Einstaklingur

Solveig Benediktsdóttir (1912-2010) skólastýra Kvennaskólanum

• Solveig Kristbjörg Benediktsdóttir (1912-2010) skólastýra Kvennaskólanum
• Solveig Sövik (1912-2010) skólastýra Kvennaskólanum

24.12.1912 - 29.7.2010

Solveig Kristbjörg Benediktsdóttir fæddist á Húsavík 24. desember 1912. Hún lést á Héraðshælinu á Blönduósi að morgni 29. júlí 2010. Síðustu æviárin bjó hún á dvalardeild Héraðshælisins á Blönduósi.
Útför Solveigar fer fram frá Blönduóskirkju í dag, 6. ágúst 2010, og hefst athöfnin kl. 14.

Höfði á Húsavík: Blönduós:

Solveig ólst upp á Húsavík og lauk prófi úr unglingaskólanum þar árið 1928. Síðan stundaði hún nám við Húsmæðraskólann á Laugum og árin 1934-1936 var hún við nám í húsmæðrakennaraskólanum í Stabekk, Noregi.

Að námi loknu fluttist hún til Blönduóss þar sem hún bjó til æviloka. Hún var skólastjóri Kvennaskólans á Blönduósi frá 1937 til 1947, kennari við unglingaskólann á Blönduósi 1948-53 og síðar kennari við Kvennaskólann á Blönduósi um langt árabil, allt þar til hann var lagður niður haustið 1978. Auk þess átti hún löngum sæti í skólanefndum þessara skóla. Solveig starfaði við Tónlistarskóla Austur-Húnavatnssýslu í 10 ár, kenndi á píanó og gegndi þar stöðu skólastjóra lengst af. Um margra áratuga skeið var hún organisti og söngstjóri við Blönduóskirkju og hljóp gjarnan í skarðið við fleiri kirkjur ef þörf var á. Hún starfaði lengi með Kvenfélaginu Vöku og var formaður þess um hríð. Hún átti sæti í stjórn Sambands austur-húnvetnskra kvenna og Sambands norðlenskra kvenna.
Hún var mikill brautryðjandi í matjurtarækt, ræktaði ólýsanlega margar tegundir af grænmeti, kartöflur, rófur, gulrætur, næpur og hreðkur, hvítkál, grænkál og blómkál og salat auk ýmissa kryddtegunda eins og steinselju og dill. Svo var það rifsið, sólberin og jarðarberin og meira að segja ræktaði hún um tíma belgjabaunir og stikkilsber.

Hún samdi matreiðslubók í samstarfi við Halldóru Eggertsdóttur, sem kom út árið 1954 og var endurprentuð árið 1961, en er nú löngu ófáanleg. Var hún notuð sem kennslubók í matreiðslu við húsmæðraskólana í landinu.

Foreldrar hennar voru Benedikt Björnsson, skólastjóri á Húsavík, f. 1879, d. 1941 og Margrét Ásmundsdóttir, húsmóðir, f. 1881, d. 1969.
Systkini Solveigar voru: Ragnheiður Hrefna, f. 1907, d. 1941, Ásbjörn, f. 1914, d. 1934, Jóhann Gunnar, f. 1916, d. 2010, Ólafur, f. 1917, d. 2000, Sigurður, f. 1919, d. 1967, og Guðmundur f. 1924, d. 2005.

5. september 1944 giftist Solveig Óskari Sövik rafvirkjameistara, f. 1. janúar 1904, d. 9. júlí, 2002, frá Veblungsnes, Noregi.
   Dóttir þeirra er
   1) Ragnheiður Guðveig, f. 26. júlí 1953, kennari, búsett í Glaumbæ II í Skagafirði. Eiginmaður hennar er Arnór Gunnarsson, f. 19. júlí 1951, bóndi. Synir þeirra eru Óskar, f. 30. mars 1976, tölvunarfræðingur í Reykjavík, og Atli Gunnar, f. 12. mars 1979, verkfræðingur á Sauðárkróki.

Ásgarður Blönduósi (1947 -)

Ragnheiður Guðveig Sövik (1953) Blönduósi (26.7.1953 -)

Oscar Sövik (1904-2002) Rafveitustjóri Blönduósi (1.1.1904 - 9.7.2002)

Kvennaskólinn á Blönduósi 1901-1974. Árbraut 31 (1901 - 1974)

HAH02014

IS HAH

Loka

Fullt

GPJ 26.7.2017

• íslenska

®GPJ ættfræði https://www.mbl.is/greinasafn/grein/1343683/?item_num=1&searchid=718f6bef50526f22c12b25f128fa9768de661340