Einstaklingur

Björn Arason (1931-2002) kennari Borgarnesi

• Björn Kristófer Arason (1931-2002)

15.12.1931 - 22.2.2002

Björn Arason fæddist 15. desember 1931 á Blönduósi.
Hann lést á Landspítalanum 22. febrúar 2002.
Útför Björns fór fram frá Borgarneskirkju 1. mars 2002 og hófst athöfnin klukkan 14.

Blönduós: Reykir Hrútafirði: Borgarnes.

Björn lauk stúdentsprófi frá MA 1953, stundaði síðan nám við HÍ 1953-54 og í Englandi 1955.

Hann var kennari við Héraðsskólann á Reykjum í Hrútafirði 1955-56, og kenndi við Miðskólann í Borgarnesi 1956-67. Björn var kaupmaður og umboðsmaður Skeljungs hf. 1964-1994. Hann rak Shellstöðina í Borgarnesi ásamt því að vera umboðsmaður fyrir Flugfélag Íslands og Almennar tryggingar frá 1964-89. Einnig stundaði hann verslunarrekstur um margra ára skeið ásamt Braga Jósafatssyni, mági sínum. Eftir að hann hætti rekstri Shellstöðvarinnar var hann veiðieftirlitsmaður Veiðimálastofnunar á sumrin.

Björn starfaði í Lionsklúbbi Borgarness frá 1958 til dánardags og gegndi hann flestum trúnaðarstörfum innan klúbbsins og var alltaf mjög virkur félagi. Björn starfaði lengi fyrir Sjálfstæðisflokkinn og tók virkan þátt í bæjar- og kjördæmismálum. Hann sat í hreppsnefnd Borgarneshrepps 1970-82, var formaður hreppsráðs 1978-82, sat í skólanefnd Miðskóla og Barnaskóla Borgarness frá 1970-82. Hann var í stjórn Hitaveitu Akraness og Borgarfjarðar frá stofnun, 1979, til 1986 og var formaður stjórnar 1983-84.

Foreldrar hans voru Ari Jónsson, sýsluskrifari á Blönduósi, f. 8.5. 1906, d. 3.12. 1979, og Guðríður Björnsdóttir húsfreyja, f. 21.9. 1897, d. 18.5. 1990.
Systir Björns er;
1) Ingibjörg, verslunarmaður í Reykjavík, f. á Blönduósi 23.8. 1935, sonur hennar er Ari Hafsteinn (1957)

Björn kvæntist 23.8. 1955 Guðrúnu Jónínu Jósafatsdóttur matráðskonu, f. 23.8. 1932. Foreldrar hennar voru Jósafat Sigfússon, verkamaður á Sauðárkróki, f. 14.9. 1902, d. 10.12. 1990, og Jónanna Sigríður Jónsdóttir húsfreyja, f. 25.9. 1907, d. 3.12. 2000.
Börn Björns og Guðrúnar eru:
1) Jónanna Guðrún framkvæmdastjóri, f. 8.10. 1955, maki Níels Guðmundsson verkfræðingur, dætur þeirra eru Guðrún Eva og Sigríður Soffía.
2) Ari rafmagnsiðnfræðingur, f. 25.8. 1960, maki Fanney Kristjánsdóttir, starfsmaður Grunnskóla Borgarness, dætur þeirra eru Anna María og Birna Ósk, dóttir Fanneyjar er Guðrún Ágústa Möller.
3) Guðríður Inga þroskaþjálfi, f. 4.8. 1963, dætur hennar eru Soffía og Sunna.
4) Jón Jósafat markaðsstjóri, f. 25.9. 1970, maki Dagný Guðmundsdóttir sölumaður, dóttir Dagnýjar er Aníta Ýr.

Friðfinnshús Blönduósi / Læknahús 1897-1901 (1896 -)

Halldórshús utan ár (1909 -)

Sæmundsenhús Aðalgata 2 Blönduósi (1923 -)

Guðríður Björnsdóttir (1897-1990) frá Hnausum (21.9.1897 - 18.5.1990)

Ari Jónsson (1906-1979) sýsluskrifari Blönduósi (8.5.1906 - 3.12.1979)

Ingibjörg Aradóttir (1935) Blönduósi (23.8.1935 -)

HAH01140

IS HAH

Loka

Fullt

GPJ 16.5.2017 https://www.mbl.is/greinasafn/grein/654910/?item_num=2&searchid=89b02128bd6f459f654e69403d626215702e0cf0

• íslenska

®GPJ ættfræði