Sigurður Örn Þorbjarnarson (1916-2002) Geitaskarði

• Sigurður Örn Þorbjarnarson Geitaskarði

Sigurður Örn Þorbjarnarson fæddist að Heiði í Gönguskörðum 27. október 1916. Hann andaðist á Blönduósi að morgni 15. mars síðastliðinn. Hann var næstelstur í hópi 6 systkina. Hann var listhneigður og ljóðelskur náttúruunnandi og var næmur á blæbrigði íslensks máls. Hann bjó á Geitaskarði, af annálaðri snyrtimennsku, frá 1946 til 1980, þar af síðustu 5 árin í félagi við son sinn. Eftir að þau hjón fluttu á Mýrarbraut 27 á Blönduósi, árið 1976, Útför Sigurðar fer fram frá Blönduóskirkju í dag og hefst athöfnin klukkan 14.

Heiði í Gönguskörðum: Geitaskarð 1926, bóndi þar 1946-1980: Blönduós 1976

Sigurður stundaði nám í Menntaskólanum á Akureyri og MR, einnig búfræðinám að Hvanneyri.

Bóndi: vann hann á skrifstofum Ósplasts og Kaupfélags A-Hún. Hann annaðist bókavörslu við Héraðsbókasafnið á Blönduósi og Bókasafn Héraðshælis A-Hún þar til hann lét af störfum fyrir aldurs sakir. Sigurður var virkur í félagsmálum og kallaður til fjölmargra trúnaðarstarfa fyrir sveit sína og hérað. Var m.a. um skeið hreppstjóri og sat í hreppsnefnd Engihlíðarhrepps í áratugi, í Sýslunefnd A-Hún um langt árabil, í stjórn SAH í tæpan áratug, formaður Fræðslunefndar Engihlíðarskólahverfis frá 1950 og þar til Húnavallaskóli tók til starfa árið 1968, þar í skólanefnd frá stofnun og til 1978, formaður skólanefndar Kvennaskólans á Blönduósi á annan áratug og í Fræðsluráði A-Hún allmörg ár. Sigurður var lengi virkur Lionsfélagi og söng um árabil í sextett er þeir kölluðu Lionsbræður.

Foreldrar hans voru hjónin Sigríður Árnadóttir frá Geitaskarði og Þorbjörn Björnsson frá Veðramóti. Árið 1926 fluttist fjölskyldan frá Heiði að Geitaskarði, föðurleifð Sigríðar.
Sigurður kvæntist 9. júní 1944 eftirlifandi eiginkonu sinni, Valgerði Ágústsdóttur (1923) , húsmóður og sjúkraliða frá Hofi í Vatnsdal. Foreldrar hennar voru Ágúst B. Jónsson bóndi á Hofi og kona hans, Ingunn Hallgrímsdóttir frá Hvammi.
Börn þeirra eru: Ágúst, bóndi á Geitaskarði, f. 5.5. 1945, k. Ásgerður Pálsdóttir frá Refstað, Sigríður Heiða, ferðamálafulltrúi í Kanada, f. 13.4. 1946, m. Charles McEachern frá Prince Edward Island. Ingunn Ásdís, sérkennari á Sauðárkróki, f. 8.3. 1949 m. Bragi Skúlason frá Ljótunnarstöðum. Þorbjörn, skipstjóri á Ólafsfirði, f. 6.3. 1952, k. Anna María Elíasdóttir frá Meiri-Hattardal og Hildur Sólveig, hjúkrunarfræðingur og ljósmóðir í Malawi, f. 26.2. 1955.
Barnabörn þeirra eru fimmtán, og barnabarnabörnin fjögur.

GPJ 22.7.2017

• Icelandic

®GPJ ættfræði https://www.mbl.is/greinasafn/grein/658913/?item_num=1&searchid=011367bd7b48898a422313a32ed68feac251aa95