Einarsnes Blönduósi

• Sigtryggsbær

Sumarið 1878 var Sverri Runólfssyni steinhöggvara úthlutuð lóð sem þá nefndist Sverrishorn en síðar Einarsnes eftir að Einar Einarsson fór að búa þar. Hann náði þó ekki að koma yfir sig húsi áður en hann dó. Hann hafði þó viðað að sér efni sem var selt á uppboði eftir lát hans.

Sá fyrsti sem byggir á nesinu var Sigtryggur Benediktsson, sem settist þar að 1898 og bjó þar til 1903 er hann missti konu sínu og flutti burt. Dóttir þeirra var móðir Hannesar Péturssonar rithöfundar.
Húsið var rifið eða brennt 1987

Blönduós gamlibærinn; Blanda:

Nefndist Sverrishorn 1878 eftir Sverri Runólfssyni (1831-1879) drukknaði á Skagaströnd, sem fyrstur fékk úthlutað þar lóð en lést áður en framkvæmdir hófust. Yfirsmiður við Hillebrandtshúsið var Sverrir Runólfsson steinsmiður þá hafði hann nýlokið við að hlaða Þingeyrarkirkju, síðar fékk hann útmælda lóð á „Sverrishorni“ (Einarsnesi). Ekki entist honum þó ævin til að reisa sér hús þar. Héðan sigldi hann áleiðis til Borðeyrar með hund sinn, sem hann kallaði Magnús berfætta, en ekkert spurðist til þeirra eftir það. Sagt er, að menn hafi tekið til þess, hvað hundurinn var tregur að fara í bátinn.
Einarsnes - Sigtryggshús 1898.

Zophonías Hjálmsson bjó á Einarsnesi 1901-1904, flutti þá að Grund (í Klaufina) þar sem han bjó meðan hann byggði fyrsta hús sitt (Jónasarhús).
Einar Einarsson flutti í Einarsnes frá Hjaltabakkakoti. Hann hætti búskap vegna sjúkleika konu sinnar, sem læknir taldi að þyldi ekki búskapinn. Hún lifði þó til hárrar elli pg komst hátt á tíræðisaldur. Einar bjó á Einarsnesi til dauðadags 1923. Einar var búinn að kaupa bæinn 1904 og óskaði eftir láni hjá Torfalækjarhreppi. Hreppsnefnd gekk inn í kaupin 8.2.1905 og átti bæinn til 1917 og leigði Einari.

Einar fékk lóðasamning 20.4.1917. Lóðin var 520 ferfaðmar og takmörk hennar, að norðan Blanda, að austan af skurði, að vestanaf lóð Maríu í Maríubæ, en að sunnan af girðingu sem liggur meðfram veginum upp að Blöndu. Ekki mun hafa verið m skriflegan samning fyrr en þessi er gerður.

1923-1924 bjó þarna Jóhann G Kristjánsson verts meðan hann byggði sitt hús (Hannahús).
Næstur til að búa þar var Erlendur Hallgrímsson sem bjó þar 1924-1935. Hann fær afsal fyrir húsinu 24.9.1926 af Bjarna Einarssyni sem átti húsið að föður sínum látnum. Sambýliskona Erlendar, Sigurlaug Hannesdóttir keypti húsið af honum og tryggði það í sínu nafni 15.1.1936. Hún bjó afram ei Einarsnesi til dánardags 1942.
Ágúst Jónsson kaupir Einarsnes 3.7.1943 og leigði ýmsum húsið en hafði þó skepnur þar.
Ingibjörg Jósefsdóttir bjó þar til 1955 og Jónína Valdemarsdóttir fran á 7unda áratuginn.

Í fasteignamati 1916 er húsið sagt með torfveggjum og torfþaki 10 x 6 álnir, hæð í mæni 5 álnir. Ekki var búið að leiða vatn í húsið. Vatn var tekið úr ánni og ausið í tunnu, látið standa uns leirinnhafði fallið til botns. Þótti vatnið merkilega gott.
Torfkofi var til heyrandi húsinu 1916. Lóðin var sögð ½ dagsslátta óræktuð, en notuð til mótekju.
Einar byggði síðar smiðju á lóðinni, var hún síðar flutt á næstu lóð og notuð til íbúðar. Hún átti eftir að flytjast lengra og var búið í henni fram til 1996 [Snjólaugarhús].

1898-1903- Sigtryggur Benediktsson f. 3.12.1866, d. 6.2.1954, síðar gistihússtjóri á Akureyri, Fyrri kona hans 15.5.1889; Stefanía Guðrún Guðjónsdóttir f. 11.8.1867 - 5.1903.
Börn þeirra;
1) Guðjón (1890-1890),
2) Sigríður Guðrún (1894-1979). Húsfreyja á Sauðárkróki 1930. Húsmóðir. Síðast bús. á Sauðárkróki.

1901-1904- Zóphónías Hjálmsson (1864-1931 sjá Jónasarhús.
1901- Valdimar Jóhannsson Álfsteinn (1883-1970). Sveitarómagi á Efri-Bergstöðum, Staðarbakkasókn, Hún. 1890. Klæðskeri á Fálkagötu 13, Reykjavík 1930. Tók upp ættarnafnið Álfstein samkvæmt leyfisbréfi 30.7.1917. Síðast bús. í Reykjavík.
1901- Jónína Sigríður Árnadóttir (1863-1943). Harastöðum

1904-1923-Einar Einarsson f. 6. júní 1867, d. 16. ágúst 1923, bóndi Geirastöðum, maki 6. ágúst 1892; Margrét Þorsteinsdóttir f. 8. ágúst 1865, d. 16. febr. 1958, frá Fögrukinn Möðrudalsheiði. ekkja Þorlákshúsi 1933 og Bjarnahúsi (Árbraut 11) 1946.
Börn þeirra:
1) Þorvaldur (1893),
2) Þuríður (1896-1979) sjá Sandgerði,
3) Bjarni Ingvi (1897-1978) sjá Sandgerði,
4) Ingibjörg (1898- 1918). Var í Hjaltabakka, Blönduóssókn, Hún. 1901.
5) Margrét (1902-24. nóv. 1988) Svíþjóð.
Leigjandi 1910; Björn Einarsson (1845-1921), Garði og Ríp á Hegranesi, sjá Kvennaskólann 1910.

1924-1942-Erlendur Hallgrímsson f. 4. mars 1860, d. 16. ágúst 1923, frá Meðalheimi, maki (sambýlisk); Sigurlaug Hannesdóttir f. 22. sept. 1850 Brekku í Garði, d. 25. maí 1942, barnlaus.

1940- Guðrún Þorsteinsdóttir f. 14. maí 1865 Rauðsdal Barðastr. d. 11. nóv. 1951. Hrísum og Helgavatni, ekkja 1940. Maki; 1. okt. 1891; Jón Jónsson f. 7. apr. 1857, d. 17. mars 1937, frá Innri Vík í Eyrarsveit.
Börn þeirra;
1) Páll Hjaltalín (1892-1944) Smyrlabergi,
2) Jón Þorsteinn (1895-1982) Verkamaður. Síðast bús. í Reykjavík.
3) Björn Elíeser (1899-1975) sjá Árbæ,
4) Sigurlaug Marsibil (1908-1987) Vinnukona á Hamri, Auðkúlusókn, A-Hún. 1930. Húsfreyja í Reykjavík 1945.

1940- Pétur Andrésson f.  27. júlí 1890 d. 5. nóv. 1973, maki; Valgerður Sigríður Stefánsdóttir f. 8. sept. 1892 d. 16. des. 1994. Sjávarborg Skagaströnd 1957. Sjá Akur 1946.

1946 og 1951 -Þorbjörg Sigurjónsdóttir f.  2. okt. 1912 Grund í Svínadal, d 13. okt. 1991 Þórðar húsi 1933, Maki 1939; Guðmundur Sveinbjarnarson f. 1. apríl 1900 d. 12. júlí 1977. Kópavogi.
Barn þeirra;
1) Herbert Guðmundsson (1941). Framkvæmdastjóri Kópavogi

1946 og 1951- Ingibjörg Jósefsdóttir f. 31. des. 1882 d. 10. okt. 1955, Vesturá, Einarsnesi 1946 og 1951, móðir Þorbjargar. Sjá Þórðarhús og Rútsstaði.

GPJ 14.5.2019

• Icelandic

®GPJ Býlaskrá Blönduóss 1876 - 1957
Upplýsingar um lóðamörk eru fengnar frá Jóni Arasyni (1949) í Skuld.
Skilningur á staðsetningu er alfarið minn. GPJ.