Person

Þóra Sigurgeirsdóttir (1913-1999) hótelstýra Blönduósi

• Þóra Sigurgeirsdóttir hótelstýra Blönduósi

12.9.1913 - 9.5.1999

Þóra Sigurgeirsdóttir fæddist á Ísafirði 12. september 1913. Hún lézt á Héraðssjúkrahúsinu á Blönduósi 9. maí síðastliðinn. Þóra Sigurgeirsdóttir, rak lengi hótel á Blönduósi, ásamt manni sínum Snorra heitnum Arnfinnssyni búfræðingi
Útför Þóru Sigurgeirsdóttur fór fram frá Blönduósskirkju laugardaginn 15. maí.

Ísafjörður: Blönduós:

Þóra og Snorri tóku við kúabúi í Siglufirði, í eigu Siglufjarðarkaupstaðar, árið 1933 og sáu um rekstur þess af miklum myndarskap til ársins 1939. Þá hófu þau eigin atvinnurekstur og hösluðu sér völl í þjónustu við ferðafólk, sem þá var ung atvinnugrein hér á landi. Í raun má segja að þau Þóra og Snorri hafi verið meðal frumkvöðla í hótelrekstri og ferðaþjónustu á landsbyggðinni. Þau hófu hótelrekstur í Borgarnesi árið 1939 en fluttu sig síðan til Blönduóss árið 1943, þar sem þau ráku hótel um langt árabil, eða þar til heilsa eiginmannsins bilaði árið 1962. Á blómatíma í rekstri þeirra hjóna var Blönduós vinsæll áningarstaður, hvort heldur fólk var á leið norður af höfuðborgarsvæðinu eða suður úr byggðum beggja vegna Tröllaskaga. Þá vóru miklar annir hjá Þóru Sigurgeirsdóttur, sem sinnti hótelrekstrinum og störfum honum tilheyrandi til jafns við eiginmanninn. Eftir að þau hættu rekstri hótelsins fluttu þau í Hveragerði, þar sem Þóra tók við matráðskonustarfi hjá Elliheimilinu Ási þar á staðnum. Eftir lát manns síns vann Þóra við saumaskap í Reykjavík og síðar eftir að hún flutti aftur til Blönduóss starfaði hún þar við saumaskap hjá Pólarprjóni. Þóra hafði stóru heimili að sinna, samhliða umfangsmiklum atvinnurekstri, sem hún var vakin og sofin í. Vinnudagur hennar var því oft langur og eflaust hefur áreiti, sem atvinnurekstri fylgir, mætt á henni sem öðrum, er hafa í mörg horn að líta. En alltaf gekk hún til verka glöð í bragði, háttvís og hógvær, glæst og gjöful. Hún lét heldur ekki sitt eftir liggja í félagsstarfi Blönduósinga og var heiðursfélagi í Kvenfélaginu Vöku þar á staðnum. Þá vann hún sjálfboðaliðsvinnu við Heimilisiðnaðarsafnið á staðnum. Seinustu þrjú árin dvaldi Þóra á ellideild Heilsugæslustöðvar A- Hún. Þóra var næstelst sjö systkina.

Foreldrar hennar vóru Ingibjörg Þórunn Jóhannsdóttir húsmóðir, f. 6. desember 1891, d. 25. júní 1950, og Sigurgeir Sigurðsson skipstjóri á Ísafirði, f. 2. apríl 1886, d. 10 september 1963.
Börn Ingibjargar og Sigurgeirs voru sjö:
1) Jóhann Árni Sigurgeirsson f. 16. ágúst 1911 - 2. mars 1987. Sjómaður og síðar verslunarmaður á Ísafirði.
2) Þóra, sem fyrr er getið,
3) Svava Sigurgeirsdóttir f. 26. ágúst 1915 - 8. júlí 1990, léttastúlka á Ísafirði 1930. Síðast bús. á Akureyri.
4) Gústav Sigurgeirsson f. 5. nóvember 1919 - 25. desember 1993. Múrari á ísafirði og í Reykjavík. Síðast bús. í Reykjavík. Fyrri kona hans var Guðrún Sveinsdóttir frá Borgarnesi. Seinni kona Gústavs var Ragnhildur Jósepsdóttir, ættuð úr Eyjafirði, matráðskona.
5) Sumarliði Sigurgeirsson f. 26. janúar 1922 - 12. febrúar 1936 Var á Ísafirði 1930.
6) Elísabet Þórunn Sigurgeirsdóttir f. 23. september 1926 - 11. nóvember 2015. Var í Halldórshúsi, Blönduóshr., A-Hún. 1957, maður hennar Sverrir Kristófersson (1921-1995).
7) Þorgerður Sigurgeirsdóttir f. 14. desember 1928 - 6. mars 2015. Starfaði um árabil hjá Raunvísindastofnun Háskólans, síðast bús. í Kópavogi. Gegndi ýmsum félagsstörfum.

Þóra giftist 8. maí 1932 Snorra Arnfinnssyni, búfræðingi, f. 19. júlí 1900 að Brekku í Nauteyrarhreppi í Ísafjarðarsýslu, d. 28. júní 1970. Foreldrar hans vóru: Jónína Jónsdóttir, f. 28. júlí 1865 í Ásgarði í Dalasýslu, og Arnfinnur Jens Guðnason, f. 24. ágúst 1872 að Brekku í Kirkjubólssókn.
Snorri var bústjóri kúabús að Hóli í Siglufirði 1933 til 1939. Þau hjón ráku síðan hótel og veitingaskála í Borgarnesi 1939 til 1943. Þau settu á stofn Hótel Blönduós 1943, er þau ráku til ársins 1962, er heilsa Snorra bilaði. Þóra og Snorri eignuðust átta börn, sex syni og tvær dætur:
1) Geir, f. 31. ágúst 1932 Járnsmiður Reykjavík. M1 María Halldóra Steingrímsdóttir f. 14. maí 1934 - 24. febrúar 1999 Bús. í Blönduóshr. 1957. Síðast bús. á Dalvík. þau skildu. Maki 2 Guðrún Ólafsdóttir f. 30. nóvember 1936 hjúkrunarfræðingur, þau skildu. Maki 3 Aðalheiður Ólafsdóttir f. 3. apríl 1962. Aðalheiður er einungis sögð vera barnsmóðir Geirs í Kotárætt. Maki 4 Vigdís Violeta Rosento f. 26. febrúar 1949. Hét áður Violeta Chaves Rosento.
2) Þór, f. 19. september 1933. Garðyrkjumaður Reykjavík, maki Sigurbjörg Lilja Guðmundsdóttir f. 1. mars 1937
3) Kári, f. 14. september 1935 útgerðarmaður Blönduósi, maki Kolbrún Rósa Ingjaldsdóttir f. 31. ágúst 1938 - 9. október 2016 Hreppshúsinu, Blönduóshr., A-Hún. 1957. Rak efnalaug og hörpudiskvinnslu ásamt eiginmanni sínum á Blönduósi og stofnaði ásamt öðrum tvö útgerðarfélög.
4) Valur Snorrason 15. nóvember 1936 - 7. mars 1994 Rafvrikjameistari. Var lengi ráðsmaður á Héraðshælinu á Blönduósi. Var á Hótel Blönduósi, Blönduóshr., A-Hún. 1957. Síðast bús. í Áshreppi., maki Kristín Ágústsdóttir f. 28.6.1940, Póstmeistari Blönduósi.
5) Örn Snorrason f. 9. febrúar 1940 - 25. mars 2010, vélstjóri Reykjavík, kona hans Guðrún Jóhanna Jóhannsdóttir f. 5. ágúst 1939, þau skildu.
6) Sævar, f. 13. desember 1943 rafvirki Hafnarfirði, maki1 Helga Sigurðardóttir f. 30. janúar 1944 - 16. september 1990, sjúkraliði Reykjavík. Maki2 Aldís Sjöfn Haraldsdóttir f. 15. febrúar 1946.
7) Inga Jóna Snorradóttir f. 17. mars 1946 - 18. mars 2017, maki1 Magnús Örn Benediktsson f. 10. ágúst 1944 Ísafirði, þau skildu. Maki2 Hafsteinn Jóhannsson f. 23. nóvember 1944 bóndi Bálkastöðum á Heggstaðanesi.
8) Sigríður Kristín Snorradóttir f. 16. desember 1948. Maki Lárus Helgason f. 14. mars 1949 Meðalheimi í Torfalækjahr., A-Hún. 1957, bifvélavirki Blönduósi. Kjörsonur: Snorri Þór Lárusson, f. 3.9.1970, faðir hans Alain Chatelain, f. í Frakklandi.
Barnabörn Þóru og Snorra eru 40, barnabarnabörn 63 og barnabarnabarnabörn 4. Afkomendur þeirra eru því 115 talsins.

IS HAH

Final

Full

GPJ 20.7.2017

• Icelandic

®GPJ ættfræði https://www.mbl.is/greinasafn/grein/468566/?item_num=0&searchid=605abc08ae0b0660ebdfe9bccba2e5347dc55942