Ingibjörg Sigfúsdóttir (1909-2002) Refsteinsstöðum frá Forsæludal

• Ingibjörg Sigfúsdóttir (1909-2002) Forsæludal

Ingibjörg Sigfúsdóttir fæddist í Forsæludal í A-Hún. 24. janúar 1909. Hún lést á Heilbrigðisstofnuninni á Blönduósi 10. janúar síðastliðinn. Ingibjörg verður jarðsungin frá Blönduóskirkju í dag og hefst athöfnin klukkan 14.

Sigfús í Forsæludal var mikill sögumaður og þekktur vísnasafnari en Sigríður eiginkona hans bar í blóði sínu skáldaæð frá sjálfum Bólu-Hjálmari. Systkinin í Forsæludal uxu upp frá þessum grunni. Ingibjörg var bráðgjör og tápmikil. Á unglingsárum hennar átti Sveinn frá Elivogum leið um Vatnsdalinn og orti 26 vísur, aðallega um bændurna. Fyrstu þrjár vísurnar í þeim flokki sem hann gerði er lofgerð um dalinn sjálfan en fjórða vísan og fjórar þær næstu eru um Ingibjörgu. Svo mikið fannst honum til um þessa vatnsdælsku ungmeyju. Fyrsta vísan er þannig:

Stofni vænum vaxin frá
vermda í blænum fjallsins
fjólu græna fann ég á
fremsta bænum dalsins.

Og síðasta vísan er þannig:

Glæsimeyjan gáfna fjörg
glúpnar ei við þrætur
eitthvað segir Ingibjörg
áður en beygjast lætur.

Forsæludalur í Vatnsdal: Refsteinsstaðir í Víðidal: Flaga í Vatnsdal: Húnabraut 30, Blönduós 1981:

Húsfreyja:

"Ég bið að þetta litla ljós
lýsi skært og dafni.
Allra manna öðlist hrós
árum mörgum safni."

Þessa bæn ég til þín tárvot sendi
í trausti þess að nái hún til þín.
Slepptu ei af mér þinni hlýju hendi,
hjartans besta tengdadóttir mín.

Mjög er loftið syðra svart
sýnist lævi blandið.
Hlakka ég til er hlýtt og bjart
heilsar Norðurlandið.

Foreldrar hennar voru Sigfús Jónasson, bóndi í Forsæludal, og kona hans, Sigríður Ólafsdóttir.
Ingibjörg var elst af átta börnum þeirra hjóna. Næstur Ingibjörgu var Benedikt, bóndi í Eyjafirði (látinn), Jónas, bóndi í Forsæludal (látinn), Sigríður, húsfreyja í Forsæludal, Sigfús, lengst bóndi í Gröf í Víðidal, Ólafur, smiður og bóndi í Forsæludal (látinn), Guðrún, fyrrum húsfreyja á Flögu í Vatnsdal, nú búsett á Hvammstanga, Indíana, húsfreyja í Sunnuhlíð í Vatnsdal.
Maður Ingibjargar var Jóhann Teitsson frá Víðidalstungu í Víðidal, f. 13. maí 1904, d. 10. desember 1996. Bjuggu þau lengst á Refsteinsstöðum í Víðidal. Þeim varð ekki barna auðið en tóku að sér kjörson, Þóri Heiðmar, f. í Litlu-Hlíð í Víðidal 23. desember 1941. Kona hans er Ingibjörg Kristjánsdóttir frá Hæli í Torfalækjarheppi og eiga þau fjögur börn, einnig á Þórir eina dóttur með Jónínu Skúladóttur frá Bergsstöðum í Miðfirði.

GPJ 23.5.2017

• Icelandic

®GPJ ættfræði
Íslendingabók
mbl 19.1.2002. https://www.mbl.is/greinasafn/grein/647989/?item_num=1&searchid=41bd74d9f66533c7c6d6e01cc4f4939fc3b1705b