Person

Jóhann Rist (1916-1951) Reykjavík

• Jóhann Lárusson Rist (1916-1951) Reykjavík

19.3.1916 - 12.4.1951

Jóhann Lárusson Rist 19. mars 1916 - 12. apríl 1951. Reykjavík. Vinnupiltur á Munkaþverá, Munkaþverársókn, Eyj. 1930. Flugvélstjóri, lést er Rjúpan TF RPM, Consul flugvél hans og Páls Magnússonar flugstjóra sem flogið var frá Croydon flugvelli í London til Íslands fórst. Vélina átti að nota við síldarleit. Ókvæntur barnlaus
Fimm ára gamall missti Jóhann móður sína, og var hann þá svo lánsamur, að Jón bóndi Júlíusson og Margrét systir hans á Munkaþverá í Eyjafirði tóku hann í fóstur.

Akureyri
Munkaþverá
Reykjavík

Skömmu eftir fermingu tók hann próf upp í 1. bekk Menntaskólans á Akureyri og stundaði þar nám i einn vetur, en ekki mun hugur Jóhanns hafa staðið til bóknáms á þeim árum, svo að hann hvarf úr skólanum eftir eins vetrar nám. Lagði hann þá leið sína til Reykjavíkur og stundaði járnsmíði hjá Jóni Sigurðasyni, jámsmíðameistara á Laugavegi 54. Lauk hann námi því tvítugur að aldri.

Þegar Jóhann hafði lokið járnsmíðanáminu, sigldi hann til Kaupmannahafnar til framhaldsnáms. Gerðist hann starfsmaður i skipasmíðastöðinni Burmeister & Wein. Jafnframt starfa sínum þar stundaði hann nám í vélstjóraskóla borgarinnar og lauk þaðan fullnaðarprófi 23 ára gamall. Eftir þetta réðst Jóhann í siglingar og var vélstjóri á dönsku flutningaskipi, sem sigldi á Kyrrahafi, milli Ameríku og Austur-Asiu. Árið 1941 var skipið kyrrsett í Filippseyjum. Eftir tæpt ár var það tekið til herflutninga, en skipshöfnin sett á land í San Francisco. Þaðan ók Jóhann á eigin farkosti þvert yfir meginlandið til New York-borgar og ætlaði sér rakleitt heim til íslands. Þó skipaðist málum þann veg, að hann fór enn i siglingar, að þessu sinni í þágu Bandaríkjaflotans og sigldi nú um skeið í skipalestum um hættu svæði Atlanzhafsins. Er hér var komið sögu, var Jóhann orðinn hinn gagnmenntaðisti maður og svo víð förull, að slíks munu fá dæmi með íslendingum, og þykja þeir þó ferðast mikið.

Foreldrar; Lárus Jóhannsson Rist 19. júní 1879 - 9. okt. 1964. Með foreldrum í Hvammi í Kjós um 1880-82, síðan í fóstri á Læk í Leirarsveit um 1882-87. Flutti þá norður í Eyjafjörð með föður sínum. Nam fimleika- og sundkennslu í Danmörku. Sund- og leikfimikennari á Akureyri um 1906-31 og ráðsmaður spítalans þar um tíma. Einn helsti forgöngumaður um sundkennslu á Íslandi, „synti yfir Eyjafjörð á sjóklæðum 6.8.1907 og varð það landsfrægt.“ Segir í Eftirmælaskrá Jóns Skagan. Flutti til Suðurlands aftur 1936. Varð síðar sundkennari í Hveragerði um árabil. Síðast bús. í Reykjavík og kona hans; Margrét Sigurjónsdóttir Rist 20. júlí 1888 - 5. ágúst 1921. Var á Flatartungu, Silfrastaðasókn, Skag. 1890. Húsfreyja á Akureyri um 1911-21.

Systkini;
1) Óttar Lárusson Rist 20. júlí 1912 - 3. apríl 1932. Verslunarmaður á Grettisgötu 1, Reykjavík 1930.
2) Anna Lárusdóttir Rist 19. mars 1914 - 9. mars 1999. Húsfreyja á Akureyri og síðar í Reykjavík. Var í Bergstaðastræti 4, Reykjavík 1930.
3) Sigurjón Rist 29. ágúst 1917 - 15. okt. 1994. Var á Torfum, Grundarsókn, Eyj. 1930. Fósturfor: Sigtryggur Jóhannesson og Jónína Rannveig Sigurjónsdóttir. Vatnamælingamaður, síðast bús. í Reykjavík. Dóttir hans Rannveig Rist forstjóri Álversins í Straumsvík.
4) Regína Lárusdóttir Rist 7. feb. 1919 - 28. apríl 2008. Fótsnyrtifræðingur. Var á Akureyri 1930. Hinn 7. október 1939 giftist hún Guðmundi Jóhannssyni húsasmíðameistara, f. 18.2. 1912, d. 30.1. 1974.
5) Ingibjörg Lárusdóttir Rist 15. maí 1920 - 21. maí 1998. Var á Akureyri 1930. Síðast bús. í Reykjavík 1994.
6) Páll Lárusson Rist 1. ágúst 1921 - 30. ágúst 2016. Var á Akureyri 1930. Fósturfor: Vilhjálmur Jóhannsson og Anna Margrét Ingimarsdóttir. Lögregluþjónn á Akureyri, búfræðingur og bóndi á Litla-Hóli í Eyjafjarðarsveit.

Jóhann Rist var meðalmaður á hæð og svaraði sér vel. Dökkur var hann á brún og brá og vel farið í andliti. — Hann var maður hæglátur og prúður í framgöngu allri, rólegur og íhugull. Honum bjó margt í huga, og ekki lét hann sitja við orðin tóm. Í skiptum sínum við aðra menn var hann sanngjarn og háttvís. Aldrei heyrði ég hann gera lítið úr öðrum mönnum, ég held hann hafi ekki átt það til að vega sig á kostnað annarra; hann var of vel menntur til að ala jafn leiða smáþjóðarkennd.
Jóhanni skildist ungum, að þeir stefna ekki fram, sem gera litlar eða engar kröfur til s]álfra sín, en ósanngjarnar kröfur til annarra.

Lárus Rist (1879-1964) íþróttakennari Ak (19.8.1879 - 9.10.1964)

Margrét Sigurjónsdóttir (1888-1921) Akureyri (20.7.1888 - 5.8.1921)

Regína Lárusdóttir Rist (1919-2008) fótsnyrtifræðingur Reykjavík (7.2.1919 - 28.4.2008)

Sigurjón Lárusson Rist (1917-1994) vatnamælingamaður (29.8.1917 - 15.10.1994)

Anna Lárusdóttir Rist (1914-1999) Akureyri (19.3.1914 -9.3.1999)

Óttar Lárusson Rist (1912-1932) Akureyri (20.7.1912 - 3.4.1932)

HAH05336

IS-HAH

Að venju eru upplýsingar frá Íslendingabók notaðar, ef þær stangast á við aðrar upplýsingar er þeim bætt við innan hornklofa [ ], ekki er tekin afstaða til mismunandi upplýsinga.

Final

Full

GPJ skráning 7.11.2022

®GPJ ættfræði 7.11.2022
Tíminn 10.5.1951. https://timarit.is/page/1013126?iabr=on
Íslendingabók
mbl 6.5.2008; https://www.mbl.is/greinasafn/grein/1212117/?item_num=0&searchid=1e84fbdfb2e1aef8e42344ba76ca2e483fe14002
Vísir 13.4.1951. https://timarit.is/page/1171706?iabr=on
mbl 24.4.1951. https://timarit.is/page/1280546?iabr=on