Kristófer stofnaði nýbýlið Köldukinn II úr jörðinni Köldukinn en hann var búfræðingur frá Hólum. Voru þau Kristófer og Brynhildur með blandað bú. Félagsmál voru Kristófer hugleikin og sá hann t.d. um stjórnun kóra í yfir 50 ár. Einnig lét hann sig atvinnumál varða jafnt innan sem utan héraðs.

Foreldrar hans voru Kristján Kristófersson, bóndi í Köldukinn, f. 1890, d. 1973, og Guðrún Sigríður Jónsdóttir Espólín, kennari og húsfreyja í Köldukinn, f. 1890, d. 1988.
Systkini Kristófers voru
1) Bergþóra, f. 1918, d. 2011, maki Pétur Pétursson, f. 1920, d. 1979,
2) Jón Espólín Kristjánsson, f. 1923, d. 2014, maki Margrét Björnsdóttir, f. 1928, og býr hún á Blönduósi.

Kristófer kvæntist 20. ágúst 1954 Brynhildi Guðmundsdóttur frá Nípukoti í Víðidal. Brynhildur, Dúlla, var fædd 20. ágúst 1933. Brynhildur lést 19. nóvember 1988 eftir snörp veikindi.
Þau eignuðust þrjú börn sem búa öll á Blönduósi. Þau eru:
1) Kristján Kristófersson, f. 1955, kona hans er Margrét Hallbjörnsdóttir og eiga þau 3 börn.
2) Hrefna Kristófersdóttir, f. 1957, sambýlismaður hennar er Jakob Svavarsson og eiga þau 2 dætur. Dóttir þeirra er Erla Jakobsdóttir.
3) Guðrún Kristófersdóttir, f. 1962, maður hennar er Páll Ingþór Kristinsson og eiga þau 3 syni.
Eftir fráfall Brynhildar kynntist Kristófer Kristín Bjarnadóttir 18. maí 1932 - 30. jan. 1996 frá Blönduósi. Áttu þau saman tæp 2 ár en Kristín féll snögglega frá 1996.
Eftir fráfall Kristínar rifjuðust upp gömul kynni Kristófers og Ólafía Ásbjarnardóttir [Lollý] 28. júlí 1935 - 24. okt. 2009. Húsfreyja og síðar stjórnarformaður í Reykjavík. frá unglingsárum þeirra þegar hún var í sveit á Kagaðarhóli. Fljótlega varð Kaldakinn II annað heimili hennar. Lollý féll frá 2009 eftir mikil veikindi.
Kristófer bjó á Blönduósi frá sumrinu 2014 og fljótlega varð heimili hans á Heilbrigðisstofnuninni.