Fyrirtæki/stofnun

Engihlíð í Langadal

[1000]

Gamalt býli. Búsetu þar er getið í landnámu. Bærinn stendur undir hárri brekku, vestan þjóðvegar, örskotslengd frá bökkum Blöndu. Er bæjarstæðið sérkennilegt og skýlt. Hér er þingstaður sveitarinnar og er hreppurinn við hann kenndur. Jörðin er landþröng, en mestur hluti þess gróðurlendi og mjög grösugt. Jörðin er í eyði, en nytjuð af eiganda hennar Guðsteini Kristinssyni á Skriðulandi.
Engar byggingar eru uppistandandi lengur, utan hvað þinghús hreppsins stendur í túni Engihlíðar. Tún 5,5 ha. Veiðiréttur í Blöndu.
Í Engihlíð í Langadal var hálfkirkja fyrir 1360 og lá til Holtastaða. Hún var enn 1394.

Langidalur; Engihlíðarhreppur; Glaumbær; Blanda; Blönduárbakki; Háagerði; Strítuhóll: Engihlíðarhnjúkur; Hrafnaklettar; Svepphólslækur; Háubunga; Skriðuland; Eingehlyd.
Hofstaðir í Helgafellssveit í Snæfellssýslu;

Eingehlyd.
Bænahús segja menn hjer hafi verið, en er nú af fallið, og sjest enn tóftarbrotið, sem þó er alt grasi vaxið, en kallast almennilega bænahústóft. þessi jörð hefur í eyði legið siðan í næstu fardögum. Jarðardýrleiki xxx € , en með Glaumbæ fimtíu hundruð og so tíundast fjórum tíundum. Eigandinn áðurnefnd Þorbjörg Björnsdóttir. Landskuld var fyri átta árum i € , en síðast þá jörðin bygðist lx álnir. Betalast í landaurum þar heima. Leigukúgildi ii og ii ær seinast jörðin bygðist, meinast áður verið hafa iiii. Leigur betöluðust í smjöri oftar þar heima. Kvaðir öngvar. Fóðrast kunni ii kýr, i úngneyti, xl ær, xv lömb, iiii hestar. Kostir og ókostir sem áður segir um Glaumbæ, nema hjer grandar ekkert túninu.

Jörðin er í eyði, en nytjuð af eiganda hennar Guðsteini Kristinssyni á Skriðulandi.

Ábúendur;

<1901-1936- Guðmundur Einarsson 11. okt. 1859 - 12. des. 1936. Bóndi í Engihlíð í Langadal, A-Hún. Kona hans; Ingibjörg Stefánsdóttir 27. júlí 1862 - 12. ágúst 1950. Húsfreyja í Engihlíð, Höskuldsstaðasókn, A-Hún. 1930. Húsfreyja í Engihlíð í Langadal, A-Hún.

1943- Sigurður Einar Guðmundsson 11. mars 1892 - 29. apríl 1943. Kennari í A-Húnavatnsýslu. Bóndi í Engihlíð, A-Hún. Ókvæntur og barnlaus.

1964- Jakobína Sigrún Guðmundsdóttir 4. des. 1898 - 1. apríl 1980. Vinnukona í Engihlíð, Höskuldsstaðasókn, A-Hún. 1930. Var í Engihlíð, Engihlíðarhr., A-Hún. 1957. Síðast bús. í Blönduóshreppi.

1964- Elísabet Guðrún Guðmundsdóttir 11. júní 1902 - 22. nóv. 1997. Var í Engihlíð, Engihlíðarhr., A-Hún. 1957. Síðast bús. á Blönduósi.

Merkjalýsing fyrir jörðinni Engihlíð í Engihlíðarhreppi.

Að sunnan milli Glaumbæjar og Engihlíðar ræður garðlag gamalt neðan frá Blönduárbakka til austurs í fjall upp, um sunnanvert Háagerði, sem er stór grashóll fyrir utan og neðan Glaumbæ, þaðan til fjalls upp beina sjónhending í svonefndar Strítuhól og úr honum beina línu í svonefndan Engihlíðarhnjúk og þaðan til austurs í sunnanverða svonefnda Hrafnakletta, og þaðan austur á fjall, sem það er hæst. Að norðan ræður yfir Svepphólslækur allt frá Blöndu til austur í fjall upp svo lengi sem hann sumpart er alveg ofan jarðar og sumpart undir jarðbrún, allt þar til hann fyrst kemur upp, að þaðan frá er stefnan til austurs í stóran, jarðfastan stein á sunnanverðri Háubungu, og þaðan beina sjónhending á fjall austur, þar sem það er hæst. Að austan er merkjalínan eptir háfjallinu, eins og vötnum hallar til beggja hliða, og eptir því bein lína til norðurs og suðurs milli enda hliðarlínanna. Að vestan ræður Blanda landamerkjum.

Þessa merkjalýsingu, sem samin er 14. maí 1887, samþykkjum vjer undirritaðir:
Eigandi jarðarinnar Engihlíðar: Kristófer Jónsson.
Eigandi jarðarinnar Glaumbæjar og Miðgils: Pjetur Oddson.

Lesið upp á manntalsþingi að Engihlíð, hinn 22.maí 1889, og innfært í landamerkjabók Húnavatnssýslu No. 83, fol. 43b.

Helgi Jónsson (1896-1985) Sauðanesi (6.7.1896 - 23.2.1985)

Miðgil í Engihlíðarhreppi. ((1950))

Glaumbær í Langadal ((1950))

Sigríður Pétursdóttir (1832-1917) Engihlíð (20.10.1832 - 23.10.1917)

Vilborg Guðmundsdóttir (1885-1968) Miðgili (25.9.1885 - 14.3.1968)

Skriður í Húnavatnssýslum (874 -)

Kaldakinn Torfalækjarhreppi ((1250))

Ingibjörg Stefánsdóttir (1862-1950) Engihlíð (27.7.1862 - 12.8.1950)

Sigurður Einar Guðmundsson (1892-1943) kennari Engihlíð (11.3.1892 - 29.4.1943)

Guðsteinn Kristinsson (1932-2002) Skriðulandi (16.6.1932 - 26.2.2002)

Elísabet Guðmundsdóttir (1902-1997) frá Engihlíð (11.6.1902 - 22.11.1997)

Guðmundur Einarsson (1859-1936) Engihlíð (11.10.1859 - 12.12.1936)

HAH00207

IS HAH-Bæ

Loka

Fullt

GPJ 25.3.2019

• íslenska

Guðmundur Paul
Jarðabók Páls Vidalín 1708. Bls 406
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók Húnavatnssýslu No. 83, fol. 43b.
Húnaþing II bls 149