Sunnuhlíð í Vatnsdal - Kot / Torfustaðakot

• Torfustaðakot

Bærinn Kot eða Torfustaðakot síðar Sunnuhlíð, stendur á allháu melbarði við Vatnsdalsá vestan undir Múlanum sunnarlega. Undirlendi er frekar lítið og þröngt til ræktunnar. Veðursæld er mikil. Sjaldan mun taka fyrir haga í brekkunum og nýtur þar sólbráðar. Jörðin er lítil, en flestum hefur búnast þar vel. Þarna er dalurinn orðinn mjög þröngur, enda sér ekki til sólar á bænum 14 vikur á ári. Úti á Eyrunum voru Smiðsstaðir, en Torfastaðir sunnan til í landinu. Íbúðarhús byggt 1950, 350 m3. Fjós fyrir 10 gripi. Fjárhús yfir 350 fjár. Hlöður 610 m3. Haughús 88 m3. Geymslur 141 m3. Tún 17,8 ha. Veiðiréttur í Vatnsdalsá.

Áshreppur; Vatnsdalur; Vatnsdalsá; Múlinn [Tungumúli]; Eyrarnar; Smiðsstaðir; Torfastaðir; Vatnsdalsá; Merkidæld; Tunguklyf; Forsæludalur; Þórormstunga:

Þröngt var á fólkinu í Koti í baðstofu sem var að vísu í þrennu lagi og eldhús til hægri er gengið var upp í baðstofuna en frambærinn var mjög lélegur. Snéru bæjardyr til vesturs. Elsti sonurinn Björn tók heiftugan sjúkdóm um þetta leyti og þoldi ólýsanlegar þrautir. Var sjúkdómurinn í hægri mjöðm hans og kreppti fótinn svo að af varð ævilöng fötlun.

Ábúendur;

1880 og 1901- Gísli Guðlaugsson 29. apríl 1850 - 23. október 1906 Var í Marðarnúpi, Grímstungusókn, Hún. 1860. Vinnumaður í Forsælidal, Grímstungusókn, Hún. 1870. Bóndi í Koti, Grímstungusókn, Hún. 1880. Fjarverandi. Bóndi í Forsæludal og Koti í Vatnsdal, A-Hún. Kona hans; Guðrún Sigurrós Magnúsdóttir 24. júlí 1870 - 17. apríl 1953 Húsfreyja á Örlygsstöðum, Helgafellssókn, Snæf. 1930. Vinnukona í Hraunsfirði, Helgafellssókn, Snæf. 1920. Húsfreyja í Forsæludal og Koti , síðast á Kársstöðum, Helgafellssveit, Snæf

<1910-1934- Guðmundur Magnússon 21. júlí 1874 - 20. september 1934 Bóndi í Torfustaðakoti í Áshr., A-Hún og Sunnuhlíð í Vatnsdal. Bóndi og refaskytta í Koti, Undirfellssókn, A-Hún. 1930. Varð úti. Kona hans; Guðrún Guðbrandsdóttir 24. mars 1883 - 13. september 1968 Húsfreyja í Koti, Undirfellssókn, A-Hún. 1930. Var í Sunnuhlíð, Áshr., A-Hún. 1957. Húsfreyja. Síðast bús. í Áshreppi.

1937-1962- Gestur Guðmundsson 20. sept. 1916 - 27. júní 2009. Var í Koti, Áshreppi, A-Hún. 1920. Var í Sunnuhlíð, Áshr., A-Hún. 1957. Bóndi í Sunnuhlíð og Kornbrekku. Kona hans; Kristín Hjálmsdóttir 5. okt. 1925 - 4. maí 1988. Húsfreyja á Kornsá í Vatnsdal, Áshreppi, A-Hún. Var á Hofsstöðum, Stafholtssókn, Mýr. 1930. Verkakona í Reykjavík 1945. Var í Sunnuhlíð, Áshr., A-Hún. 1957.

1962-1974- Lárus Björnsson 10. desember 1889 - 27. maí 1987. Búandi þar að 1/4. Bóndi í Grímstungu, Undirfellssókn, A-Hún. 1930. Kona hans 13.5.1915; Péturína Björg Jóhannsdóttir 22. ágúst 1896 - 23. júlí 1985 Húsfreyja í Grímstungu, Undirfellssókn, A-Hún. 1930. Síðast bús. í Áshreppi.

1962- Bragi Arnar Haraldsson 30. júlí 1932 Var í Forsæludal, Áshr., A-Hún. 1957. Bóndi Sunnuhlíð frá 1962. Kona hans; Indiana Sigfúsdóttir 16. júní 1927 - 18. október 2008 Var á Forsæludal, Undirfellssókn, A-Hún. 1930. Var í Forsæludal, Áshr., A-Hún. 1957.
Húnaþing II bls 337

Landamerkjaskrá fyrir Koti, Undornfellskirkjujörð liggjandi í Áshreppi í Húnavatnssýslu. (hið forna Torfustaðaland.)

Að norðan ræður Merkidæld, sunnanvert við Tunguklyf, upp á há hálsinn, og eptir honum, sem vötn að draga að austan, að sunnan er gamall landamerkjagarður, og úr honum þversýnis upp á há hálsinn. Að vestan ræður Vatnsdalsá.

Ási í Vatnsdal, 10. júní 1890.
Hjörleifur Einarsson beneficiarius
J. Hannesson vegna eiganda og umráðamanns Forsæludals.
Bjarni Snæbjörnsson eigandi og ábúandi Þórormstungu.

Lesið upp á manntalsþingi að Ási í Vatnsdal, hinn 10. júní 1890, og innfært í landamerkjabók Húnavatnssýslu, No. 223, fol. 116.

GPJ 15.4.2019

• Icelandic

Landamerkjabók Húnavatnssýslu, No. 223, fol. 116.
Húnaþing II bls 337