Einstaklingur

Jónas Bergmann Jónsson (1908-2005) fræðslustjóri, frá Torfalæk

8.4.1908 - 1.4.2005

Jónas Bergmann Jónsson, fyrrverandi fræðslustjóri í Reykjavík, fæddist á Torfalæk í Austur-Húnavatnssýslu hinn 8. apríl 1908. Hann lést á Landakotsspítala aðfaranótt 1. apríl síðastliðins, tæplega 97 ára að aldri. Jónas B. var formaður Kennarafélags Laugarnesskóla 1935-43, sat í stjórn Stéttarfélags barnakennara í Reykjavík 1939-42 og í stjórn Sambands íslenskra barnakennara 1942-50. Hann var formaður Barnaverndarnefndar Reykjavíkur 1946-50, formaður forstöðunefndar Námsflokka Reykjavíkur frá 1946-54. Einnig samdi hann kennslubækur og skrifaði greinar um uppeldismál og fræðslumál í blöð og tímarit. Jónas B. tók mikinn þátt í félagsmálum. Hann var formaður Barnaverndarráðs Íslands 1953-57 og framkvæmdastjóri Íþróttaráðs Reykjavíkur frá stofnun þess 1962 og til 1973. Hann sat í stjórn Bandalags íslenskra skáta frá 1950 og var skátahöfðingi Íslands 1958-71. Hann var alla tíð mjög virkur í uppbyggingu aðstöðu skáta að Úlfljótsvatni. Jónas B. sat í stjórn Reykjavíkurdeildar Rauða kross Íslands frá stofnun 1949-79 og var ritari í stjórn Rauða kross Íslands 1975-79. Hann sat í fulltrúaráði Sjálfstæðisflokksins um áratugaskeið og gegndi ýmsum trúnaðarstörfum fyrir flokkinn. Jónas var virkur félagi í Oddfellow-reglunni og sat þar í stjórn.
Jónas B. var sæmdur riddarakrossi hinnar íslensku fálkaorðu 1961 og stórriddarakrossi 1972. Þá var hann kjörinn heiðursdoktor við Kennaraháskóla Íslands 2001.
Útför Jónasar verður gerð frá Dómkirkjunni í dag 8. apríl 2005 og hefst athöfnin klukkan 15.

Torfalækur: Reykjavík:

Jónas B. lauk kennaraprófi 1934 og nam við kennaraskóla í Gautaborg 1938:

Árið 1928 hóf hann feril sinn sem kennari í Torfalækjarhreppi og kenndi síðan við Laugarnesskóla í Reykjavík til 1943. Jónas varð þá fræðslufulltrúi og síðar fræðslustjóri í Reykjavík og gegndi því starfi í 30 ár. Hann tók virkan þátt í mótun nýrra hugmynda um skóla- og uppeldismál, kynningu nýrrar kennslutækni og hrinti í framkvæmd breyttu skipulagi náms og kennslu í skólum borgarinnar.

Foreldrar hans voru Jón Guðmundsson, f. 22.1. 1878, bóndi á Torfalæk, d. 7.9. 1967, og Ingibjörg Björnsdóttir, f. 28.5. 1875, húsfreyja á Torfalæk, d. 10.9. 1940.
Systkini Jónasar B. voru Guðmundur, f. 2.3. 1902, skólastjóri bændaskólans á Hvanneyri, d. 28.11. 2002, Björn Leví, f. 4.2. 1904, læknir, d. 15.9. 1979, Jóhann Frímann, f. 5.2. 1904, starfsmaður hjá Reykjavíkurborg, d. 20.3. 1980, Ingimundur, f. 18.6. 1912, d. 20.5. 1969. Eftirlifandi bróðir er Torfi, f. 28.7. 1915, fyrrverandi bóndi á Torfalæk. Uppeldissystur Jónasar eru Björg Gísladóttir, f. 5.11. 1907, d. 9.7. 1939, Ingibjörg Kristín Pétursdóttir, f. 1.9. 1921, húsfreyja á Blönduósi, og Sigrún Einarsdóttir, húsfreyja í Reykjavík, f.1.4. 1929.
Eftirlifandi eiginkona Jónasar B. er Guðrún Ö. Stephensen, f. 30.10. 1914. Foreldrar hennar voru Ögmundur H. Stephensen bóndi og Ingibjörg Þorsteinsdóttir húsfreyja. Þau bjuggu í Hólabrekku í Reykjavík. Jónas B. og Guðrún eignuðust fjögur börn. Þau eru
1) Jón Torfi, f. 9.6. 1947, prófessor, maki Bryndís Ísaksdóttir bókasafnsfræðingur á Landsbókasafni Íslands - Háskólabókasafni. Þau eignuðust fjögur börn, Ragnheiði, Guðrúnu Önnu, maki hennar er Jóhannes Magnússon, Kristínu Evu, d. 23.9. 2001, og Stefán Árna.
2) Ögmundur, f. 17.7. 1948, alþingismaður og formaður BSRB, maki Valgerður Andrésdóttir, líffræðingur á Keldum. Þau eiga þrjú börn, Andrés, Guðrúnu og Margréti Helgu.
3) Ingibjörg, f. 12.11. 1950, fræðslustjóri, maki Guðmundur Gíslason, bankamaður. Ingibjörg eignaðist þrjú börn með fyrri manni sínum, James Swift, framkvæmdastjóra. Þau eru Emma Marie, Martin Jónas Björn og Björn Patrick. Emma Marie er gift Ívari Meyvantssyni og eiga þau þrjú börn, Benedikt Aron, Klöru Margréti og Sylvíu Kristínu. Guðmundur á tvær dætur og fimm barnabörn.
4) Björn, f. 20.6. 1954, bókaútgefandi, maki Elísabet Guðbjörnsdóttir, lögfræðingur. Þau eiga þrjú börn, Önnu Lísu, Ingibjörgu og Jónas Bergmann.

Brynleifur Tobíasson (1890-1958) Yfirkennari MA (20.4.1890 - 27.2.1958)

Sigríður Stefánsdóttir Stephensen (1841-1889) Flatey ov (25.5.1841 - 18.5.1889)

Ingibjörg Björnsdóttir (1875-1940) Torfalæk (28.5.1875 - 10.9.1940)

Jón Guðmundsson (1878-1967) Torfalæk (22.1.1878 - 7.9.1967)

Björn Leví Jónsson (1904-1979) Veðurfræðingur frá Torfalæk (4.2.1904 - 15.9.1979)

Guðmundur Jónsson (1902-2002) skólastjóri Bændaskólans á Hvanneyri (2.3.1902 - 28.11.2002)

Torfi Jónsson (1915-2009) Torfalæk (28.7.1915 - 17.7.2009)

HAH01605

IS HAH

Loka

Fullt

28.6.2017

• íslenska

®GPJ ættfræði
Íslendingabók
mbl 8.4.2005. https://www.mbl.is/greinasafn/grein/1010894/?item_num=4&searchid=2edc7bd5e420fbf25e79b672e78ce87a776c6d7f