Indíana Sigfúsdóttir (1927-2008) Forsæludal

Indiana var fædd að bænum Forsæludal og stendur bærinn þar fremst og austan Vatnsdalsár. 16. júní 1927 - 18. okt. 2008. Var á Forsæludal, Undirfellssókn, A-Hún. 1930. Var í Forsæludal, Áshr., A-Hún. 1957. Í Forsæludal byrjaði Indiana síðan búskap með Braga Haraldssyni en þau fluttu sig síðan á næsta bæ, Sunnuhlíð, árið 1962. Í Sunnuhlíð voru þau búandi, fyrst sem leiguliðar en keyptu seinna jörðina og bjuggu þar síðan.
Í Forsæludal og Sunnuhlíð bjó Indiana alla ævi, fyrir utan síðustu tvö árin. Þann tíma var hún á Heilbrigðisstofnuninni á Blönduósi, þar andaðist hún og var útför hennar gerð frá Undirfellskirkju 25. október 2008.

„Ferðaþrá í brjósti brann burt um víða geyma.
En allt það sem ég fegurst fann, fann ég hérna heima“.

Barnaskólinn var farskóli sveitarinnar sem var meðal annars í Þórormstungu.
Í Kvennaskólann á Blönduósi fór Indiana veturinn 1946-47.

Í Forsæludal byrjaði Indiana síðan búskap með Braga Haraldssyni en þau fluttu sig síðan á næsta bæ, Sunnuhlíð, árið 1962. Í Sunnuhlíð voru þau búandi, fyrst sem leiguliðar en keyptu seinna jörðina og bjuggu þar síðan.

Amann leiða flýja finn
fáks við greiðu slögin.
Alltaf seiða anda minn
innstu heiðardrögin.

Allt er frjálst í fjallasal
fjarri þras og angur.
Á kunnri slóð um drög og dal
dagur varð ei langur.

Bjart er yfir byggðum lands
bungur krýnir snærinn.
Gleðin eykst er sér til Sands
seiðir fjallablærinn.

Hafðu ávallt hreinan skjöld
hlý þá verður sálin.
Nú skal verða kátt í kvöld
komdu og ræddu málin

Foreldrar; Sigfús Jónasson 20. apríl 1876 - 14. febrúar 1952. Bóndi og bókbindari í Forsæludal í Vatnsdal, Áshr., A-Hún. lengst af frá um 1908 til 1952. Bóndi og bókbindari þar 1930 og kona hans 11.8.1908; Sigríður Indíana O. Ólafsdóttir 22. október 1886 - 9. júlí 1960 Með foreldrum á Sneis til 1890 og síðan á Blönduósi fram undir 1910. Húsfreyja í Forsæludal í Vatnsdal, Áshreppi, A-Hún. Fluttist þangað 1908 og var húsfreyja þar fram undir 1950. Húsfreyja í Forsæludal, Undirfellssókn, A-Hún. 1930. Dvaldi þar síðan með börnum sínum. Frá Ólafshúsi á Blönduósi.

Systkini;
1) Ingibjörg Sigfúsdóttir 24. jan. 1909 - 10. jan. 2002. Vinnukona á Forsæludal, Undirfellssókn, A-Hún. 1930. Var á Refsteinsstöðum, Þorkelshólshreppi, V-Hún. 1957. Húsfreyja þar 1960. Kjörsonur skv. Hún.: Þórir Heiðmar Jóhannsson, f. 23.12.1941.
2) Benedikt Sigfússon 21. maí 1911 - 16. apríl 1994. Vinnumaður á Forsæludal, Undirfellssókn, A-Hún. 1930. Bóndi víða um Saurbæjarhreppi, Eyjaf., síðast búsettur á Akureyri. Ókvæntur.
3) Jónas Sigfússon 4. sept. 1913 - 24. júlí 1971. Vinnumaður á Forsæludal, Undirfellssókn, A-Hún. 1930. Bóndi í Forsæludal, Áshr. Ókvæntur og barnlaus.
4) Sigríður Sigfúsdóttir 18. sept. 1915 - 30. jan. 2003. Var í Forsæludal, Undirfellssókn, A-Hún. 1930 og 1957.
5) Sigfús Sigfússon 19. nóv. 1917 - 29. sept. 2002. Var á Forsæludal, Undirfellssókn, A-Hún. 1930. Var á Orrastöðum í Torfalækjarhreppi, A-Hún. 1957. Bóndi í Gröf í Víðidal og Þórormstungu í Vatnsdal.
6) Ólafur Sigfússon 26. jan. 1920 - 6. júlí 1986. Var á Forsæludal, Undirfellssókn, A-Hún. 1930. Bóndi og smiður í Forsæludal. Síðast bús. í Blönduóshreppi. Ókvæntur. Drukknaði. Skáldmæltur og voru ljóð hans gefin út.
7) Guðrún Sigfúsdóttir 18.5.1924 - 29.8.2016 Flögu í Vatnsdal 1962-1989, sambýlismaður 1944; Ívar Níelsson, f. 29.12. 1912, d. 23.4. 1999. Bóndi Flögu í Vatnsdal.

Maður Indíönu; Bragi Arnar Haraldsson 30. júlí 1932. Var í Forsæludal, Áshr., A-Hún. 1957. Bóndi Sunnuhlíð frá 1962.
Bf hennar 25.6.1949; Ragnar Ólafur Sigurðsson 21. ágúst 1922 - 16. feb. 1968. Verkamaður. Síðast bús. í Hafnarfirði. Var í Gröf, Víðidalstungusókn, V-Hún. 1930. Fósturfor: Gunnar Jónsson og Ingibjörg Gunnarsdóttir.

Börn;
1) Sigríður Ingibjörg Ragnarsdóttir 25.6.1949. Forsæludal. Maður hennar; Lúther Þór Olgeirsson 24. apríl 1943 Fæddur 23.4.1943 skv. kb. Bóndi Forsæludal.
1) Sigfús Indriði Bragason 25. ágúst 1953. Var í Forsæludal, Áshr., A-Hún. 1957.
2) Kristín Bragadóttir 5. desember 1954.
3) Ólafur Bragason 16. apríl 1957.
4) Jónas Bragason 17. september 1958 - 3. mars 1991. Bóndi á Marðarnúpi og síðar í Sunnuhlíð, Áshr., A-Hún. Síðast bús. í Áshreppi.
5) Helgi Bragason 6. apríl 1961. Zóphoníasarhúsi á Blönduósi.
6) Árni Bragason 1. júlí 1965.

Að venju eru upplýsingar frá Íslendingabók notaðar, ef þær stangast á við aðrar upplýsingar er þeim bætt við innan hornklofa [ ], ekki er tekin afstaða til mismunandi upplýsinga.

GPJ skráning 25.6.2023

• Icelandic

®GPJ ættfræði 25.6.2023
Íslendingabók
Húnavaka 1.5.2009. https://timarit.is/page/6454669?iabr=on