Jóninna Margrét Pétursdóttir (1894-1978) frá Tjörn á Skaga

Jóninna Margrét Pétursdóttir fædd að Tjörn i Skagahreppi (áður Nesjum) 30. maí 1894. Veitingakona í Reykjavík. Eftir eins vetrar barnaskólanám fermdist Jóninna vorið 1907, 14 ára gömul, og fór þá þegar úr foreldrahúsum og vann fyrir sér eftir það.
Andaðist i Hrafnistu 9. febrúar 1978. Útför hennar fór fram frá Fossvogskirkju miðvikudaginn 15. febrúar 1978, kl. 13,30.

Barnaskólanám 1906-1907.
Vorið 1921 útskrifaðist Jóninna úr kvennaskólanum á Blönduósi eftir tveggja vetra nám,

Var hún fyrst mest við algeng heimilisstörf í heimabyggð og síðar i Stykkishómi og á Akureyri fram yfir tvítugt. Á Akureyri komst hún jafnframt starfi á námskeið hjá Halldóru Bjarnadóttur, þar sem hún m.a. lærði saumaskap og bætti síðan við þekkingu sína á þvi sviði á saumaverkstæði Steinunnar Briem i Reykjavík i kringum 1918, þvi viðburðaríka ári með veigamiklum áfanga í sjálfstæðisbaráttu þjóðarinnar, Kötlugosi og komu spönsku veikinnar, sem olli óskaplegum vandræðum og dauðsföllum.

Var síðan við ýmis störf nyrðra svo sem saumaskap, matreiðslu og ráðskonustörf fram um 1930. Hún var ráðskona hjá vinnuflokki, sem gerði brú á Eyjafjarðará, einnig við byggingu Kristneshælis, við sjúkrahús Seyðisfjarðar, í hóteli (Gullfoss) á Akureyri og við veitingar (í Brúarfossi) á Siglufirði. Þjóðhátíðarárið 1930 fór Jóninna suður til Reykjavíkur og síðan til námsdvalar á hóteli í Kaupmannahöfn veturinn 1930/31, en kom heim um vorið og var bakari í Þrastalundi um sumarið, en síðan aðstoðarráðskona á Vífilsstöðum fram til 1934. Næstu 12 árin eða til 1946 var hún ráðskona í mötuneytinu í Gimli í Rvík.

1946/7 var Jóninna kennari við kvennaskólann á Blönduósi, en þvi næst starfaði hún um tíma á Hvítabandinu í Rvík. Frá 1948 - 1958 var hún ráðskona matargerðar á Kristneshæli, en eftir það við saumaskap hjá Gefjun í Rvík meðan heilsan entist.

Foreldrar; Pétur Björnsson 14. desember 1857 - 16. nóvember 1931. Var á Kagaðarhóli, Hjaltabakkasókn, Hún. 1860. Tökubarn í Keldulandi, Hofssókn, Hún. 1870. Vinnumaður á Tjörn, Hofssókn, Hún. 1880. Formaður og bóndi á Ósi og Tjörn, Vindhælishreppi. Var á Tjörn, Spákonufellssókn, Hún. 1901 og kona hans; Guðmundína Guðrún Guðmundsdóttir 26. september 1862 [25.9.1862] - 24. desember 1926. Húsfreyja í Tjörn, Spákonufellssókn, Hún. Var þar 1901.

Systkini;
1) Álfheiður Pétursdóttir 28. apríl 1888 - 11. apríl 1943. Var á Ósi, Hofssókn, Hún. 1890. Var á Tjörn, Spákonufellssókn, Hún. 1901. Verkakona á Akureyri 1930. Ógift.
2) Páll Pétursson 24. júlí 1889 - 22. október 1963. Vinnumaður á Spákonufelli við Skagaströnd. Vinnumaður á Holtastöðum, Holtastaðasókn, A-Hún. 1930. Var á Holtastöðum, Engihlíðarhreppi, A-Hún. 1957. Kona hans 24.4.1913; Anna Sigríður Sölvadóttir 19. mars 1892 - 19. október 1965. Var á Lækjarbakka, Spákonufellssókn, Hún. 1901. Vinnukona í Skagastrandarkaupstað 1930. Húsfreyja í Höfðakaupstað. Var í Réttarholti, Höfðahr., A-Hún. 1957. Barnsfaðir hennar 25.10.1925; Ernst Carl Frederik Berndsen 11. september 1874 - 15. desember 1954. Póstafgreiðslumaður í Skagastrandarkaupstað 1930. Heimili: Hólanes. Kaupmaður á Skagaströnd. Var á Hólanesi, Spákonufellssókn, Hún. 1890. Var á Blönduósi 1892. Bóndi í Hólanesi, Spákonufellssókn, Hún. 1901.
3) Anna Pétursdóttir 31. júlí 1890 - 30. október 1958. Var í Tjörn, Spákonufellssókn, Hún. 1901. Gestkomandi í Reykjavík 1910. Húsfreyja á Grettisgötu 50, Reykjavík 1930. Húsfreyja í Reykjavík 1945. Maður hennar; Sigurjón Ólafsson 7. júlí 1889 - 20. júlí 1946. Verkamaður í Reykjavík 1945.
4) Sigurlaug Pétursdóttir 10. janúar 1893 - 7. september 1986. Sjómaður á Akureyri 1930. Síðast bús. á Akureyri.
5) Guðrún B. Pétursdóttir 19. september 1895 - 20. mars 1969. Húsfreyja á Ölvaldsstöðum , Borgarsókn, Mýr. 1930. Síðast bús. í Borgarnesi.
6) Guðmundur Pétursson 8. febrúar 1897 - 30. júní 1987. Leigjandi á Skólavegi 7, Vestmannaeyjum 1930. Heimili: Björnólfsstaðir, Hún. Var í Höfðakoti, Höfðahr., A-Hún. 1957. Síðast bús. í Höfðahreppi. Blöndubakki 1930-1944. Karlsminni 1910. Hann var ókvæntur og barnlaus.
7) Halldóra Pétursdóttir 22. ágúst 1898 - 23. desember 1987. Var í Höfðakoti, Höfðahr., A-Hún. 1957. Síðast bús. í Höfðahreppi. Maður hennar 24.8.1930; Steingrímur Jónsson 16. júní 1897 - 15. janúar 1992. Sjómaður á Skagaströnd. Var í Höfðakoti, Höfðahr., A-Hún. 1957.
8) Kristín Pétursdóttir 8. janúar 1900 - 5. desember 1989. Húsfreyja á Akureyri 1930. Síðast bús. á Akureyri. Maður hennar Helgi Pálsson
9) Soffía Pétursdóttir Líndal 9. nóvember 1901 - 18. apríl 1990. Hjúkrunarnemi á Nýja Kleppi, Reykjavík 1930. Hjúkrunarkona og húsfreyja á Holtastöðum í Langadal. Síðast bús. í Engihlíðarhreppi. Maður hennar 7.3.1938; Jónatan Jósafatsson Líndal 26. júní 1879 - 6. nóvember 1971. Var á Holtastöðum, Engihlíðarhreppi, A-Hún. 1957. Bóndi á Holtastöðum. Síðast bús. í Engihlíðarhreppi.
10) Sigurður Pétursson 7. febrúar 1904 - 22. apríl 1961. Sjómaður á Akureyri 1930. Heimili: Traðós, Höfnum, Gull.
11) Pétur Pétursson 26. maí 1906 - 18. júní 1990. Sjómaður á Árbakka, Hofssókn, A-Hún. 1930. Síðast bús. í Hveragerðisbæ.

Að venju eru upplýsingar frá Íslendingabók notaðar, ef þær stangast á við aðrar upplýsingar er þeim bætt við innan hornklofa [ ], ekki er tekin afstaða til mismunandi upplýsinga.

GPJ skráning 27.12.2022

• Icelandic

®GPJ ættfræði 27.12.2022
Íslendingabók
Húnavaka 1988. http://timarit.is/view_page_init.jsp?pageId=6349722
Tíminn 15.2.1978. https://timarit.is/page/3906679?iabr=on
Lesbók Tímans 25. maí 1969