Fyrirtæki/stofnun

Bakki í Vatnsdal

(950)

Gamalt býli, en var í eyði frá 1908-1953 að núverandi eigendur reistu þar nýbýli. Meðan jörðin var í eyði lá hún undir Eyjólfsstaði og var nytjuð þaðan. Nú hafa risið þar miklar byggingar yfir fólk og fénað og ræktun mikil. Bærinn stendur á sléttlendi skammt frá fjallsrótum, en var áður á hólbarði niður við Vatnsdalá, þar sem nú eru fjárhúsin. Ræktunarland er gott og talsvert þurrt sléttlendi með og í nánd bið Vatnsdalsá. Íbúðarhús byggt 1954, 437 m3. Fjós fyrir 28 gripi. Fjárhús yfir 260 fjár. Hlöður 994 m3. Véla og verkfæraeymsla 310 m3. Tún 33,2 ha. Veiðiréttur í Vatnsdalsá.

Áshreppur; Eyjólfsstaðir; Bakkaey; Undirfell; Eyjarhóll; Vatnsdalsá; Vatnsdalur; Hvammsengi; Þingeyrar;

Jarðardýrleiki xxiiii € , og so tíundast presti og fátækum. Eigandinn er kóngl. Majestat, og er þessi jörð ein af Vatnsdalsjörðum, sem lögmaðnrinn Lauritz Gottrup hefur í forljeníng.
Ábúandinn ekkjan Guðrún Isaacsdóttir. Landskuld i € xx álnir. Betalast með fóðri til xx álna en hitt með sauðum í kaupstað, en ef þá skortir, þá með ullarvöru heim til Þíngeyra, og so hefur verið síðan Lauritz lögmaður rjeði.
Leigukúgildi iii. Leigur gjaldast í smjöri heim til umboðshaldarans, inn til þess að næstumliðið ár komu, millum hans og ábúanda, misgreiníngar af kúgilda uppbótarleysi. Kvaðir eru síðan lögmaðurinn Lauritz rjeði: Hestlán á Skaga. Dagsláttur í Hnausum, galst in natura, nema næst umliðið haust og þetta. Enginn man að þessar kvaðir væri, fyrr en Lauritz lögmaður viðtók. Kúgildin eru óuppbætt í 18 ár eður lengur. Kvikfjenaður iii kýr, i kvíga veturgömul, xxxiiii ær, i sauður þrevetur, i veturgamall, xx lömb, i hestur, ii hross, i foli veturgamall. Fóðrast kann áðurtalið kvikfje. Torfrista og stúnga næg. Lax og silúngsveiðivon í Vatnsdalsá, lítt rækt og hefur í mörg ár að öngvu gagni verið. Engjatak og beit hefur jörðin í árhólma þeim, sem kallast Bakkaey, og geldur þar fyrir árlega xx álnir til staðarins að Undirfelli. Engjatak í takmörkuðum reit á Hvammsengi eigna menn jörðunni, það segir ábúandi brúkast hafi í sínu minni nokkrum sinnum, en Hvammsmenn láta treglega við þessu ítaki. Ekki er túninu óhætt fyrir Vatnsdalsár ágángi. Enginu spillir Vatnsdalsá með leiri og grjóti.

Ábúendur;

<1901> Benedikt Sigfússon 16. október 1859 - 18. febrúar 1932 Bóndi og kennari á Bakka í Vatnsdal, síðar veggfóðrari og húsgagnasmiður í Reykjavík. Húsbóndi í Reykjavík 1910. Húsgagnasmiður á Laufásvegi 2 a, Reykjavík 1930. Kona hans; Kristín Þorvarðardóttir 5. desember 1857 - 24. júlí 1949 Húsfreyja á Bakka í Vatnsdal og í Reykjavík. Húsfreyja í Reykjavík 1910. Húsfreyja á Laufásvegi 2 a, Reykjavík 1930.

<1901> Sigurður Sigurðsson 3. desember 1832 - 20. apríl 1912 Vinnumaður og síðar bóndi á Bakka í Vatnsdal. Bóndi í Bakka, Undirfellssókn, Hún. 1870. Grashúsmaður á Bakka, Undirfellssókn, Hún. 1880. Fjarverandi. Húsmaður á Bakka, Undirfellssókn, Hún. 1890. Bóndi á Bakka, Undirfellssókn, Hún. 1901. Kona hans 19.8.1860; Una Bjarnadóttir 24. september 1830 - 17. desember 1906 Var á Bakka, Undirfellssókn, Húnavatnssýslu 1845. Húsfreyja á Bakka, Undirfellssókn, Hún. 1870. Húskona án grasnytjar á Bakka, Undirfellssókn, Hún. 1880. Húskona á Bakka, Undirfellssókn, Hún. 1890. Húsfreyja á Bakka, Undirfellssókn, Hún. 1901. Barn hennar með Davíð Jóhannesson 20. apríl 1799 - 30. apríl 1865 Var á Arnarstöðum, Hólasókn, Eyj. 1801. Bóndi á Hofi, Undirfellssókn, Hún. 1845. Anna Sigríður Davíðsdóttir 9. júní 1857 - 13. nóvember 1930 Var á Bakka í Vatnsdal. Húsfreyja í Hamarskoti í Hafnarfirði.

1953- Jón Bjarnason 18. nóv. 1925 - 28. sept. 2002. Bóndi á Bakka í Vatnsdal. Var á Marðarnúpi, Undirfellssókn, A-Hún. 1930. Var á Bakka, Áshr., A-Hún. 1957. Síðast bús. þar. Kona hans; Kristín Ingibjörg Lárusdóttir 5. des. 1931 - 25. apríl 2016. Var á Bakka, Áshr., A-Hún. 1957. Bóndi og húsfreyja á Bakka í Áshreppi.

Landamerki á Bakkaey á milli jarðanna Bakka og Undirfells innan Áshrepps, eptir skiptingu landsins til eignar.

Að austan ræður bein lína úr suðvestur horni fjárhúsanna á Bakka suður yfir Bakkaey í pitt sem er vestan við tána á syðri Eyjarhól eins og girt er nú. Að norðan ræður Keldustakkurinn frá austurmerkjalínu útí Vatnsdalsá. Að sunnan ræður bein lína frá merkjasteini á síkisbakkanum í suðvesturhorn á gömlum kálgarði á miðri Eyjarhól. Landspildan af Bakkaey sem liggur austan tjeðrar merkjalínu skal átalin eign jarðarinnar Bakka mót ítökum þeim er Bakki átti í landinu óskiptu samkvæmt merkjadómi uppkveðnum 28. jul 1923. Eftirgjald það se, ræðir um í nefndum dómi falli niður.

Eyjólfsstöðum og Undirfelli 15. júní 1928
Þorsteinn Konráðsson eigandi Bakka
Hannes Pálsson eigandi Undirfells

Lesið fyrir manntalsþingrjetti Húnavatnssýslu að Hofi 18. júní 1928 og innfært í landamerkjabók sýslunnar Nr. 320 bls.173

Lárus Jónsson (1953) Blönduósi (12.3.1953 -)

Steinunn Sigurðardóttir (1871-1952) frá Bakka í Vatnsdal (5.2.1871 - 19.12.1952)

Sigurður Bjarnason (1870-1936) Bakka og Hofi Vatnsdal (18.9.1870 - 27.7.1936)

Bjarni Jónas Jónsson (1954) frá Bakka í Vatnsdal (19.11.1954 -)

Jón Jónsson (1842-1924) Ytri-Bálkastöðum og Torfalæk (26.4.1842 - 28.12.1924)

Kristjana Benediktsdóttir (1890-1973) frá Bakka í Vatnsdal, (13.6.1890 - 4.5.1973)

Daníel Jónsson (1879-1953) Skósmiður á Ísafirði (22.8.1879 - 21.11.1953)

Jakob Jónsson (1956) Blönduósi (9.6.1956 -)

Undirfell í Vatnsdal ((1930))

Hof í Vatnsdal (um 880 -)

Eyjólfsstaðir í Vatnsdal ((950))

Hnausar í Vatnsdal ((1950))

Kristín Þorvarðardóttir (1857-1949) Bakka í Vatnsdal (5.12.1857 - 24.7.1949)

Benedikt Sigfússon (1859-1932) Bakka í Vatnsdal (16.10.1859 - 15.2.1932)

Kristín Ingibjörg Lárusdóttir (1931-2016) Bakka í Vatnsdal (5.12.1931 - 25.4.2016)

Jón Bjarnason (1925-2002) Bakka í Vatnsdal (18.11.1925 - 28.9.2002)

HAH00037

IS HAH-Bæ

Loka

GPJ 25.3.2019

• íslenska

Guðmundur Paul
Jarðarbók Árna Magnússonar og Eggerts Ólafssonar 1706. Bls 298
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Manntalsþingrjetti Húnavatnssýslu að Hofi 18. júní 1928.
Húnaþing II bls 329