Uppsalir í Þingi

• Umsvalir í Þingi

Bærinn stendur vestarlega á Vatnsdalshálsi beint vestur af Miðhúsum, en þar verður norðvesturhluti hálsins hæstur, víðsýni mikið. Tún liggja út frá bænum og einnig vestur og fram á hálsinum. Beitiland í allar áttir frá bænum, fjölbreyttur hálsa og mýrargróður. Ræktunarskilyrði sæmileg. Ekki er vitað nær jörðin varð sjálfstætt býli, fyrr klausturjörð, nú um skeið bændaeign. Íbúðarhús byggt 1938 og 1951, 415 m3. Fjós fyrir 11 gripi. Fjárhús yfir 400 fjár. Hesthús yfir 24 hross. Hlöður 576 m3. Vothey 50 m3. Geymslur 95 m3. Tún 38 ha.
Nefnist Umsvalir í öllum manntölum.

Sveinstaðahreppur; Vatnsdalsháls; Miðhús; Votihvammur; Gljúfurá; Umsvalaborgir; Einarsholt; Umsvalakelda; Umsvalaás; Rjúpnaás; Þingeyrarklaustur:

Ábúendur;

<1890 og 1901> Jón Magnússon 1853 Ekkill þar 1901
Kona hans; Ingibjörg Davíðsdóttir um 1854
1929-1943- Þorsteinn Sigurður Jósefsson 11. mars 1893 - 18. nóv. 1942. Bóndi í Umsvölum. Kona hans; Halldóra Jóhannesdóttir 24. jan. 1893 - 12. apríl 1988. Húsfreyja á Umsvölum, Þingeyrasókn, A-Hún. 1930. Húsfreyja á Umsvölum, síðast bús. í Reykjavík.
<1910> Erlendur Bjarnason 3. nóvember 1873 - 7. apríl 1935 Hjú í Hnjúki, Undirfellssókn, Hún. 1901. Verkamaður á Hvammstanga V.-Hún. Vegavinnumaður á Hvammstanga 1930. Kona hans; Helga Sigríður Guðmundsdóttir 11. desember 1876 Var í Valdarássel, Víðidalstungusókn, Hún. 1880.
<1920> Þorsteinn Sigurður Jósefsson 11. mars 1893 - 18. nóv. 1942. Bóndi í Umsvölum. Kona hans Halldóra Jóhannesdóttir 24. jan. 1893 - 12. apríl 1988. Húsfreyja á Umsvölum, Þingeyrasókn, A-Hún. 1930. Húsfreyja á Umsvölum, síðast bús. í Reykjavík.
1943- Sigurður Líndal Jóhannesson 9. feb. 1890 - 16. nóv. 1961. Var á Uppsölum, Sveinsstaðahr., A-Hún. 1957. Bóndi þar um tíma. Kona hans; Kristbjörg Kristmundsdóttir

31. júlí 1886 - 28. okt. 1976. Húsfreyja á Titlingastöðum, Víðidalstungusókn, V-Hún. 1930. Var á Uppsölum, Sveinsstaðahr., A-Hún. 1957. Húsfreyja þar. Síðast bús. í Sveinsstaðahreppi.

1943- Ingþór Líndal Sigurðsson f. 24. nóvember 1920 - 13. október 1998 Var á Tittlingastöðum, Víðidalstungusókn, V-Hún. 1930. Var á Uppsölum, Sveinsstaðahr., A-Hún. 1957. Bóndi á Uppsölum og kona hans 10.5.1957; Anna Marta Helgadóttir 13. nóvember 1924 - 10. apríl 2012 Var í Holti, Holtssókn, V-Ís. 1930. Fósturfor: Torfi Össurarson og Helga Sigurrós Jónsdóttir í Holti. Húsfreyja á Uppsölum í Sveinsstaðahr., A-Hún. Var þar 1957. Síðast bús. á Blönduósi.

Sigurður Helgi Ingþórsson 3. september 1947 kona hans; Margrét Gunnhildur Lárusdóttir 22. janúar 1951 Var á Tindum, Svínavatnshr., A-Hún. 1957.

Merkjaskrá fyrir þjóðjörðinni Umsvölum í Sveinsstaðahreppi.

Að norðan úr stórum steini merktum L, í svo nefndum Votahvammi vestur undir Gljúfurá austur yfir Umsvalaborgir til vörðu á miðju Einarsholti, þaðan fram í miðja Umsvalakeldu í keldudrag vestan undir Rjúpnaás á móts við vörðu á Umsvalaás, og er stór steinn eða klettur vestan og neðan í Rjúpnaásnum austan keldudragsins um það bil andspænis næst nefndri vörðu, að sunnan frá þessari vörðu til aður nefnds steins í Votahvammi.

Hvammi, 8. maí 1890.
B.G. Blöndal umboðsmaður Þingeyrarkl.jarða.

Lesið upp á manntalsþingi að Sveinstöðum, hinn 29. maí 1890, og innfært í landamerkjabók Húnavatnssýslu, No. 176, fol. 91b.

GPJ 16.4.2019

• Icelandic

Guðmundur Paul
Landamerkjabók Húnavatnssýslu, No. 176, fol. 91b.
Húnaþing II bls 309