Oscar Sövik (1904-2002) Rafveitustjóri Blönduósi

Óskar Sövik fæddist á Veblungsnes í Raumsdal í Noregi hinn 1. janúar 1904. Hann lést á Héraðshælinu á Blönduósi að morgni hins 9. júlí 2002.
Óskar ólst upp á Veblungsnes og lauk þar skyldunámi sínu. Síðustu æviárin dvaldist hann á sjúkradeild Héraðshælisins á Blönduósi.
Útför Óskars fór fram frá Blönduóskirkju 20.7.2002 og hófst athöfnin klukkan 14.

Veblungsnes í Raumsdal í Noregi: Ísland 1929: Blönduós 1934:

Síðar stundaði hann nám við tækniskóla í Ósló og útskrifaðist þaðan sem rafvirkjameistari.

Árið 1929 kom Óskar til Íslands og vann fyrst við uppsetningu rafstöðva víða um land. Var hann ráðinn rafveitustjóri Rafveitu A-Hún. við stofnun hennar 1. janúar 1934. Gegndi hann því starfi til 31. des. 1959, síðustu árin í þjónustu Rafveitna ríkisins. Er hann hætti störfum þar stundaði hann um langt árabil viðgerðir á rafmagnstækjum hvers konar.

Foreldrar hans voru hjónin Ole Sövik sem var kaupmaður og skósmiður og Guri Sövik, fædd Hovde.
Óskar var fimmti í röð átta systkina. Olav Asbjörn og drengur sem einnig hét Óskar dóu á barnsaldri. Þau sem komust upp voru: Peder, kona hans hét Gudrun og eignuðust þau tvö börn; Georg sem flutti til Seattle í Bandaríkjunum og bjó þar alla sína ævi, kona hans hét Naima og eignuðust þau eina dóttur; Gudveig, maður hennar var Magnus Bruaset og eignuðust þau tvo syni; Reidar, kona hans heitir Aslaug og eiga þau tvö börn; yngstur var Arnfred, fyrri kona hans hét Ellen og eignuðust þau einn son, seinni kona hans heitir Nora.
Hinn 5. sept. 1944 kvæntist Óskar eftirlifandi eiginkonu sinni, Sólveigu Kristbjörgu Benediktsdóttur, f. 24. des. 1912, dóttur hjónanna Benedikts Björnssonar, skólastjóra á Húsavík og Margrétar Ásmundsdóttur konu hans.
Dóttir Óskars og Sólveigar er
Ragnheiður Guðveig, f. 26. júlí 1953, kennari, búsett í Glaumbæ II í Skagafirði. Eiginmaður hennar er Arnór Gunnarsson, f. 19. júlí 1951, bóndi. Synir þeirra eru Óskar, f. 30. mars 1976, tölvunarfræðingur í Reykjavík, og Atli Gunnar, f. 12. mars 1979, verkfræðinemi.

GPJ 8.7.2017

• Icelandic

®GPJ ættfræði https://www.mbl.is/greinasafn/grein/679256/?item_num=0&searchid=58ea16cd71803572ab5b09e8472327fd5a5ace0f