Ásar í Svínavatnshreppi

Ásar er stór og mikil jörð en hefur verið talin erfið til fullra nota. Þar er mikið og gott ræktarland á flatlendi meðfram Blöndu, sem áður var talið engjaland. Byggingar og gamla túnið er þar aftur á móti miðhlíðis og er því talsvert erfiður heyfluttningur þangað heim. Nú hafa verið byggð fjárhús og hlaða niður á flatlendinu og léttir það störfin. Sæmilegt ræktunarland er einnig út frá gamla túninu. Íbúðarhús byggt 1967, 447 m3. Fjós fyrir 10 gripi torf og grjót. Fjárhús yfir 200 fjár og gömul torfhús yfir 260 fjár. Hesthús yfir 9 hross. Hlaða 400 m3. Hlaðan og járnklæddu fjárhúsin sambyggð. Tún 23,8 ha. Veiðiréttur í Blöndu.

Svínavatnshreppur; Blanda: Breiðabólstaður í Vesturhópi; Ásgeirsá í Víðidal; Auðkúla;

Jarðardýrleiki xx €. Eigandinn var að hálfri fyrir fáum árum presturinn Sr. Ólafur á Breiðabólstað í Vesturhópi, hann seldi Þórarni að Ásgeirsá í Víðidal, Þórarinn fekk til eignar lögmanninum Páli Jónssyni Wídalín, en nú á þessum dögum hefur áðurnefndur lögmann Páll selt prestinum Sr. Illuga Thorleifssyni að Auðkúlustöðum, og á nú Sr. Illugi að teljast eigandi að þessum x & . Eigandinn að hinum x & er sami Sr. Illugi. Abúandinn á allri jörðinni er Magnús Oddsson.
Landskuld af allri i & . Betalast með öllum gildum landaurum heim til landsdrottins. Leigukúgildi er nú iiij, en áskilið að auka megi so verði alls v, og ekki fremur. Leigur betalast í smjöri heim til landsdrottins. Kvaðir eru öngvar.
Kvikfjenaðar iii kýr, ii kvígur veturgamlar, i kálfur, xlix ær, xx sauðir tvævetrir og eldri, xix veturgamlir, xxvi lömb, ii hestar, i hross með fyli, i foli þrevetur, i únghryssa. Fóðrast kann iii kýr ríflega, xx lömb, 1 ær, v hestar. Torfrista og stúnga næg. Reiðíngsrista lök. Rifhrís, sem verið hefur til eldiviðar, þver mjög. Kolgjörð þarf til að fá. Enginu grandar sandságángur úr Blöndu, og leirskriður úr brekku. Ekld er húsum og heyjum óhætt fyrir stórviðrum. Vatnsból þrýtur um vetur til stórskaða. Atroðníng líður jörðin mikinn af hesta ágángi, Lángdælínga mest.

Girðíngaleifar sjást hjer skamt frá bænum, enginn veit þar hafi býli verið yfir 100 ár. Munnmæli segja þar hafi til forna staðið bærinn Ásar, og þaðan fluttur verið þángað sem nú er. Menn hyggja því hafi vatnsleysi valdið, og er hjer ómögulegt aftur að byggja, því túnstæði er í hrjóstur komið.

Ábúendur;

<1901 og 1910> Jónas Björnsson 5. jan. 1872 - 5. júní 1939. Bóndi á Álfgeirsvöllum, Goðdalasókn, Skag. 1930. Bóndi á Ásum síðar á Álfgeirsvöllum. Kona hans; María Guðmundsdóttir

15. sept. 1866 - 22. mars 1962. Var á Hömrum, Mælifellssókn, Skag. 1870. Léttastúlka á Hömrum, Mælifellssókn, Skag. 1880 og vinnukona þar 1890. Húsfreyja í Ásum, Svínavatnssókn, Hún. 1901. Ekkjufrú á Álfgeirsvöllum, Lýtingsstaðahr.

<1920> Jón Gíslason 28. mars 1881 - 2. apríl 1936 Bóndi á Ásum, Svínavatnssókn, A-Hún. 1930. Bóndi á Ásum og Syðri-Löngumýri í Blöndudal, Hún. og kona hans 20.7.1910; Anna Jónsdóttir 31. janúar 1881 - 29. janúar 1948 Húsfreyja á Syðri-Löngumýri í Blöndudal, Hún.

um 1930- Gísli Húnfjörð Jónsson 27. september 1912 - 7. desember 1985 Var á Ásum, Svínavatnssókn, A-Hún. 1930. Bóndi á Ásum. Var á Stóra Búrfelli, Svínavatnshr., A-Hún. 1957, bóndi þar. Síðast bús. í Svínavatnshreppi. Kona hans; Ingibjörg Þorleif Daníelsdóttir 30. ágúst 1923 - 28. nóvember 1978 Húsfreyja í Ási. Var á Stóra Búrfelli, Svínavatnshr., A-Hún. 1957, húsfreyja þar. Síðast bús. í Svínavatnshreppi.

1946-1970- Ingvar Friðrik Ágústsson 12. jan. 1906 - 13. okt. 1996. Vetrarmaður á Syðri-Löngumýri, Auðkúlusókn, A-Hún. 1930. Var á Ásum, Svínavatnshr., A-Hún. 1957. Bóndi á Kárastöðum. Kona hans; Sigurlaug Jósefína Sigurvaldadóttir 13. nóv. 1914 - 21. jan. 1986. Var á Eldjárnsstöðum, Auðkúlusókn, A-Hún. 1930. Var á Ásum, Svínavatnshr., A-Hún. 1957. Húsmóðir þar, síðar á Ásum. Síðast bús. í Svínavatnshreppi.

Frá 1971- Hannes Ingvarsson 16. jan. 1945. Var á Ásum, Svínavatnshr., A-Hún. 1957.

GPJ 11.3.2019

• Icelandic

Guðmundur Paul
Jarðabók Páls Vidalín 1706. Bls 342
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Húnaþing II bls 226