Steinunn Erlendsdóttir (1826-1898) Mörk Laxárdal fremri

Steinunn Erlendsdóttir 21.2.1826 - 23.1.1898. Vinnuhjú í Kolagili, Víðidalstungusókn, Hún. 1845. Húsfreyja í Mörk í Bólstaðarhlíðarsókn, Hún. 1870. „Skarpgreind, ör og kát á heimili og viðræðu, ráðrík og rausnarleg, vinnuhörð og kjarkmikil, útsjónargóð til allrar vinnu og framkvæmda, vefari góður og handlagin til sauma, minnug og snjöll í hugarreikningi og bókhneigð“, segir í Heima og heiman.

Foreldrar hennar; Erlendur Árnason 16.10.1789 - 22.12.1842. Var í Haugshúsum, Bessastaðasókn, Gull. 1801. Húsbóndi á Sveinstöðum, Þingeyrarklausturssókn, Hún. 1835 og kona hans 19.8.1820; Guðrún Jónsdóttir 22. mars 1796 - 20. júlí 1843. Var á Sveinsstöðum, Þingeyrasókn, Hún. 1801. Var á Sveinsstöðum, Þingeyrasókn, Hún. 1816. Húsfreyja á Sveinsstöðum 1835.

Systkini hennar;
1) Guðrún Erlendsdóttir 5.10.1820 - 2.6.1901. Sennilega sú sem var vinnuhjú á Þingeyrum, Þingeyrarsókn, Hún. 1845. Húsfreyja á Refsstöðum í Laxárdal, síðar á Orrastöðum í Ásum, Hún. Maður hennar 4.12.1825; Eysteinn Jónsson 27.10.1818 - 31.1.1885. Bóndi á Refsstöðum í Laxárdal, síðar á Orrastöðum í Ásum, Hún. Sennilega sá sem var vinnuhjú á Þingeyrum, Þingeyrarsókn, Hún. 1845. Meðal barna þeirra eru; Erlendur (1847-1901), Björn (1849-1939), Guðrún (1851-1917), Lárus (1853-1890), Ingibjörg (1856-1923) og Solveig (1862-1914).
2) Gróa Erlendsdóttir 20.8.1822 - 2.10.1900. Prestfrú í Gerðhömrum, Núpssókn, Ís. 1860. Prestsfrú á Stað í Steingrímsfirði. Maður hennar 4.6.1853; Bjarni Sigvaldason 17.8.1824 - 17.5.1883. Var á Grímstungu, Grímstungusókn, Hún. 1835. Prestur í Dýrafjarðaþingum 1853-1864. Prestur í Gerðhömrum, Núpssókn, Ís. 1860. Prestur í Lundi í Lundareykjardal 1864-1875 og á Stað í Steingrímsfirði frá 1875 til dauðadags. Prófastur í Strandaprófastsdæmi frá 1882 til dauðadags. Dóttir þeirra var Gróa Blöndal á Brúsastöðum.
3) Hallgrímur Erlendsson 23.8.1827 - 16.9.1909. Vinnuhjú á Króksstöðum, Staðarbakkasókn, Hún. 1845. Bóndi á Vatnsskarði, Holtastaðasókn, Hún. 1860. Bóndi í Meðalheimi, Hjaltabakkasókn, Hún. 1870. Sennilega sá sem fór til Vesturheims 1899 frá Blönduósi, Torfalækjarhreppi, Hún. Kona hans 4.6.1853; Margrét Magnúsdóttir 8.10.1831 - 15.1.1912. Húsfreyja á Vatnsskarði, Holtastaðasókn, Hún. 1860. Húsfreyja í Meðalheimi, Hjaltabakkasókn, Hún. 1870. Meðal barna þeirra eru; Hallgrímur (1854-1927) Hvammi og Árni (1863-1954) Sæunnarstöðum
4) Jón Erlendsson 11.11.1831. Var tökupiltur í Kolugili, Víðidalstungusókn, Hún. 1845. Bóndi á Hausastöðum, Garðasókn, Gull. 1870. Bóndi og silfursmiður á Hausastöðum.
5) Árni Erlendsson 31.5.1833. Léttadrengur í Steinnesi, Þingeyrasókn, Hún. 1845. Vinnumaður í Steinnesi, Þingeyrarsókn, Hún. 1860. Bóndi á Hólabaki, Þingeyrasókn, Hún. 1870. Húsbóndi á Flögu, Undirfellssókn, Hún. 1880 og 1890.

Maður hennar 28.4.1850; Guðmundur Jónsson 30. júní 1825 - 2. desember 1896 Var á Gafli, Víðidalstungusókn, Hún. 1835. Vinnuhjú í Kolagili í Víðidalstungusókn, Hún. 1845. Bóndi í Torfalæk, Hjaltabakkasókn, Hún. 1860. Bóndi í Mörk í Bólstaðarhlíðarsókn, Hún. 1870 og 1880.

Börn þeirra;
1) Gróa Guðmundsdóttir 1. nóvember 1846 - 9. apríl 1924 Bjó á Narfastöðum. Guðmundur Ásmundsson og Guðrún Guðmundsdóttir eru ekki foreldrar Gróu skv. leiðréttingum á bls. 468 í II. bindi. „Meðalkvenmaður á vöxt, ljóshærð, rjóð í kinnum, örlynd, skemmtin og léttlynd“, segir í Heima og heiman.
2) Guðrún Guðmundsdóttir 6. nóvember 1850 - 24. nóvember 1885 Var í Torfalæk, Hjaltabakkasókn, A-Hún. 1860. Var í Mörk, Bólstaðarhlíðarsókn, Hún. 1880. „Var í stærra meðallagi að vexti, þykkleit í andliti og rjóð, stillt í lund og hæg í framgöngu, með mikið hár dökkjarpt“, segir í Heima og heiman.
3) Steinunn Guðmundsdóttir 16. október 1852 - 25. janúar 1896 Húsfreyja á Refsstöðum og í Þverárdal. „Í tæpu meðallagi vexti, rjóð í andliti og skipti vel litum, með mikið og fallegt ljósjarpt hár“, segir í Heima og heiman. Maður hennar 12.8.1887; Brynjólfur Benedikt Bjarnason 8. september 1865 - 5. desember 1928 Var í foreldrahúsum í Noisomhed, Vestmannaeyjasókn 1870. Bóndi á Refsstöðum, en lengst af bóndi í Þverárdal, Bólstaðarhlíðarhr., A-Hún. Síðar gerðist hann umboðssali. Bústýra hans; Ingibjörg Ólafsdóttir 6. apríl 1871 - 26. ágúst 1957 Fæðingar Ingibjargar finnst ekki getið í kirkjubókum en við fermingu í Glaumbæjarsókn er hún sögð fædd 7.4.1871. Fór til Vesturheims 1887 frá Vatnsskarði í Seyluhr., Skag. Hún sneri aftur til Íslands og var lengi ráðskona hjá Brynjólfi Bjarnasyni, bónda í Þverárdal.
4) Margrét Guðmundsdóttir 29. október 1854 - 8. mars 1919 Var á Torfalæk í Hjaltabakkasókn, Hún. 1860. Húsfreyja á Litla-Vatnsskarði á Laxárdal fremri, A-Hún. og á Fagranesi á Reykjaströnd, Skag. Ráðskona í Holtsmúla á Langholti, Skag. 1901. Fór þaðan til Vesturheims 1903. Maður hennar; 4.9.1883; Guðmundur Friðriksson 26. september 1844 - 31. ágúst 1895 Bóndi á Litla-Vatnsskarði á Laxárdal fremri, A-Hún. Síðast bóndi á Fagranesi á Reykjaströnd, Skag. Sambýlismaður hennar; Pétur Steinsson 29. ágúst 1873 - 2. febrúar 1904 Niðursetningur á Páfastöðum, Reynistaðarsókn, Skag. 1880. Bóndi í Holtsmúla á Langholti, Skag. Leigjandi þar 1901. Fæðingar Péturs finnst ekki getið í kirkjubókum en við fermingu 1888 er hann sagður fæddur 29.8.1873.
5) Jón Guðmundsson 3.3.1859
6) Erlendur Guðmundsson 25. nóvember 1863 - 1. júní 1949 Var í Mörk, Bólstaðarhlíðarsókn, Hún. 1870. Fór til Vesturheims 1899 frá Höskuldsstöðum, Vindhælishreppi, Hún. Fræðimaður mikill á Gimli í Manitoba. Barn f. í Vesturheimi: Ragnar Haraldur í Vancouver. „Í minna lagi á velli, grannleitur og frálegur“, segir í Heima og heiman.

GPJ skráning 28.10.2020

• Icelandic

®GPJ ættfræði
Ftún bls. 101