Guðríður Björnsdóttir (1897-1990) frá Hnausum

Guðríður Björnsdóttir ­ Minning Fædd 21. september 1897 Dáin 18. maí 1990 Í gærdag var kvödd hinstu kveðju amma mín Guðríður Björnsdóttir er andaðist á Sjúkrahúsi Akraness, föstudaginn 18. maí síðastliðinn. Amma Guðríður fæddist 21. september 1897 í Holti á Ásum, en ólst upp í Hnausum í Þingi. Húnvar dóttir hjónanna Björns Kristóferssonar bónda í Hnausum og seinni konu hans, Sigríðar Bjarnadóttur, ættaðri frá Stað í Steingrímsfirði.

Ung fór amma að vinna fyrir sérí kaupavinnu á sumrin m.a. í Hjarðarholti í Stafholtstungum og Álftanesi á Mýrum. Á vetrum var hún í Reykjavík og vann þá við saumaskap og framreiðslu í veislum. Þótti hún eftirsótt til þeirra starfa sökum vandvirkni og glæsilegrar framkomu.

Árið 1930 nánar tiltekið 18. október giftist Guðríður Ara Jónssyni frá Balaskarði í Laxárdal. Þau settust að á Blönduósi. Bjuggu þau fyrst í Halldórshúsi, en síðan í allmörg ár í Sæmundsenshúsi. Var tilþess tekið, hve litla heimilið var vistlegt og notalegt. Árið 1946 keyptu þau Friðfinnshús og bjuggu þar í 22 ár. Þá byggðu þau, ásamt Ingibjörgu dóttur sinni, einbýlishús fyrir utan Blöndu og bjuggu þar uns þau fluttu til Borgarness.

Þau eignuðust tvö börn, Björn kaupmann í Borgarnesi, kvæntur Guðrúnu Jósafatsdóttur, og Ingibjörgu skrifstofumann hjá Hagkaupum, gift Sigurði Þ. Guðmundssyni. Barnabörnin eru fimm og barnabarnabörnin einnig fimm.

Halldórshús Blönduós 1930, Sæmundsenhús og Friðfinnshús 1946-1968: Borgarnes: Reykjavík

GPJ 20.5.2017

• Icelandic

http://www.mbl.is/greinasafn/minningaleit/