Oddný Jónsdóttir (1902-1989) Hnausum

Þann 11. janúar 1989. lést á Héraðshælinu á Blönduósi Oddný Jónsdóttir. Árið 1955 hófu systursynir Oddnýjar, Jón og Zophonías, synir Guðrúnar og Pálma á Bjarnastöðum, búskap á Hjallalandi, næsta bæ sunnan Másstaða. Þar sem Oddný hafði aldrei gifst þótti henni sjálfsagt að styðja við bakið á frændum sínum og gerðist ráðskona hjá þeim. Þar bjó hún til ársins 1980 er hún fluttist með þeim bræðrum að Hnausum í Þingi.

Másstaðir í Vatnsdal: Hnausar 1980:

Einn vetur stundaði Oddný nám við Gagnfræðaskólann á Akureyri og nam við Kvennaskólann í Reykjavík í tvo vetur.

Skólaganga Oddnýjar var mun meiri en almennt gerðist á þessum tíma, enda starfaði hún síðar við almenna kennslu í Víðidal og í Reykjarfirði á Ströndum.
Hún var mikil hannyrðakona og var um tíma lausráðinn kennari við Kvennaskólann á Blönduósi, kenndi vefnað og prjón.

Frá Másstöðum og Hjallalandi er hvað fegurst útsýni yfir Vatnsdal. Fjöllin, Hnjúkurinn, Flóðið með sínum svanasöng og Vatnsdalshólarnir. Stórkostlegt landslag. Þarna var Oddný alin upp og þar dvaldi hún nánast alla sína ævi. Ég mun ætíð minnast hennar í þessu fagra umhverfi.

Oddný var fædd á Másstöðum í Vatnsdal 27. október 1902 og var dóttir Jóns Kristmundar Jónssonar og Elínborgar Margrétar Jónsdóttur. Eignuðust þau þrjá dætur, Þorbjörgu sem dó árið 1952, Guðrúnu og Oddnýju sem var yngst þeirra systra. Móðir Oddnýjar lést árið 1914.
Jón kvæntist seinni konu sinni, Halldóru Gestsdóttur, árið 1920 og eignuðust þau eina dóttur, Elínborgu, kennara á Skagaströnd.

GPJ 7.7.2017

• Icelandic

®GPJ ættfræði https://www.mbl.is/greinasafn/grein/26266/?item_num=7&searchid=b297f433cff9c8e56a415300049d56a0cfe17450