Person

Helga Arngrímsdóttir (1926-1998)

7.4.1926 - 20.5.1988

Á morgun, mánudaginn 13. júní, verður til moldar borin frá Fossvogskirkju frú Helga Arngrímsdóttir, Bergstaðastræti 64 hér í borg.
Hún fæddist í Bolungavík og gekk þar sín fyrstu spor. Ung að árum fluttist Helga með fjölskyldu sinni að Mýrum í Dýrafirði og þar bjó fjölskyldan í nokkur ár þar til hún fluttist til Ísafjarðar. En nokkru áður hafði faðir Helgu, Arngrímur Friðrik, tekið við ritstjórn Vesturlands, blaði vestfirskra sjálfstæðismanna, sem hann ritstýrði um árabil, jafnframt því að gegna mörgum trúnaðarstörfum fyrir Sjálfstæðisflokkinn, s.s. formannsstörfum í félaginu á Ísafirði og setu í bæjarstjórn.
Þegar Helga fór að heiman, fluttist hann til Reykjavíkur og bjó þar uns yfir lauk, fyrir utan nokkur ár sem hún stundaði nám í nuddi í Noregi. Og eins bjó hún um tíma á Englandi og í Litlu-Hlíð í Lýtingsstaðahreppi, Skagafirði.

Bolungarvík: Mýrar í Dýrafirði: Ísafjörður: Reykjavík:

Nuddari:

Helga var dóttir hjónanna Ástu Eggertsdóttur Fjeldsted og Arngríms Friðriks Bjarnasonar, sem á þeim tíma var póstmeistari og kaupmaður í Bolungavík.
Foreldrar Arngríms voru Bjarni Helgason, sjómaður, Ísafirði og kona hans, Mikkalína Friðriksdóttir, dóttir Friðriks Axels Axelssonar, bónda í Álftafirði og Skálavík, en foreldrar hans voru Axel Friðrik Þórólfsson, bóndi í Múla, Skálma nesi, og kona hans, Ástríður Sveinsdóttir, bónda og hreppstjóra, Einarssonar í Hergilsey. En þetta ættarkyn Helgu er síðan rakið til Múla-, Haga-, Reykhóla- og Skarðsættar og þar á meðal til merkiskonunnar, Ólafar Loftsdóttur ríku og til Björns Þorleifssonar, hirðstjóra.
Helgu-nafnið hlaut hún í skírn. En það var nafn langömmu hennar í móðurætt, frú Helgu Bjarnadóttur frá Hagakoti í Ögurhreppi, eiginkonu Jóns Jóhannessonar frá Blámýrum í Ögurhreppi, en síðar bónda í Skálavík.
Eiginmaður Helgu var Ólafur Guðmundsson, búfræðingur og áður bóndi í Litlu-Hlíð, sonur sæmdarhjónanna Ólínu Sveinsdóttur, ljósmóður, og Guðmundar Ólafssonar, óðalsbónda. Þau voru bæði af Hlíðarætt, eins og þetta kyn er gjarnan nefnt, en til þess teljast margir listfengir menn og konur í útskurði og hannyrðum, auk fleiri góðra verka. Ólafur lést á heimili sinu 7. maí sl. og það má því segja að stutt er á milli þeirra hjóna. En Helga hefur síðustu árin ekki gengið heil til skógar og hún lést á Landspítalanum eftir langvarandi veikindi 30. maí sl.

Arngrímur Friðrik Bjarnason (1886-1962) Mýrum í Dýrafirði (2.10.1886 - 17.9.1962)

Ásta Fjeldsted (1900-1986) Mýrum í Dýrafirði (16.12.1900 - 21.3.1986)

Arngrímur Arngrímsson (1941) frá Mýrum í Dýrafirði (7.1.1941)

Ástríður Arngrímsdóttir (1935-2010) frá Mýrum í Dýrafirði (11.4.1935 - 18.10.2010)

Jósafat Arngrímsson (1933-2008) (12.5.1933 - 13.7.2008)

Kristján Pétur Arngrímsson (1929-2014) (26.6.1929 - 3.2.2013)

Jón Eggert Ríkharð Arngrímsson (1925-1997) (4.1.1925 - 14.1.1997)

Erna Arngrímsdóttir (1938) sagnfræðingur (27.7.1938 -)

Guðmundur Arngrímsson (1923-1973) Rannsóknarlögreglumaður í Svíþjóð (31.10.1923 - 1.9.1973)

Birna Bergmann Guðjónsdóttir (1948) (9.10.1948 -)

HAH01400

IS HAH

Final

Full

GPJ 19.6.2017

• Icelandic

http://www.mbl.is/greinasafn/minningargreinar/