957. Síðast bús. í Torfalækjarhreppi og kona hans; Jóhanna Erlendsdóttir 16. mars 1905 - 20. ágúst 1979 Var á Breiðavaði, Engihlíðarhr., A-Hún. 1957. Síðast bús. í Torfalækjarhreppi.

1963>- Guðmundur Frímann Hilmarsson 26. febrúar 1939 - 3. desember 2009 Var í Fremstagili, Engihlíðarhr., A-Hún. 1957. Lögreglumaður á Sauðárkróki. Kona hans; Guðrún Birna Ásgeirsdóttir Blöndal 5. janúar 1941 Var á Blöndubakka, Engihlíðarhr., A-Hún. 1957. Húsfreyja Breiðavaði og Blönduósi.

Kristján Frímannsson 3. ágúst 1967 - 7. janúar 1999 Bóndi á Breiðavaði. Kona hans; Stefanía Egilsdóttir (Deddý) 31. janúar 1964,
Seinni maður hennar;
Bjarki Benediktsson (1974) Breiðavaði

Landamerkjalýsing fyrir Breiðavaði.

Frá Ennis landamerkjum að neðan, frá Blöndu, úr Þórdísarbrekkuhorni, og þaðan beint strik í norður slakkann fyrir vestan Núpann í stein, sem stendur á holti, sunnanvert við Rjettarvaðsmýri, og þaðan sjónhending beint í þúfu, sem stendur neðarlega í Torflág, síðan beint strik til Kúlubrúnar, þaðan beint í Breiðavaðslæk í Bugum, síðan eptir því, sem sami lækur ræður upp í Grundarlækjarskarð, þaðan sjónhending í þann stein, er stendur á svo kölluðum Nónhrygg, þaðan suður beint í vörðubrot, sem stendur á sama hrygg syðst. Frá Ennis landamerkjum að vestan ræður Blanda í Tjaldhólshorn norðanvert við Rafnseyrarvað, þaðan beint strik upp í norðanverðan Grjóthól milli lækja. Úr Grjóthól beina sjónhending í sunnanverðan Stórhól, þaðan í vörðu sem stendur á Steinabrún, þaðan beint í syðri Flóamel, sían upp norðanvert í Klofsteina, þaðan stefnu í há Breiðavaðs-hnjúk, síðan beint í vörðubrot á fyr nefndum Nónhrygg.

Þetta framanskrifað, sptir sem menn vita sannast og glöggast, undirskrifar
Breiðavaði, 10. maí 1890.
Einar Árnason, eigandi.
Helga Gísladóttir.
Eggert Ó. Brím.
Sveinn Kristófersson.
E. Eggertsson.

Lesið upp á manntalsþingi að Engihlíð, hinn 21. maí 1890, og innfært í landamerkjabók Húnavatnssýslu, No. 147, fol. 76b.

GPJ 25.2.2019

• Icelandic

Landamerkjabók Húnavatnssýslu, No. 147, fol. 76b.21.5.1890
Húnaþing II bls 152