Einstaklingur

Hilmar Kristjánsson (1948-2008) frkvst Stíganda

16.5.1948 - 1.1.2008

Hilmar Kristjánsson fæddist í Borgarnesi 16. maí 1948. Hann lést á Heilbrigðisstofnuninni á Blönduósi 1. janúar 2008.
Hilmar ólst upp á Blönduósi og bjó þar alla tíð. Hann og Valdís reistu sér fallegt hús á Hlíðarbraut 3 þar sem börnin uxu úr grasi á kærleiksríku heimili. Fjölskyldan flutti til Blönduóss þegar Hilmar var kornungur og þar sleit hann barnsskónum við leik og störf. Á unglingsárunum var Hilmar í sveit, fyrst á bænum Melkoti í Borgarfirði, síðar í Gautsdal í Húnavatnssýslu. Ungur að árum gekk Hilmar í hin ýmsu störf hjá fjölskyldufyrirtækinu, Trésmiðjunni Stíganda hf. Kom fljótt í ljós að smíðarnar áttu vel við hann og árið 1965 var hann kominn þar í fullt starf. Hilmar tók sveinspróf í trésmíði frá Iðnskólanum í Reykjavík árið 1968 og meistaraprófi lauk hann 1973. Hilmar tók við sem framkvæmdastjóri Stíganda um áramótin 1975-1976 af föður sínum, Kristjáni Gunnarssyni, og gegndi því starfi til æviloka. Athafnamennskan var Hilmari í blóð borin og kom hann að rekstri fjölmargra fyrirtækja á lífsleiðinni. Hann var einn af stofnefndum og sat í stjórnum Bílaleigu Blönduóss hf., kranafyrirtækisins Átaks hf. og Steypustöðvar Blönduóss hf. Árið 1990 stofnaði hann Glaðheima hf., sem setti upp fjölda sumarhúsa og rak í Brautarhvammi við bakka Blöndu. Hilmar sat einnig í stjórn fjölda fyrirtækja til lengri og skemmri tíma; má þar nefna Kaupfélag Húnvetninga, Nökkva hf., Særúnu hf., Sólfell ehf. og Miðholt ehf. Hilmar var formaður stjórnar Vinnueftirlits ríkisins árin 1997 til 2003. Hilmar var mikill áhugamaður um sveitarstjórnarmál og unni hag landsbyggðarinnar. Hann var varamaður í hreppsnefnd Blönduóss frá 1970 til 1974 og aðalmaður í hreppsnefnd frá 1974. Síðan oddviti í hreppsnefnd Blönduóss frá 1978 til 1988 og fyrsti forseti bæjarstjórnar Blönduóss frá 1988 til 1990. Á þessum árum sat Hilmar í ótal nefndum og ráðum á vegum Blönduósbæjar. Hann var í stjórn Fjórðungssambands Norðurlands til margra ára. Hilmar var ávallt mikill félagsmálamaður og tók virkan þátt í félagsmálum á Blönduósi og víðar. Hann var einn af stofnefndum Hjálparsveitar skáta á Blönduósi og starfaði með sveitinni um árabil. Hann var alla tíð dyggur og mikill stuðningsmaður Ungmennafélagsins Hvatar og kom að starfi þess með margvíslegum hætti, allt frá því að leika með knattspyrnuliði Hvatar til þess að vera formaður stuðningsmanna. Hilmar tók virkan þátt í starfi JC Húnabyggðar, var um tíma formaður Lionsklúbbs Blönduóss og síðustu árin virkur í starfi Frímúrarareglunnar. Hilmar var formaður sóknarnefndar Blönduóskirkju frá árinu 2006. Fyrst og fremst var Hilmar mikill Blönduósingur. Stóran hluta lífs síns helgaði hann af áhuga, einlægni og gleði Blönduósi og Blönduósingum. Honum leið hvergi betur en á Blönduósi og alltaf þegar hann var einhvers staðar í burtu snerist allt um að komast aftur heim á Blönduós, þar vildi hann vera.
Útför Hilmars fer fram frá Blönduóskirkju í dag og hefst athöfnin klukkan 14.

Borgarnes: Blönduós:

Trésmíðameistari 1973:

Foreldrar hans voru Kristján Gunnarsson húsasmíðameistari, f. 13.2. 1903, d. 30.6. 1986, og Valgerður Þorbjarnardóttir, húsmóðir, f. 31.8. 1908, d. 14.6. 1976. Bræður Hilmars eru Þormar, f. 18.3. 1945 og Sigurður, f. 10.10.1950. Samfeðra systkini eru Hrefna, f. 7.12. 1930, d. 2.5. 2003, Þórir, f. 21.7. 1932, d. 28.1. 2007, Hreinn, f. 4.11. 1933, og Hanna Gyða, f. 1.3. 1937.
Hilmar kvæntist 27.4. 1968 Valdísi Finnbogadóttur, f. í Reykjavík 4.2.1949. Foreldrar hennar voru Finnbogi Ólafsson, f. 31.3. 1920, d. 27.11. 1968, og Hulda Bjarnadóttir, f. 5.10. 1918. Börn Hilmars og Valdísar eru þrjú:
1) Finnbogi, f. 12.3. 1968, kvæntur Jakobínu Kristínu Arnljótsdóttur, f. 2.2. 1968. Börn þeirra eru Sóldís, f. 29.8. 1996, Selma, f. 17.2. 1998, og Friðrik, f. 22.7. 2004.
2) Hilmar Þór, f. 9.5. 1973, kvæntur Sædísi Gunnarsdóttur, f. 1.2. 1974. Börn þeirra eru Kristrún, f. 15.1. 1999, og Hilmar Smári, f. 20.5. 2001.
3) Valgerður, f. 14.12. 1977, í sambúð með Þorgils Herði Hallgrímssyni, f. 16.7. 1978. Dóttir þeirra er Valdís Eva, f. 17.11. 2006. Sonur Þorgils er Hallgrímur, f. 3.9. 2001.

Hlíðarbraut Blönduósi (um 1977)

Garðar Árni Stefánsson (1912-1999) Kúskerpi (17.9.1912 - 14.3.1999)

Ingibjörg Finnbogadóttir (1947-2009) Reykjavík (29.8.1947 - 24.2.2009)

Leikfélagið á Blönduósi (1944) (1944-)

Valgerður Hilmarsdóttir (1977) Blönduósi (14.12.1977)

Finnbogi Hilmarsson (1968) (12.3.1968 -)

Valgerður Þorbjarnardóttir (1908-1976) Stíganda (31.8.1908 -14.6.1976)

Hreinn Kristjánsson (1933-2008) Reykjavík (4.11.1933 - 24.12.2008)

Þormar Kristjánsson (1945) smiður Blönduósi (18.3.1945 -)

Valdís Finnbogadóttir (Vallý) (1949) Reykjavík (4.2.1949 -)

Stígandi (1946 -)

HAH01437

IS HAH

Loka

Fullt

GPJ 20.6.2017

• íslenska

®GPJ ættfræði

• https://www.mbl.is/greinasafn/grein/1184822/?item_num=5&searchid=56e2e4ab5729c8c0754fe76d926fd1d32add208c