Sigurbjörg Jónasardóttir (1895-1991) Litlu-Giljá

• Sigurbjörg Jónasardóttir Litlu-Giljá

Sigurbjörg Jónasdóttir, sem andaðist þann 26. apríl síðastliðinn. Sigurbjörg fæddist þann 6. ágúst 1895 að Ásum í Svínavatnshreppi, en þangað höfðu foreldrar hennar flutt tveimur árum áður. Árið 1972 flutti Sigurbjörg til Reykjavíkur og bjó um nokkurt skeið með systrum sínum, Ástu og Guðrúnu. En hún festi ekki rætur í höfuðstaðnum sem varla var von eftir nær átta áratuga búsetu norður í landi. Því ákvað hún eftir veikindi og stranga sjúkrahúsvist að sækja um dvöl á Ellideild Héraðshælisins á Blönduósi. Dvöl hennar þar varð á annan áratug. Leið henni þar vel enda var starfsfólkið henni einstaklega gott. Fyrstu árin prjónaði hún mikið því henni var sýnd sú tillitssemi að fá að hafa prjónavélina sína hjá sér. Það var henni mikils virði því vinna var hennar hálft líf. En það kom að því að þrekið var búið og síðustu mánuði ævi sinnar var hún rúmföst.

Ásar í Svínavatnshreppi: Litlidalur 1905: Stór-Giljá 1937: Reykjavík 1972:

Rúmlega tvítug dvaldist hún um tíma í Reykjavík og fékk þar tilsögn í prjónaskap og annarri handavinnu. Seinna keypti hún sér prjónavél, og eftir það varði hún flestum þeim stundum sem gáfust frá annarri iðju við að prjóna. Allt fram um þrítugsaldur vann hún á búi foreldra sinna og var óþreytandi að hlynna að móður sinni eftir að heilsa hennar og kraftar fóru þverrandi. Árið 1937 réðst hún sem ráðskona að Stóru-Giljá í Þingi í Húnavatnssýslu og þeirri stöðu gegndi hún til ársins 1972. Þessi mörgu ár voru ár mikilla anna og umsvifa, því heimilið var stórt og gestrisni í heiðri höfð. Þá kom sér vel að Sigurbjörg var ákaflega myndarleg og víkingur til allrar vinnu. En langur mun vinnudagurinn oftast hafaverið og laun sennilega ekki í samræmi við afköst.

foreldrar hennar voru, 9. desember 1860 - 8. júní 1929. Húsfreyja í Litladal í Svínavatnshr., A-Hún. frá Guðrúnarstöðum í Vatnsdal og Jónas Benedikt Bjarnason 20. september 1866 - 28. október 1965. Var í Þórormstungu, Undirfellssókn, Hún. 1890. Bóndi og hreppstjóri í Litladal í Svínavatnshr., A-Hún., síðar á Blönduósi. Fyrrverandi bóndi á Bókhlöðustíg 8, Reykjavík 1930. Heimili: Litli-Dalur, Hún. Ekkill. Var í Jónasarhúsi, Blönduóshr., A-Hún. 1957. Að Sigurbjörgu stóðu traustar húnvetnskar bændaættir.
Systkini hennar voru Bjarni, fæddur 24. febrúar 1891, dáinn 1984, bóndi í Blöndudalshólum, jafnframt kennari og fræðimaður; Ólafur, fæddur 20. desember 1892, dáinn 1936, bóndi í Litladal; Guðrún, fædd 22. apríl 1893, dáin 1990; Ásta fædd 10. júlí 1904, búsett í Reykjavík.

GPJ 18.7.2017

• Icelandic

http://www.mbl.is/greinasafn/minningaleit/