Rósa Pálsdóttir fæddist 1. september 1911 á Spákonufelli í Vindhælishreppi í A-Hún. Hún lést á Heilbrigðisstofnuninni á Blönduósi 1. maí 2002.
Rósa fór 5 ára gömul í fóstur að Skúfi í Norðurárdal til móðurbróður síns, Eggerts Sölvasonar, og konu hans Jóninnu Jónsdóttur. Þar dvaldi hún til 16 ára aldurs og var eftir það í vinnumennsku. Árið 1934 hóf Rósa búskap að Þverá í Hallárdal með Bjarna Jóhanni. Þau fluttu til Skagastrandar nokkrum árum síðar og bjuggu þar lengst af á Bjargi, eða í rúm 30 ár. Eftir að Bjarni lést fluttist Rósa til Reykjavíkur þar sem hún dvaldi hjá börnum sínum.

Árið 1991 flutti Rósa aftur til Skagastrandar og settist að á Dvalarheimilinu Sæborg þar sem hún bjó allt til dauðadags.
Útför Rósu fór fram frá Hólaneskirkju á Skagaströnd 11.5.2002 og hófst athöfnin klukkan 14.

Foreldrar hennar voru hjónin Páll Pétursson, f. 24.7. 1889, d. 22.10. 1963, og Anna Sigríður Sölvadóttir, f. 3.9. 1892, d. 19.10. 1965.
Systkini Rósu eru Guðrún, f. 3.9. 1913, d. 12.8. 1952, Pétur, f. 28.10. 1916, d. 20.2. 1997, Þorbjörg Jóninna, f. 12.4. 1919, Hulda, f. 4.8. 1923, og Knútur Berndsen, f. 25.10. 1925.
Maki Rósu var Bjarni Jóhann Jóhannsson frá Bjarnastaðagerði í Skagafirði, f. 22.11. 1900, d. 12.9. 1971.

Börn þeirra eru
1) Jóhann Karl, f. 19.7. 1935, maki Þórunn Kristbjörg Jónsdóttir, f. 28.5. 1932;
2) Guðrún, f. 28.8. 1936, d. 13.9. 1936;
3) Ingólfur Skagfjörð, f. 24.10. 1938, d. 17.1. 1967, maki Friðbjörg Þórunn Oddsdóttir, f. 10.2. 1938;
4) Anna Ingibjörg, f. 18.12. 1939, maki Óskar Bjarnason, f. 3.5. 1931;
5) Ragna Skagfjörð, f. 7.8. 1943, maki Hreiðar Sólberg Guðmundsson, f. 15.6. 1945;
6) Sævar Skagfjörð, f. 28.7. 1944, maki Eygló Hulda Guðbjartsdóttir, f. 20.7. 1945;
7) Sigurður Skagfjörð, f. 6.9. 1947, maki Sigrún Kristín Lárusdóttir f. 25.2. 1951;
8) Fritz Magnús, f. 13.10. 1951, maki Hólmfríður Davíðsdóttir, f. 7.7. 1950.
Frá Rósu er kominn mikill ættbogi.