Person

Ari Jónsson (1906-1979) sýsluskrifari Blönduósi

• Ari Jónsson (1906-1979)
• sýsluskrifari

8.5.1906 - 3.12.1979

Ari Jónsson bifreiðarstjóri frá Blönduósi andaðist 3. desember 1979 á Landspítalanum í Reykjavík.
Hann var fæddur 8. maí 1906 á Balaskarði. Voru foreldrar hans hjónin Jón Sigurðsson lengst af bóndi á Balaskarði í Laxárdal. Hann var fæddur Þingeyingur á Undirvegg í Kelduhverfi og kona hans var Guðný Pálsdóttir Jónssonar hreppstjóra á Syðri-Ey. Alls voru börn þeirra Balaskarðshjóna 14 að tölu.
Ari var yngstur sinna systkina, flutti með foreldrum sínum að Hofi á Skagaströnd. Hann fór snemma að heiman og stundaði sjó. Þótti hann efnismaður til allra starfa. Ari kvæntist Guðríði Björnsdóttur Kristóferssonar bónda frá Hnausum 18. október 1930 og settust þau að á Blönduósi. Þau eignuðust hús Friðfinns hreppstjóra 1946 en nokkrum árum síðar reistu þau sér stórt og glæsilegt hús utan við ána. Ari var mörgum kunnur, því um áratugi ók hann langferðabílum milli Reykjavíkur og Akureyrar, fyrst á vegum Kristjáns Kristjánssonar á Akureyri og síðar á vegum póststjórnarinnar. Ara farnaðist þessi starfi vel, hann var prúðmenni og reglusamur og snyrtimenni og öruggur bifreiðarstjóri. Þetta var lýjandi starf meðan vegir voru eigi góðir, einkum er vetrarríki var mikið og geðslag farþega með ýmsu móti.
Þá greiddu langferðabílstjórar oft fyrir fólki á ýmsan hátt og var Ari manna liprastur við það. Er Ari þreyttist á langferðaakstrinum hóf hann rekstur á leigubíl til farþegaflutninga á Blönduósi og lánaðist
það vel. Hann er sá eini sem hefur haft þetta að aðalatvinnu á Blönduósi.

Ara Jónssyni var boðið sýsluskrifarastarf á Blönduósi og tók hann þá stöðu. Þó að Ari hefði ekki stundað mikið skriftir um æfina skrifaði hann ágæta hönd sem Páll bróðir hans. Ari var hneigður til búskapar, átti kindur og hross og stundaði kartöflurækt í Selvík og laxveiði sér til skemmtunar. Þau hjón Guðríður og Ari eignuðust tvö börn. Björn stúdent er var um árabil kennari á Reykjaskóla í Hrútafirði, nú búsettur í Borgarnesi og rekur þar verslun. Hann er kvæntur Guðrúnu Jósafatsdóttur frá Sauðárkróki. Ingibjörgu, er var áður deildarstjóri hjá Kaupfélagi Húnvetninga nú hjá Hagkaup í Reykjavík. Arið 1975 fluttu þau hjón til Borgarness og stundaði Ari þar verslunarstörf.
Hann var jarðsettur í Reykjavík 10. desember 1979.

Sr. Pétur Þ. Ingjaldsson

Balaskarð á Laxádal fremri: Friðfinnshús Blönduós: Borgarnes:

Bifreiðastjóri: Sýsluskrifari:

Holtabraut Blönduósi

Jón Guðmundsson (1892-1992) Sölvabakka (26.11.1892 - 3.7.1992)

Finnur Guðmundsson (1891-1971) Skrapatungu og Blönduósi (9.3.1891 - 10.5.1971)

Ingibjörg Aradóttir (1935) Blönduósi (23.8.1935 -)

Jón Sigurðsson (1855-1946) Balaskarði (30.4.1855 - 2.6.1946)

Björn Arason (1931-2002) kennari Borgarnesi (15.12.1931 - 22.2.2002)

Guðný Pálsdóttir (1866-1942) Balaskarði (11.9.1866 - 13.6.1942)

Kristín Karólína Jónsdóttir (1895-1958) Rvk frá Balaskarði (23.6.1895 - 20.1.1958)

Magðalena Jónsdóttir (1892-1972) Sölvabakka (7.12.1892 - 3.4.1972)

Emma Jónsdóttir (1890-1976) Spákonufelli (4.8.1890 - 29.2.1976)

Páll Jónsson (1899-1979) skólastjóri á Skagaströnd (22.12.1899 - 19.7.1979)

Guðríður Björnsdóttir (1897-1990) frá Hnausum (21.9.1897 - 18.5.1990)

Friðfinnshús Blönduósi / Læknahús 1897-1901 (1896 -)

Halldórshús utan ár (1909 -)

Sæmundsenhús Aðalgata 2 Blönduósi (1923 -)

HAH01543

IS HAH

Final

Full

GPJ 20.5.2017

• Icelandic

http://timarit.is/view_page_init.jsp?pageId=6346706
Húnavaka 1980 bls. 152.