Fyrirtæki/stofnun

Brekkukot í Þingi

(1950)

Bærinn stendur á brekkubarði austan þjóðvegar vestnorðvestur af Axlaröxl skammt frá hlíðarrótum en engi er vestan vegar og mela, áveita. Beitiland er nokkuð til fjalls, austur með því og í norðurhlíð þess, til skamms tíma sameiginlegt með Brekku. Brekkukot var þjóðjörð til 1915, áðurfyrr klaustusjörð. Íbúðarhús byggt 1934, 440 m3. Fjós fyrir 7 gripi. Fjárhús yfir 250 fjár. Tún 21,3 ha.

Sveinsstaðahreppur; Axlaröxl; Brekka; Axlar- eða Brekku-kvísl; Grásteinn; Tjarnstæði; Hjallabrún; Öxlin; Vatnsdalsfjall; Hjálpargil; Gilá; Sellækjarós; Litlagiljá; Langadalsendi; Krossdalur; Skriðugil; Sortuvik; Brekkukvísl; Þingeyrarklaustur;

Ábúendur;

<1901-1918- Bjarni Jónsson 18. desember 1852 - 12. október 1919 Bóndi í Brekkukoti í Þingi, A-Hún. Þau hjón áttu engin börn en hann átti börn með fjórum konum utan hjónabands. Kona hans; Guðrún Jóhanna Helgadóttir 1837 Vinnukona í Höfðakaupstað 1854-59 og í Kambakoti á Skagaströnd 1859-61, þá ógift. Vinnukona á Hjallalandi, Undirfellssókn, Hún. 1870. Húsfreyja í Brekkukoti í Þingi, A-Hún. Þau barnlaus.

1918-1954- Sigurður Bjarnason 24. jan. 1895 - 5. júlí 1953. Bóndi og bílstjóri í Brekkukoti, Þingeyrasókn, A-Hún. 1930. Bóndi í Brekkukoti. Kona hans; Anna Sigurðardóttir 6. apríl 1899 - 3. okt. 1976. Var í Brekkukoti, Sveinsstaðahr., A-Hún. 1957. Húsfreyja þar. Síðast bús. í Sveinsstaðahreppi.

1954- Sigþór Sigurðsson 12. júní 1922 - 27. nóv. 2010. Var í Brekkukoti, Þingeyrasókn, A-Hún. 1930. Var í Brekkukoti, Sveinsstaðahr., A-Hún. 1957.

Landamerkjaskrá fyrir þjóðjörðunum Brekku og Brekkukoti í Sveinsstaðahreppi.

Að sunnan úr stórum steini niður undir Axlar- eða Brekku-kvísl, er nefnist Grásteinn og merktur er L, til landnorðurs að vörðu, er á melnum vestanvert við grasbolla, sem nefndur er Tjarnstæði, frá henni í stóran stein upp á mýrinni, sem einnig er merktur L, og frá honum sömu stefnu í vörðu á Hjallabrúninni, þá aptur frá henni uppá norðvesturhorn Axlarinnar, sem er norðurendi Vatnsdalsfjalls, þaðan beina stefnu suðaustur að Hjálpargili, og sem það ræður, þá frá því þvert niður til Gilár, ræður hún þá merkjum niður að Sellækjarós. Milli Brekku og Litlugilár eru þessi merki: Fyrir sunnan Sellækjarós eru tveir stórir steinar, og er annar þeirra merktur L, frá honum beina leið í miðjan Langadalsenda austari, og þá eptir honum miðjum niður til Krossdals, þar sem lækurinn fellur yfir göturnar, þá þaðan niður til Skriðugils, og eptir því, sem það ræður, þá frá merkjasteini í miðjum Skriðugilsenda neðri, eptir stefnu þeirri, er merkjavörður benda til, að vörðu við landnorðurenda Sortuviks, þá sem það ræður til suðvesturs að vörðu, er stendur við suðvesturenda þess, frá henni þvert yfir hólmann að vörðu, sem er vestur við Brekkukvísl, og ræður hún þá merkjum fram til fyrnefnds Grásteins, er merktur er L.

Hvammi, 3. maí 1889
B.G. Blöndal umboðsmaður Þingeyrarklaustursjarða.
Þorsteinn Jónsson, Gísli Jónsson, eigendur Litlugilár.
J. Einarsson fjárhaldsmaður ómyndugra eigenda ½ jarðarinnar Axlar.
Guðrún Einarsdóttir, eigandi ½ jarðarinnar Axlar.

Lesið upp á manntalsþingi að Sveinsstöðum, hinn 28.maí 1889, og innfært í landamerkjabók Húnavatnssýslu No. 98, fol. 51b.

Hnausar í Vatnsdal ((1950))

Öxl í Þingi ((1350))

Pétur Tómasson (1859-1946) Meðalheimi (25.9.1859 - 11.8.1946)

Margrét Helgadóttir (1871-1955) Ráðskona á Beinakeldu (14.7.1871 - 9.4.1955)

Sveinsstaðahreppur 1000-2005 (1000-2005)

Sigþór Sigurðsson (1922-2010) Brekkukoti (12.6.1922 - 27.11.2010)

Bjarni Jónsson (1852-1919) Brekkukoti í Þingi (18.12.1852 - 12.10.1919)

Anna Sigurðardóttir (1899-1976) Brekkoti í Þingi (6.4.1899 - 3.10.1976)

Þingeyrakirkja (1864 -)

HAH00499

IS HAH-Bæ

Loka

Fullt

GPJ 25.3.2019

• íslenska

Landamerkjabók Húnavatnssýslu No. 98, fol. 51b.
Húnaþing II bls 296