Person

Ingiríður Þorsteinsdóttir (1902-1990) frá Grund

• Ingiríður Þorsteinsdóttir (1902-1990) frá Grund

Inga á Grund

4.10.1902 - 29.10.1990

Ingiríður fæddist á Grund í Svínadal í Austur-Húnvatnssýslu 4. október 1902. Inga ólst upp á Grund hjá for eldrum sínum og vann öll venjuleg heimilisstörf eins og venja var á þeim tímum. Haustið 1921 trúlofaðist Inga Þorsteini Sölvasyni frá Gafli í Svínadal, Þorsteinn var kennari að mennt og kenndi á Hvammstanga á veturna og var svo heima á Grund á sumrin. Þorsteinn var mesti sómamaður vel greindur og hagmæltur. Þau Inga og Þorsteinn tóku að sér lítinn dreng, Pál Eyþórsson, sem dvaldi á Grund. Ólst hann upp á Grund í skjóli Ingu til fullorðinsára og var hún honum ætíð góð. Hamingja Ingu og Þorsteins var mikil en stutt því 27. júní 1924 dó Þorsteinn úr lömunarveiki eftir nokkurra daga legu. Veit ég að Inga vakti yfir honum nótt og dag þá erfiðu sólarhringa og held ég að hún hafi aldrei jafnað sig til fulls af þeirri miklu sorg. Þetta var mikið áfall fyrir Ingu og allt heimilið því eðlilega báru þau öll mikið traust til Þorsteins, þar sem Þorsteinn faðir Ingu og þeirra systkina dó 1921 og var því Þorsteinn Sölvason fyrirvinna heimilisins á sumrin. Ástæðurnar voru því ekki góðar á þessu heimili, en þau gáfust samt ekki upp. Ragnhildur hélt áfram að búa á hluta jarðarinnar með börnum sínum þó erfitt væri, drengirnir innan við fermingu og Þóra mikið fötluð eftir lömunarveiki sem hún fékk um sama leyti og Þorsteinn dó. En það tókst að halda heimilinu saman með miklum dugnaði og sparsemi. Reyndi þá mikið á Ingu og þau systkinin öll við að aðstoða móður sína.
Árið 1934 flutti Inga suður til Reykjavíkur og fór þá að vinna á Landspítalanum og vann þar alveg óslitið til 1982. Hún hélt alltaf mikilli tryggð við sitt æskuheimili því alltaf kom hún norður að Grund á hverju sumri og tók sér yfirleitt lengra frí en hún átti, til að geta hjálpað til við heyskap og önnur verk sem til féllu. Inga var dugleg, vann öll sín verk af alúð og natni, hún var ekki að hugsa um hvort verkin voru hennar verk eða ekki, hún bara gerði þau og dró þau ekki til morguns.

Grund í Svínadal: Reykjavík:

Ingiríður fæddist á Grund í Svínadal í Austur-Húnvatnssýslu 4. október 1902, dóttir hjónanna Þorsteins Þorsteinssonar bónda þar og Ragnhildar Sveinsdóttur sem var seinni kona hans. Inga, eins og hún var alltaf kölluð, var elst 5 alsystkina en þau eru Steinunn f. 1905. Hún á eina dóttur, Ástu. Þóra f. 1908. Búa þær þrjár saman á Flókagötu 7 í Reykjavík. Guðmundur f. 1910, býr á Syðri- Grund, kvæntur Guðrúnu Sigurjónsdóttur og eiga þau 4 börn. Þórður f. 1913, býr á Grund, kvæntur Guðrúnu Jakobsdóttur. Eiga þau 4 börn.

Guðrún Jakobsdóttir (1921-2005) Grund Svínavatnshreppi (2.10.1921 - 5.1.2005)

Grund / Syðri-Grund í Svínavatnshreppi ([1300])

Páll Sessilíus Eyþórsson (1919-2002) Hvassafelli Blönduósi (3.6.1919 - 20.7.2002)

Ragnhildur Sveinsdóttir (1871-1951) Grund Svínadal (28.7.1871 - 22.2.1951)

Þorsteinn Þorsteinsson (1842-1921) Grund í Svínadal (4.12.1842 - 1.8.1921)

Þórður Þorsteinsson (1913-2000) Grund (27.6.1913 - 8.8.2000)

Þóra Þorsteinsdóttir (1908-2000) frá Grund (19.9.1908 - 16.8.2000)

Steinunn Þorsteinsdóttir (1905-1993) Grund í Svínadal (15.8.1905 - 5.10.1993)

Jakobína Þorsteinsdóttir (1877-1948) Hnausum (3.5.1877 - 3.5.1948)

Jóhanna Þorsteinsdóttir (1879-1957) frá Grund í Svínadal, (29.5.1879 - 13.7.1957)

Þorsteinn Þorsteinsson (1873-1944) Geithömrum Svínadal (12.3.1873 - 27.1.1944)

HAH01517

IS HAH

Final

Full

GPJ 24.6.2017

• Icelandic

®GPJ ættfræði https://www.mbl.is/greinasafn/grein/59458/?item_num=0&searchid=7e0fee998fb5c426dbc8323551ea2e1e74a79aa8