Bærinn stendur nú norðan Ytri-Eyjarár neðan þjóðvegar. Í norðaustur er Ytri-Eyjarnúpur. Ræktunarmöguleikar miklir. Útbeit góð, fjörusælt að vetrum. Hrognkelsaveiði er við ströndina. Íbúðarhús byggt 1930, 518 m3. Fjós yfir 11 kýr. Fjárhús yfir 250 fjár. Hlöður 518 m3. Vélageymsla 55 m3. Tún 21,6 ha.

Vindhælishreppur; Skagabyggð; Skagaströnd sjóarströndin; Ytri-Eyjará; Ytri-Eyjarnúpur; Húnaflói; Ófærubás; Kálfshamar; Núpabrekka; Ketilsárgrund; Grensás; Pálsbyrgi; Lómatjarnir; Svartasker; Syðrieyjarnes; Syðriey; Nónberg; Eyjarkot; Ytrieyjarlækur; Selkonuhóll; Djúpadalsdrög; Kvennaskólinn á Ytri-Ey; Hafursstaðir; Kambakot;

1901-1944- Brynjólfur Lýðsson 3. nóvember 1875 - 27. apríl 1970 Bóndi og smiður á Ytri-Ey, Hofssókn, A-Hún. 1930. Bóndi í Ytri-Ey í Vindhælishreppi. Var í Sæbóli, Höfðahr., A-Hún. 1957. Síðast bús. í Höfðahreppi. Kona Brynjólfs 17.10.1896; Kristín Guðmundína Indriðadóttir 21. febrúar 1873 - 2. maí 1941 Var á Efri-Skúf, Höskuldsstaðasókn, Hún. 1880. Var á Ytri-Ey, Höskuldsstaðasókn, Hún. 1890. Húsfreyja í Ytri-Ey á Skagaströnd. Húsfreyja á Ytri-Ey, Hofssókn, A-Hún. 1930.

1944- Stefán Ágústsson 8. okt. 1899 - 22. nóv. 1989. Lausamaður á Auðkúlu, síðar bóndi á Ytri-Ey. Var þar 1957. Síðast bús. í Vindhælishreppi. Kona hans; Þorgerður Helga Stefánsdóttir 28. feb. 1918 - 23. sept. 1995. Var í Viðarholti í Glerárþorpi, Lögmannshlíðarsókn, Eyj. 1930. Fósturfor: Kristján Guðni Tryggvason og Ingiríður Jósefsdóttir sem er einnig móðursystir hennar. Húsfreyja í Ytri Ey, Vindhælishr., A-Hún. Var þar 1957.

Landamerkjaskrá fyrir jörðinni Ytriey á Skagaströnd.

Að vestan ræður sjóarströndin. Neðst að norðan við sjó ræður nöf innst við svonefndan Ófærubás, en kippkorn utar en Kálfshamarinn, þaðan í garðlag, er liggur upp og ofan í Núpabrekkunni, spölkorn fyrir utan gerðið Ketilsárgrund, þaðan í stóran stein, er stendur á Grensás, þaðan í háan hól þar austur undan, þaðan sjónhending í Pálsbyrgi, út og ofan undan Lómatjörnum. Að sunnan ræður neðst Svartasker í sjó fram, norðan undan Syðrieyjarnesi, þaðan í Nónberg, þaðan í melshornið sunnanvert við Ytrieyjarlæk, þaðan í stein, er stendur sunnarlega á Grensás, þaðan í Selkonuhól, þaðan í Djúpadalsdrög, þaðan norður fyrir ofan Lómatjarnir í áður nefnt Pálsbyrgi. Jörðin Ytriey hefur ókeypis mótak í Syðrieyjarlandi handa kvennaskólanum, eptir því sem hann þarfnast, og fylgir þar með rjettur til útreiðslu á haganlegan þurkvöll.

p.t. Ytriey, 16. maí 1891
Í umboði forstöðunefndar Kvennaskólans á Ytriey Á. Á. Þorkelsson, fyrir hönd Kvennaskólans, sem eiganda að Ytriey.
Andrjes Árnason umboðsmaður Hafursstaða.
Árni B. Knudsen, meðeigandi Syðrieyjar.
Elísabet Sigurðardóttir meðeigandi Syðrieyjar.
Kristmundur Þorbergsson, eigandi Kambakots.
Árni Jónsson meðeigandi Syðrieyjar.

Lesið upp á manntalsþingi að Viðvíki, hinn 23. maí 1891, og innfært í landamerkjabók Húnavatnssýslu, No. 250, fol 130b.