Fyrirtæki/stofnun

Illiflói á Grímstunguheiði

(1900)

Grímstunguheiði; Grímstunga; Öldumóða; Öldumóðuskáli; Gilhagi; Sellækur; Kleppukvísl; Stekkjarfoss; Fremstaselsholt; Gægishóll; Gaflsgirðing; Grímstungumannaseljar; Haukagilsheiði; Hestás; Sílvatnsás; Sílvatn; Gilsvötn, austara og vestara; Þórarinsvatn; Svínavatn; Gedduvatn; Galtarvatn:

Frá Grímstungu í Vatnsdal að Öldumóðuskála.
Þorgils skarði og Sturla Þórðarson sendu framvarðarsveit á undan sér um Grímstunguheiði, þegar þeir fóru að Ásgrími Þorsteinssyni í Hvammi í Vatnsdal árið 1255. “Þeir höfðu hestakost lítinn og fórst þeim seint; en þeir Bergur riðu ákaft norður eftir heiðinni og gátu tekið njósnarmenn Nikuláss hjá Grímstungumannaseljum; voru þeir þegar bundnir og barðir mjög.” Þessi heiði var á Sturlungaöld sjaldnar farin til Vatnsdals en Haukagilsheiði, sem er næst fyrir vestan hana. Báðar höfðu þann kost, að þær lágu ekki um byggðir, svo að minni líkur voru á, að njósn bærist þeim, sem riðið var að.

Förum frá Grímstungu beint suður Tunguna á Grímstunguheiði og suðsuðaustur um Hestás og Sílvatnsás. Síðan til suðurs vestan við Sílvatn og Austara-Gilsvatn og suður Illaflóa. Þar förum við austan við Þórarinsvatn og vestan við Svínavatn, síðan til suðsuðausturs austan við Gedduvatn og vestan við Galtarvatn að vegamótum. Þar er slóði um þrjá kílómetra austur í fjallakofann í Öldumóðu.
24,8 km
Húnavatnssýslur
Skálar:
Öldumóða: N65 10.928 W19 54.823.

Gilhagi

1. gr.
   Við eigendur Gilhaga seljum hér með nefndu upprekstrarfélagi allt land jarðarinnar Gilhaga sunnan Sellækjar (stóri). Ráði nefndur lækur merkjum, svo langt sem hann nær og þaðan stystu línu í Kleppukvísl.

2. gr.
   Sem greiðslu fyrir land þetta, setur upprekstrarfélagið upp fjárhelda girðingu á sinn kostnað og heldur henni að öllu leyti við næstu 15 – fimmtán – ár frá uppsetningu. Girðing þessi skal liggja sem næst því, er hér segir: Frá Stekkjarfossi suðvestur á Fremstaselsholt, vestur yfir Illaflóa, þaðan norðvestur um Gægishól í Kleppukvísl, allt eftir þegar merktri línu, og þaðan vestur í Gaflsgirðingu.

3. gr.
   Loki Gilhagaeigendur landi sínu með girðingu að vestan, fellur viðhaldsskyldan á þá, svo sem landslög ákveða. Jafnframt komi aldrei til greina krafa á hendur upprekstrarfélaginu um kostnað á girðingu norðan Gilhagalands, nema upprekstrarfélagið verði eigandi að því landi, eða hluta þess, sem móti Gilhagalandi liggur.

4. gr.
   Þrátt fyrir landamerki þau, er um getur í 1.gr. skal girðing sú er að framan er nefnd, vera gild landamerki meðan hún stendur og er viðhaldið af nefndum aðilum.

5. gr.
   Girði Gilhagaeigendur land sitt samkv. 3.gr. fellur niður girðingarskylda upprekstrarfélagsins frá Kleppukvísl í Gaflsgirðingu.

Gjört að Saurbæ 24. júní 1958.
Ágúst B. Jónsson (sign) Gísli Pálsson (sign)
Gestur Guðmundsson (sign) Konráð Eggertsson (sign)
Ólafur Magnússon (sign) Grímur Gíslason (sign)
Jón S. Pálmason (sign)

Vitundarvottar:
Niels Kr. Bundgård Pedersen (sign)
Sesselja Svavarsdóttir (sign)

IS HAH-Nat

Loka

Fullt

GPJ 8.4.2019

• íslenska

http://www.jonas.is/grimstunguheidi-1/
Landamerkjasamningur 24.6.1958