Einstaklingur

Jakob Björgvin Þorsteinsson (1920-2009) frá Geithömrum

• Jakob Björgvin Þorsteinsson (1920-2009) frá Geithömrum

14.10.1920 - 23.1.2009

Jakob Björgvin Þorsteinsson fæddist á Geithömrum í Svínadal í Austur-Húnavatnssýslu 14. október 1920. Hann lést á Líknardeild Landakotsspítala föstudaginn 23. janúar síðastliðinn. Jakob sleit barnsskónum í foreldrahúsum á Geithömrum. Hann lauk hefðbundnu barnaskólanámi, og stundaði síðan nám um tveggja ára skeið við Héraðsskólann í Reykholti á árunum 1939-1941. Að því loknu var haldið suður í atvinnuleit, vann hann þar ýmis verkamannastörf, m.a. í Bretavinnunni svokölluðu um tíma. Árið 1948 byrjaði hann sem leigubifreiðastjóri á BSR, og vann hann við það allan sinn starfsaldur. Jakob var alþýðumaður, mikill búmaður í sér og átti um tíma bæði kindur og hross. Hann átti jörðina Brúarvelli í Svínadal, þar sem hann ræktaði tún og byggði hlöðu. Árið 1980 byggði svo fjölskyldan sumarhús á Brúarvöllum og dvaldi þar löngum stundum. Þar var oft margt um manninn og glatt á hjalla. Jakob hafði mjög gaman af félagsmálum og lagði þar mörgu lið. Hann var félagi í Húnvetningafélaginu í Reykjavík, var þar í stjórn og formaður félagsins um skeið, og heiðursfélagi. Hann sat í stjórn Lánasjóðs bifreiðastjóra á BSR, og var í bridgedeildum bæði BSR og Húnvetningafélagsins. Hann gekk til liðs við Oddfellowstúkuna nr. I Ingólf í Reykjavík 1979, sótti hann þar fundi og átti þar góðan félagsskap alveg fram á síðasta ár þegar heilsu hans tók að hraka. Hann átti gott safn góðra bóka, hafði yndi af rituðu máli og ritaði sjálfur margar greinar í blöð og tímarit, þar á meðal í Húnavöku og Húnvetning.
Útför Jakobs Björgvins fer fram frá Bústaðakirkju í dag og hefst athöfnin kl. 11.

Geithamrar í Svínadal: Reykjavík:

Leigubílsstjóri:

Foreldrar hans voru hjónin Halldóra Björnsdóttir frá Marðarnúpi í Vatnsdal og Þorsteinn Þorsteinsson frá Grund í Svínadal.
Systkini Jakobs voru Björn, Þorsteinn, Jón, Guðmundur og Þorbjörg. Þau eru öll látin.
Jakob kvæntist Guðrúnu Ástu Þórðardóttur frá Ystagili í Langadal, f. 19. október 1921, d. 17. mars 1993, og hófu þau búskap 1949. Foreldrar hennar voru hjónin Kristín Þorfinnsdóttir og Þórður Jósefsson.
Börn Jakobs og Guðrúnar Ástu:
1) Þóra, maki Friðrik S. Kristinsson, börn þeirra Kristinn, Jakob og Svanhvít.
2) Þorsteinn Þröstur, maki Guðrún Óðinsdóttir, börn þeirra Óðinn Björn, Jakob Björgvin og Inga Hrönn.
3) Óskar Matthías, maki I Guðný Jónsdóttir, sonur þeirra Trausti. Þau skildu. Maki II Angela Jakobsson, börn þeirra Asta Brianna, Blake Thomas og Lucas Mathew.
4) Halldór, maki Birna Guðjónsdóttir. Þau skildu. Dætur þeirra Ingibjörg Ásta og Hildur.
Barnabarnabörnin eru fjögur, Halldór Andri, Una, Friðrik Rafn og Ólöf Birna.

Geithamrar í Svínadal ([1300])

Þorsteinn Þorsteinsson (1873-1944) Geithömrum Svínadal (12.3.1873 - 27.1.1944)

Halldóra Björnsdóttir (1878-1961) Geithömrum (24.3.1878 - 10.4.1961)

Þorbjörg Þorsteinsdóttir (1914-2002) Auðkúlu; frá Geithömrum (9.1.1914 - 3.4.2002)

Þorsteinn Þorsteinsson (1908-1992) Geithömrum (11.7.1908 - 29.9.1992)

Björn Leví Þorsteinsson (1907-1984) frá Geithömrum, húsgagnasmiður í Reykjavík (27.5.1907 - 4.4.1984)

Jón Ásgeir Þorsteinsson (1910-1987) Holti (14.06.1910 - 13.5.1987)

Guðmundur Bergmann Þorsteinsson (1910-1984) Holti (26.8.1910 - 1.1.1984)

Ásta Þórðardóttir (1921-1993) frá Yzta-Gili (19.10.1921 - 17.3.1993)

Björn Leví Guðmundsson (1834-1927) Marðarnúpi (14.2.1834 - 23.9.1927)

Brúarvellir á Svínadal (1955 -)

HAH01532

IS HAH

Loka

Fullt

GPJ 25.6.2017

• íslenska

®GPJ ættfræði
Jakob Björgvin Þorsteinsson