Bergsstaðir-Torfnes Vatnsnesi

• Bergstaðir Vatnsnesi

Bergstaðir I og II á Vatnsnesi;
Nefnist Bergstaðir í manntölum. Gamalt býli í bændaeign. Jörðinni hefur verið skipt í tvö býli, en er nú setin af einum ábúanda. Landmikil jörð með hlunnindi af selveiði og nokkru æðavarpi. Land er klettótt, þar er huldufólksbyggð. Fjallið allvel gróið og sauðfjárhagar góðir. Ræktunarland torunnið umfram það sem þegar hefur verið tekið í rækt. Bærinn stendur á sjávarbakka, neðan hans er góð lending í skjóli sjávarkletta. Um aldamótin 1800 bjó á Bergsstöðum Gunnlaugur Magnússon, fara sögur af merkilegu hugviti hans. Sonur hans var Björn yfirkennari, „spekingurinn með barnshjartað“. Íbúðarhús byggt 1951, 562 m3. Fjárhús yfir 285 fjár. Hlöður 197 m3. Votheysgeymslur 748 m3. Tún 42 ha. Selveiði og æðarvarp.

Kirkjuhvammshreppur; Vatnsnes; Tjarnarsókn:

Torfnes á Vatnsnesi í landi Bergsstaða í Kirkjuhvammshreppi. Myndin er tekin á Bergsstöðum á Vatnsnesi. Nesið fjærst á myndinni heitir Torfnes. Strandir í fjarska.

Myndin er tekin fyrir 1950

Huldufólksbyggð;

Ábúendur;

<1890> Sigurlaug Gunnlaugsdóttir 19. október 1845 - 11. desember 1920 Var í Hrútatungu, Staðarsókn, Hún. 1845. Bústýra í Bakkabúð, Garðasókn á Akranesi, Borg. 1870. Húsfreyja á Þorgrímsstöðum á Vatnsnesi. Húsfreyja á Þorgrímsstöðum, Tjarnarsókn, Hún. 1880. Húsfreyja á Bergstöðum, Tjarnarsókn, Hún. 1890 og maður hennar 2.10.1872; Friðrik Gunnarsson 27. desember 1840 - 20. september 1899 Var í Mýrum, Melstaðarsókn, Hún. 1845. Bóndi á Þorgrímsstöðum. Húsbóndi, bóndi á Þorgrímsstöðum, Tjarnarsókn, Hún. 1880. Húsbóndi á Bergstöðum, Tjarnarsókn, Hún. 1890. Sigurlaug var sk hans.

<1901 og 1910> Teitur Halldórsson 26. september 1856 - 31. mars 1920 Bóndi á Skarði, Vatnsnesi, V-Hún. og Bergstöðum og kona hans 12.7.1886; Ingibjörg Árnadóttir 25. ágúst 1863 - 22. okt. 1957. Var á Bergstöðum, Kirkjuhvammssókn, V-Hún. 1930. Húsfreyja á Bergsstöðum.

<1920> Daníel Teitsson 28. nóvember 1884 - 22. febrúar 1923 Var á Bergstöðum, Kirkjuhvammssókn, Hún. 1901. Bóndi á Bergstöðum á Vatnsnesi. Kona hans 12.9.1915; Vilborg Árnadóttir 30. mars 1895 - 11. febrúar 1993 Húsfreyja á Bergstöðum, Kirkjuhvammssókn, V-Hún. 1930. Var á Bergsstöðum, Kirkjuhvammshr., V-Hún. 1957. Húsfreyja. Síðast bús. í Hvammstangahreppi

1920-1972- Pétur Teitsson 31. mars 1895 - 24. ágúst 1991. Bóndi á Bergstöðum, Kirkjuhvammssókn, V-Hún. 1930. Var á Bergsstöðum, Kirkjuhvammshr., V-Hún. 1957. Síðast bús. í Hvammstangahreppi. Kona hans; Vilborg Árnadóttir 30. mars 1895 - 11. feb. 1993. Húsfreyja á Bergstöðum, Kirkjuhvammssókn, V-Hún. 1930. Var á Bergsstöðum, Kirkjuhvammshr., V-Hún. 1957. Húsfreyja. Síðast bús. í Hvammstangahreppi. Hún var áður gift Daníel bróður hans.

1947-1972- Pálmi Jónsson 10. feb. 1917 - 3. júní 2011. Var í Hlíð, Kirkjuhvammssókn, V-Hún. 1930. Var á Bergsstöðum, Kirkjuhvammshr., V-Hún. 1957. Bóndi á Bergsstöðum á Vatnsnesi, síðar birgðavörður í Reykjavík. Kona hans; Ingibjörg Daníelsdóttir 3. mars 1922 - 15. ágúst 2016. Var á Bergstöðum, Kirkjuhvammssókn, V-Hún. 1930. Var á Bergsstöðum, Kirkjuhvammshr., V-Hún. 1957. Húsfreyja á Bergsstöðum á Vatnsnesi, síðar saumakona og starfsmaður Pósts og síma í Reykjavík.

Frá 1972- Hjálmar Pálmason 31. júlí 1945. Var á Bergsstöðum, Kirkjuhvammshr., V-Hún. 1957. Kona hans; Guðlaug Pálína Sigurðardóttir 22. feb. 1947. Bændur Bergsstöðum

GPJ 24.4.2019

• Icelandic

Húnaþing II bls 489