Einstaklingur

Sigurlaug Björnsdóttir (1896-1989) frá Veðramóti Gönguskörðum

• Sigurlaug Björnsdóttir (1896-1989) frá Veðramóti Gönguskörðum

Lauga:

25.1.1896 - 15.9.1989

Sigurlaug var fædd á Veðramóti í Gönguskörðum 25. janúar 1896, yngst tólf barna foreldra sinna. Hún undi vel hag sínum í Höfn, kynntist þar mörgu góðu og skemmtilegu fólki og kunni vel að meta það sem gamla góða Borgin við Sundið hafði upp á að bjóða í fjölbreyttu menningarlífi, sem sveitastúlkan norðan úr Gönguskörðum hafði ekki átt kost á að kynnast áður. En það var gamla sagan. Heimþrá Íslendingsins sagði til sín og enda þótt Sigurlaugu stæðu ýmsar leiðir opnar þarna úti, hélt hún heim til Íslands - forfrömuð og glæsileg ung stúlka, ríkari af lífsreynslu og þroska eftir rúmlega þriggja ára dvöl í Kaupmannahöfn.
Skömmu eftir heimkomuna lá leið hennar vestur í Vigur til Bjargar systur sinnar og frænda síns Bjarna og var þar til heimilis næstu sjö til átta árin, auk þess sem hún dvaldi einnig um lengri eða skemmri tíma hjá öðrum systkinum sínum og var þeim til halds og trausts, ef einhverja erfiðleika bar að höndum.
Sigurlaug var fríð kona sýnum, hispurslaus og stolt í fasi. Allt fram til hins síðasta, er hún var rúmföst orðin, gekk hún teinrétt í baki og bar höfuðið hátt. Hún var hreinskiptin og einörð í skoðunum, öll undirmál voru henni fjarri skapi. Eftir að hún lét af störfum sem kennari bjó hún til æviloka hjá Þorbjörgu dóttur sinni.

Veðramót: Reykjavík: Kaupmannahöfn: Vigur.

Sigurlaug fór í Kvennaskólann í Reykjavík og lauk þaðan námi rúmlega tvítug með góðan vitnisburð enda bæði námfús og vel greind. Nokkrum árum síðar hélt hún utan til Kaupmannahafnar til náms í verslunarfræðum. Stundaði hún nám í einn vetur við Hússtjórnarskólann á Ísafirði,

Fékk síðan atvinnu sem bókhaldari hjá Gyldendahl bókaforlaginu. Um árabil var hún heimavistarstjóri á Grenimel 29 við útibú frá heimavistinni á Sólvallagötu 12. Þetta ver á þeim árum, þegar hússtjórnarskólarnir blómstruðu og færri komust að en vildu. Því var gripið til þess ráðs að færa út heimavistina og "Melflugurnar", eins og stúlkurnar kölluðu sig gjarnan, undu sér mæta vel undir verndarvæng Sigurlaugar, sem hafði lag á að skapa þarna notalegan og heimilslegan anda.

Hulda heitin Stefánsdóttir skólastjóri kemst svo að orði í æviminningum sínum um heimsókn til frændfólks síns á Veðramóti: - Ég efast um, að nokkurs staðar til sveita hafi veri jafn fríður hópur gjörvilegra systkina og glaðværra. Þegar komið var í bæinn á málum, kváðu við hlátrasköll og heitar umræður um landsins gagn og nauðsynjar. Það var enginn dauða doppuháttur á fólkinu. Mikil gleði og vaskleiki fylgdi þeim systkinum. -

"Hún var skólans prýði" - sagði Katrín Helgadóttir, fyrrum skólastjóri - "traust, samviskusöm og hlý. Okkur kennurum og nemendum þótti öllum vænt um hana."

Foreldrar hennar voru Björn Jónsson f. 14. júní 1848 - 23. janúar 1924 Bóndi í Háagerði, Spákonufellssókn, Hún. 1880. Bóndi, hreppstjóri og dannebrogsmaður á Veðramóti í Gönguskörðum, Skag. Hreppstjóri þar, 1890, frá Háagerði á Skagaströnd og kona hans, Þorbjörg Stefánsdóttir 28. september 1855 - 18. maí 1903. Húsmóðir í Háagerði, Spákonufellssókn, Hún. 1880. Húsfreyja að Veðramóti í Gönguskörðum, Skag. 1890, frá Heiði í Gönguskörðum.
Tíu barnanna komust til fullorðinsára, sex synir og fjórar dætur, öll hið mesta atgervisfólk. Með Sigurlaugu er hið síðasta Veðramóts systkina horfið úr tölu lifenda.
Systkin hennar voru:
1) Stefán Þorsteinn Björnsson 3. september 1880 - 5. nóvember 1914 Var í Veðramóti, Sauðárkrókssókn, Skag. 1901. Bóndi í Sjávarborg.
2) Jón Þorbjargarson Björnsson 15. ágúst 1882 - 21. ágúst 1964 Kennari á Sauðárkróki og síðar skólastjóri þar. Fósturbarn: Geirlaug Björnsdóttir, f. 25.12.1939.
3) Sigurður Árni Björnsson 22. maí 1884 - 1. maí 1964 Var á Veðramótum, Fagranessókn, Skag. 1890.Oddviti og hreppstjóri á Veðramóti í Gönguskörðum, Skag. Síðar framfærslufulltrúi í Reykjavík. Bóndi á Veðramóti 1920 og 1930. Framfærslufulltrúi í Reykjavík 1945.
4) Þorbjörn Björnsson 12. janúar 1886 - 14. maí 1970 Bóndi í Geitaskarði, Holtastaðasókn, A-Hún. 1930. Bóndi á Heiði í Gönguskörðum, Skarðshreppi, Skag. og á Geitaskarði í Langadal, A-Hún. Var í Geitaskarði, Engihlíðarhr., A-Hún. 1957. Síðast bús. á Sauðárkróki.
5) Guðrún Steinunn Björnsdóttir 14. janúar 1887 - 27. september 1976 Húsfreyja í Reykjavík 1945. Síðast bús. í Reykjavík.
6) Heiðbjört Björnsdóttir 1888 Var á Veðramótum, Fagranessókn, Skag. 1890.
7) Björg Björnsdóttir 7. júlí 1889 - 24. janúar 1977 Húsfreyja á Vigri, Ögursókn, N-Ís. 1930. Húsfreyja í Vigur, síðast bús. í Ögurhreppi.
8) Haraldur Heiðbjartur Björnsson 27. júlí 1891 - 9. desember 1967 Leikari í Reykjavík 1930 og 1945. Síðast bús. í Reykjavík
9) Guðmundur M. Björnsson 20. júlí 1894 - 8. apríl 1956 Bóndi í Tungu, Sauðárkrókssókn, Skag. 1930. Bóndi í Tungu í Gönguskörðum, Skag.
10) Sigurlaug Björnsdóttir 25. janúar 1896 - 15. september 1989 Skrifstofukona á Knarrarbergi, Munkaþverársókn, Eyj. 1930. Kennari við Húsmæðraskóla Reykjavíkur
Dóttir hennar var:
1) Þorbjörg Bjarnar Friðriksdóttir f. 5. nóvember 1929, Var á Knarrarbergi, Munkaþverársókn, Eyj. 1930. Faðir hennar var Jóhannes Friðrik Hansen f. 17. janúar 1891 - 27. mars 1952. Bóndi í Garði í Hegranesi, Skag. Kennari, vegaverkstjóri, oddviti og skáld á Sauðárkróki.

Sigurður Örn Þorbjarnarson (1916-2002) Geitaskarði (27.10.1916 - 15.3.2002)

Ástríður Friðriksdóttir Hansen (1920-1993) Svaðastöðum (6.6.1920 - 17.10.1993)

Björn Jónsson (1848-1924) Veðramótum (14.6.1848 - 23.1.1924)

Sigurður Árni Björnsson (1884-1964) Veðramótum (22.5.1884 - 1.5.1964)

Heiðbjört Björnsdóttir (1893-1988) frá Veðramóti) (6.1.1893 - 24.5.1888)

Björg Björnsdóttir (1889-1977) Vigri (7.7.1889 - 24.1.1977)

Guðmundur Björnsson (1894-1956) Tungu á Skörðum (20.7.1894 -8.4.1956)

Þorbjörn Björnsson (1886-1970) Geitaskarði (12.1.1886 - 14.5.1970)

Guðrún Björnsdóttir (1887-1976) frá Veðramóti (14.1.1887 - 27.9.1976)

HAH01968

IS HAH

Loka

Fullt

GPJ 23.7.2017

• íslenska

®GPJ ættfræði https://www.mbl.is/greinasafn/grein/37530/?item_num=0&searchid=dc55bf0e87a63d9b16e0590ccbe0423e0ef90cd6