Anna Helgadóttir (1924-2012) Uppsölum

• Anna Marta Helgadóttir (1924-2012) Uppsölum

Anna Marta Helgadóttir fæddist í Tröð í Kollsvík við Patreksfjörð 13. nóvember 1924. Hún lést á Heilbrigðisstofnun Blönduóss 10. apríl sl.
Anna fór til náms í Kvennaskólann á Blönduósi 1945-1946, þar kynntist hún manni sínum Ingþóri en hann hafði keypt jörðina Uppsali í Sveinsstaðahreppi ásamt foreldrum sínum 1943. Í ágúst 1946 flytur Anna í Uppsali til Ingþórs og stunduðu þau hefðbundinn búskap, fyrst í félagi við foreldra Ingþórs en keyptu svo alla jörðina þegar Sigurður faðir hans lést og bjuggu þar meðan heilsa og kraftar leyfðu. Síðustu árin dvaldi hún á Hnitbjörgum dvalarheimili og Heilbrigðisstofnun Blönduóss. Meðfram húsmóðurstörfum og uppeldi stórs barnahóps var Anna virkur meðlimur í Kvenfélagi Sveinsstaðahrepps og í Kór Þingeyrakirkju.
Útför hennar fer fram frá Þingeyrakirkju laugardaginn 14. apríl 2012 og hefst athöfnin kl. 14.

Uppsalir Sveinsstaðahrepp A-Hún: Blönduós

Foreldar hennar voru Ásbjörn Helgi Árnason, f. 13. apríl 1889, d. 1965 og Sigrún Össurardóttir, f. 6. maí 1898, d. 1977. Anna var þriðja í röð sex systkina sem eru Guðrún f. 1919, Árni f. 1922, d. 2011, Ólafur Helgi f. 1925, d. 1986, Halldóra f. 1930, Kristrún Björt f. 1939.
Tæplega ársgömul fór Anna í fóstur til ömmu sinnar og afa, Önnu Guðrúnar Jónsdóttur, f. 1872 d. 1967 og Össurar Guðbjartssonar f. 1866, d. 1950, ástæða þessa voru veikindi móður hennar sem þá var ófrísk að sínu fjórða barni. Guðrún og Össur áttu þrettán börn og var hún því fjórtánda barnið sem þau ólu upp. Þau bjuggu á Láganúpi í Kollsvík og síðar í Dýra- og Önundarfirði. Anna giftist 10. maí 1947 Ingþóri Líndal Sigurðssyni f. 24. nóvember 1920 að Hólabaki í Húnaþingi, hann lést 1998. Foreldrar hans voru Húnvetningar, þau Kristbjörg Kristmundsdóttir f. 1886, d. 1976 og Sigurður Líndal Jóhannesson f. 1890, d. 1961. Saman eignuðust þau sjö börn sem eru: 1) Sigurður Helgi f. 1947, kvæntur Gunnhildi Lárusdóttur. 2) Kristmundur Ólafur Jónas f. 1950, í sambúð með Herdísi Sigurbjartsdóttur. 3) Sigrún Björg f. 1952, gift Hjálmari Magnússyni. 4) Þorsteinn Rafn f. 1955, kvæntur Sigurbjörgu Maríu Jónsdóttur. 5) Magnús Huldar f. 1957, í sambúð með Margréti Rögnvaldsdóttur. 6) Guðmundur Elías f. 1961, kvæntur Guðrúnu Kjartansdóttur. 7) Birgir Líndal Ingþórsson f. 1963, kvæntur Sigríði Bjarnadóttur. Auk þess ólu þau upp elsta barnabarn sitt, Önnu Bryndísi Sigurðardóttur f. 1967, gift Þorsteini Gíslasyni. Barnabörnin eru 24, barnabarnabörnin eru 31 og barnabarnabarnabarnabörnin 2.

GPJ 12.5.2017

• Icelandic

®GPJ ættfræði
mbl 14.4.2012. https://www.mbl.is/greinasafn/grein/1418322/?item_num=3&searchid=88a3fa95a5ebee31e4142c5a7a294c2c6d3a9ebc