Lúcinda Árnadóttir fæddist á Saurbæ í Vatnsdal 14. apríl 1914. Hún lést í Landspítalanum 17. ágúst síðastliðinn. Lúcinda ólst upp hjá foreldrum sínum, lengst af á Kárastöðum í Svínavatnshreppi, en 16 ára gömul, er foreldrar hennar slitu samvistir, fór hún að vinna hjá vandalausum, fyrst í Húnaþingi og síðan í Reykjavík.
Útför Lúcindu verður gerð í dag frá Þingeyrarkirkju og hefst athöfnin klukkan 14.

Foreldrar hennar voru Árni Ólafsson, bóndi og rithöfundur, og Þórunn Hjálmarsdóttir, húsfrú og saumakona.
Lúcinda átti einn bróður, Sigtrygg Árnason, yfirlögregluþjónn í Keflavík, f. 29. júní 1915, d. 29. ágúst 1990, kona hans Eyrún Eiríksdóttir, f. 23. ágúst 1912, d. 2. apríl 1988.
Í Reykjavík hóf Lúcinda sambúð með Jóni Þorsteini Jónssyni og eignuðust þau tvö börn,
1) Alda Þórunn (1935) , fulltrúi hjá Iðntæknistofnun, maki Magnús Eyjólfsson, börn þeirra eru Jón Þórarinn, Linda Hrönn og Sigurður Haukur,
2) Haukur Viðar (1938) rafvirkjameistara, sem lést 1. nóvember 1995, maki Hildegard Durr, þau slitu samvistir, börn þeirra eru Sigrún Lára og Sverrir Viðar.
Lúcinda og Jón hættu sambúð 1944 og fluttist hún þá norður í Húnavatnssýslu ásamt börnum sínum.
Árið 1945 hóf Lúcinda búskap í Vatnsdalshólum með seinni manni sínum Vigfúsi Magnússyni, f. 25. september 1923, d. 22. okótber 1987. Sjö árum síðar fluttust þau að Skinnastöðum í Torfalækjarhreppi þar sem þau bjuggu til dánardægurs.
Börn þeirra eru
3) Magnús (1946-1957), lést af slysförum,
4) Árni (1948) , lögreglumaður í Reykjavík, maki Björk Kristófersdóttir, börn þeirra Kristín Linda, Vigfús Þór, Arnar Bjarki og Lúcinda,
5) Anna Guðrún (1951), gjaldkeri hjá sýslumanninum á Blönduósi, maki Kristófer Sverrir Sverrisson, hennar sonur er Magnús Guðmundsson,
6) Vignir Filip (1954), bóndi á Skinnastöðum,
7) andvana fætt stúlkubarn.