Person

Pétur Björnsson (1907-1997) Bóndi í Mjóadal

• Pétur Hafsteinn Björnsson (1907-1997) Bóndi í Mjóadal

15.3.1907 - 19.1.1997

Pétur Hafsteinn Björnsson f. 15. mars 1907 - 19. janúar 1997. Bóndi í Mjóadal, Bergstaðasókn, A-Hún. 1930. Var á Móbergi, Engihlíðarhreppi, A-Hún. 1957. Síðast bús. í Engihlíðarhreppi 1994. Ógiftur.
Fæddist á Tindum í Svínavatnshreppi. Pétur var þriðji elstur systkinanna. Á bernskuárum Péturs flutti fjölskyldan milli bæja þar sem foreldrarnir voru í vinnumennsku og börnin fæddust hvert á sínum stað. Lengstan tíma var fjölskyldan í Kálfárdal. Ungur að árum fór Pétur að vinna fyrir sér hjá Hafsteini Péturssyni á Gunnsteinsstöðum og fór einkar vel á með þeim. Þeir urðu síðar mágar.
Síðustu árin dvaldi Pétur á ellideild sjúkrahússins á Blönduósi. Útför Péturs Hafsteins Björnssonar fór fram frá Holtastaðakirkju 25. janúar 1997.

Pétur hóf búskap sinn í Mjóadal og bjó þar ásamt foreldrum sínum. Síðar kom einnig Anna, systír hans. Frá Mjóadal fluttu þau aftur í Langadal, í Hólabæ og síðar Strjúgsstaði, uns Pétur fór að búa á Móbergi og keypti hálfa jörðina á móti Einari, bróður sínum.
Nýbýli á Móbergshelmingi Péturs fékk nafnið Skriðuland. Þar bjó hann í aldarfjórðung ásamt Önnu, systur sinni, Guðlaugu, bróðurdóttur sinni og manni hennar, Guðsteini Kristinssyni, ásamt sonum þeirra og síðustu árin einnig með Steingrími, bróður sínum.

Foreldrar hans; Björn Stefánsson 29. okt. 1871 - 14. des. 1949. Bóndi í Kálfárdal og síðar í Ytra-Tungukoti, Bólstaðarhlíðarhr., A-Hún. Vinnumaður í Mjóadal, Bergstaðasókn, A-Hún. 1930 og kona hans 1.4.1906; Sigurbjörg Pétursdóttir 9. maí 1870 - 23. feb. 1950. Húsfreyja í Ytra-Tungukoti í Bólstaðarhlíðarhr. Ráðskona í Mjóadal, Bergstaðasókn, A-Hún. 1930.

Systkini;
1) Stefán Björnsson f 30. maí 1899 - 30. október 1921 sjóróðrarmaður Keflavík 1920.
2) Guðrún Ingibjörg Björnsdóttir f. 15.9.1901 - 11. 8.1974. Hún giftist frænda sínum, Pétri Hafsteini Péturssyni f. 14. janúar 1886 - 28. ágúst 1961. Oddviti, sýslunefndarmaður og bóndi á Gunnsteinsstöðum í Langadal í A.-Hún.
3) Einar Björnsson f. 31. júlí 1908 - 24. febrúar 1992. Lausamaður í Mjóadal, Bergstaðasókn, A-Hún. 1930. Heimili: Blöndudalshólar Var á Móbergi, Engihlíðarhr., A-Hún. 1957. Bóndi þar 1937-92. Síðast bús. í Engihlíðarhreppi.
4) Anna Björnsdóttir 20. des. 1909 - 18. júní 2001. Bjó á Móbergi í Langadal, A-Hún. Vinnukona í Vatnshlíð, Bergstaðasókn, A-Hún. 1930. Var á Móbergi, Engihlíðarhreppi, A-Hún. 1957. Síðast bús. í Engihlíðarhreppi.
5) Steingrímur Björnsson f. 30. júní 1913 - 21. maí 2002 Mjóadal, Bergstaðasókn, A-Hún. 1930. Var á Móbergi, Engihlíðarhreppi, A-Hún. 1957. Vörubílstjóri. Steingrímur kvæntist Maríu Valdimarsdóttur f. 25. september 1913 - 7. janúar 1992. Rakari í Reykjavík 1945. Síðast bús. í Reykjavík, ættuð var frá Grímsey. Þau slitu samvistum.

Tindar í Svínavatnshreppi ([1200])

Kálfárdalur á fremri Laxárdal

Gunnsteinsstaðir í Langadal (um 890)

Sigurbjörg Pétursdóttir (1870-1950) Ytra-Tungukoti (9.5.1870 - 23.2.1950)

Steingrímur Björnsson (1913-2002) Blönduósi (30.6.1913 - 21.5.2002)

Anna Björnsdóttir (1909-2001) Skriðulandi (20.12.1909 - 18.6.2001)

Einar Björnsson (1908-1992) Móbergi (31.7.1908 - 24.2.1992)

Guðrún Björnsdóttir (1901-1974) Gunnsteinsstöðum (15.9.1901 - 11.8.1974)

Mjóidalur á Laxárdal fremri ([1300])

Hólabær í Langadal ((1930))

Strjúgsstaðir í Langadal ([900])

Móberg í Langadal ([1000])

Skriðuland í Langadal (1969 -)

HAH09152

IS-HAH

Að venju eru upplýsingar frá Íslendingabók notaðar, ef þær stangast á við aðrar upplýsingar er þeim bætt við innan hornklofa [ ], ekki er tekin afstaða til mismunandi upplýsinga.

Final

Full

GPJ skráning 5.1.2023

• Icelandic

®GPJ ættfræði 5.1.2023
Íslendingabók
Húnavaka 1998. https://timarit.is/page/6359181?iabr=on