Kristján Pétur Arngrímsson (1929-2014)

Kristján Arngrímsson fæddist 26. júní 1929 á Mýrum í Dýrafirði. Hann lést á heimili sínu í Reykjavík 3. febrúar 2013. Kristján lauk námi við barnaskóla Ísafjarðar og fluttist til Reykjavíkur 16 ára gamall. Útför Kristjáns fer fram frá Fríkirkjunni í Reykjavík í dag, 12. febrúar 2014, og hefst athöfnin kl. 15.

Mýrar í Dýrafirði: Ísafjörður: Reykjavík 1945

Hann fékkst við margvísleg störf um ævina, m.a. var hann um tíma túlkur fyrir setuliðið, enda málamaður góður. Hann starfaði sem verslunarmaður um þónokkurt skeið, m.a. í bókabúð Ísafoldar, átti og rak prentsmiðju og kassagerð á Laufásveginum. Um og upp úr 1960 fór hann að sinna ferðamannamálum, sem varð sú starfsgrein sem hann sinnti til starfsloka, lengst af hjá Kynnisferðum. Kristján var með þeim fyrstu sem höfðu leiðsögu ferðamanna að aðalatvinnu hérlendis og var einn stofnandi Félags leiðsögumanna 1972. Hann átti þátt í þróa margar af þeim ferðaleiðum um landið, þar sem farið er með erlenda ferðamenn enn í dag. Kristján var fjölhæfur og hagur smiður,

Einnig starfaði hann fram á síðasta dag að ritstörfum. Síðustu bókina, um þá hvali sem von er til að sjá við Ísland, sendi hann frá sér 79 ára gamall. Hann hann hafði ritað yfir 600 síður að bók um rostunga þegar hann lést frá verkinu.

Kristján var sonur hjónanna Arngríms Fr. Bjarnasonar, f. 1.10. 1886, d. 17.9. 1962, kaupmanns, prentara og ritstjóra og Ástu Eggertzdóttur Fjeldsted, f. 16.12. 1900, d. 21.3. 1986, kaupmanns og húsfreyju. Kristján ólst upp í stórum systkinahópi í Hafnarstræti 11 á Ísafirði.
Alsystkin Kristjáns voru Guðmundur Arngrímur, f. 31.10. 1923, d. 1.8. 1973, Jón Eggert Ríkhard, f. 4.1. 1925, d. 14.1. 1997, Helga, f. 7.4. 1926, d. 30.5. 1998, Hrefna, f. 19.7. 1927, Pálmi Kristinn, f. 29.7. 1930, Sigurður, f. 20.10. 1931, d. 30.11. 2004, Jósafat, f. 12.5.1933, d. 13.7.2008, Ástríður Kristín, f. 11.4. 1935, d. 18.10. 2010, Guðríður Erna, f. 27.7. 1938 og Arngrímur, f. 7.1. 1941.
Hálfsystkin Kristjáns samfeðra voru Jón, f. 11.6. 1910, d. 12.8. 1965, Lína, f. 13.8. 1912, d. 8.4. 2001, Kristjana, f. 5.1. 1914, d. 3.5. 1961, Inga Ólöf, f. 12.6. 1915, d. 2.1. 1976, Friðrik Axel, f. 9.9. 1916, d. 7.3. 1935, Bjarni, f. 31.10. 1919, d. 12.1. 1991, og Hannes Þórður, f. 18.1. 1921, d. 23.1. 2013.
Kristján kvæntist hinn 28. maí 1957, Önnu Dís Björgvinsdóttur, f. 27.2. 1936, og eignuðust þau fimm börn:
1) Bryndís, f. 9.3. 1954, íslenskufræðing, blaðamann og leiðsögumann. Hún er gift Valdimar Leifssyni kvikmyndagerðarmanni og eiga þau þrjú börn: Arnar Stein, viðskiptafræðing, dóttir hans er Sigríður Ylfa; Egil, listnema, og Önnu Katrínu háskólanema,
2) Björgvin Þór, f. 3.11. 1956, d. 8.8. 2012,
3) Arna, f. 13.12. 1961, börn hennar eru Melkorka, gift Tyler Hurd, búsett í New York, og Dagur Sölvi,
4) Sjöfn, f. 19.9. 1963, lögmaður. Maður hennar er Jón Þór Einarsson, matreiðslumeistari og framkvæmdastjóri. Sonur þeirra er Tómas Þór, unnusta hans er Sandra Dögg Guðnadóttir, bæði við háskólanám í Kaupmannahöfn. Fyrir átti Sjöfn soninn Símon og Jón Þór dótturina Steinunni Dúu og
5) Snorri, f. 18.12. 1965, forritara. Hann er kvæntur Lily Hernandez og börn þeirra eru John og Bríana Dís.
Kristján og Anna Dís skildu 1971.

GPJ 2.7.2017

• Icelandic

http://www.mbl.is/greinasafn/minningaleit/