Hjalti Árnason (1915-2010) Skeggjastöðum á Skaga

• Hjalti Árnason (1915-2010) Skeggjastöðum á Skaga

Hjalti Árnason fæddist í Víkum á Skaga, Austur Húnavatnssýslu, hinn 11. janúar 1915. Hann andaðist sunnudaginn 4. júlí síðastliðinn á Heilbrigðisstofnuninni á Blönduósi. Hjalti var bóndi alla sína starfsævi, en auk þess starfaði hann sem póstur sveitarinnar í áratugi. Á fyrstu árum búskapar síns eignaðist hann jarðvinnsluvélar sem hann nýtti fyrir sjálfan sig og vann auk þess fyrir nágranna sína. Hann var einnig sjálfmenntaður járnsmiður, átti smiðju þar sem hann smíðaði m.a. skeifur undir reiðhesta sína og annarra.
Hjalti verður jarðsunginn frá Hofskirkju 10. júlí 2010 kl. 14. Jarðsett verður í heimagrafreit á Skeggjastöðum.

Víkur á Skaga: Skeggjastaðir:

Bóndi:

Hann var sonur hjónanna Árna Antoníusar Guðmundssonar f. 2.4. 1870, d. 7.10. 1931, bónda og smiðs frá Víkum, og Önnu Lilju Tómasdóttur f. 4.11. 1878, d. 22.12.1973, húsfreyju í Víkum.
Systkini Hjalta eru: Guðmundur Magnús f. 1897, Vilhjálmur f. 1898, Fanney Margrét f. 1899, Karl Hinrik f. 1902, Sigríður Sigurlína f. 1905, Hilmar f. 1910, Leó f. 1912, sveinbarn f. 1920, Lárus f. 1922. Af þeim systkinum er Lárus einn á lífi. Eiginkona Hjalta hét Anna Lilja Magnúsdóttir f. 23.1. 1912 á Skeggjastöðum, d. 18.8. 2000. Þau gengu í hjónaband 5. nóvember 1938. Þau bjuggu allan sinn búskap á Skeggjastöðum, fyrst ásamt Magnúsi og Ingunni foreldrum Önnu Lilju og eftir lát Magnúsar ásamt Hallgrími, bróður Önnu Lilju. Þeim Önnu Lilju og Hjalta varð níu barna auðið. Þau eru í aldursröð:
1) Árný Margrét, húsfreyja á Steinnýjarstöðum í Skagahreppi. Eiginmaður hennar er Kristján Kristjánsson bóndi, d. 2007. Þau eiga 4 börn og 15 barnabörn.
2) Baldvin Valgarð, sem búsettur er á Skagaströnd.
3) Magnús Ólafur, sem einnig býr á Skagaströnd, hann á 5 börn og 11 barnabörn.
4) Ingunn Lilja, eiginmaður hennar er Björn Magnússon, þau búa á Blönduósi, þau eiga 3 börn og 7 barnabörn.
5) María Línbjörg, húsfreyja á Harrastöðum í Skagahreppi, eiginmaður hennar er Reynir Davíðsson bóndi, þau eiga 2 börn og 5 barnabörn.
6) Árni Páll sem búsettur er á Skeggjastöðum.
7) Hallgrímur Karl, bóndi á Skeggjastöðum, eiginkona hans er Guðrún Jóna Björgvinsdóttir, þau eiga 10 börn og 7 barnabörn.
8) Hjalti Sævar sjómaður, búsettur á Skagaströnd, hann á 2 börn og 2 barnabörn, og yngstur er
9) Svavar Jónatan, eiginkona hans er Björk Önnudóttir, þau eru búsett í Hafnarfirði og eiga 5 börn.

GPJ 20.6.2017

• Icelandic

®GPJ ættfræði 19.11.2022
Íslendingabók
mbl 10.7.2010. https://www.mbl.is/greinasafn/grein/1340546/?item_num=2&searchid=ce68286aa29cb13fd5ae8bfe832aaabb8424c18f