Einstaklingur

Helga Guðmundsdóttir (1921-2010) Helgafelli

• Helga Emilía Guðmundsdóttir (1921-2010)

3.7.1921 -- 14.8.2010

Helga E. Guðmundsdóttir fæddist á Blönduósi 3. júlí 1921. Hún lést á Heilbrigðisstofnuninni á Blönduósi 14. ágúst sl.
Helga ólst upp hjá foreldrum sínum á Blönduósi og Hólmavík. Faðir hennar var sjómaður en drukknaði tæpra 24 ára. Móðir hennar fluttist þá aftur til Blönduóss. Margir veittu þeim mæðgum stuðning. Má þar nefna Tómas R. Jónsson, föðurbróður Helgu, og hjónin Ástu Sighvatsdóttur og Karl Helgason. Helga fór til þeirra fjórtán ára. Hún nefndi Ástu gjarna fóstru sína.
Prestarnir Þorsteinn B. Gíslason og Árni Sigurðsson áttu um langt skeið skrúðhús í stofunni hjá Helgu og Helga.
Helga las mikið og hafði sérstakt yndi af ljóðum. Hún var í brids-klúbbi með vinkonum sínum og spiluðu þær vikulega. Var þá glatt á hjalla.
Útför Helgu fer fram frá Blönduósskirkju laugardaginn 21. ágúst 2010 og hefst athöfnin kl. 14.

Hólmavík: Blönduós:

Helga var í Barnaskólanum á Blönduósi og unglingaskóla sr. Þorsteins B. Gíslasonar í Steinnesi. Hún nam einnig í Húsmæðraskólanum á Laugum í Þingeyjarsýslu.

Helga var félagslynd. Hún starfaði mest í Kvenfélaginu Vöku og Leikfélagi Blönduóss. Hún fór með mörg hlutverk hjá leikfélaginu og var gerð að heiðursfélaga þess.
Hún var lengst af „heimavinnandi“ húsmóðir og sinnti því starfi af mikilli alúð. Fór orð af snyrtimennsku hennar og veitingum. Síðar starfaði hún hjá Pólarprjóni og fleiri fyrirtækjum.

Foreldrar hennar voru Guðmundur Bergmann Jónsson, f. 16. mars 1900, d. 31. janúar 1924, og Sigríður Kristín Jónsdóttir, f. 2. ágúst 1883, d. 22. september 1960.
Systur Helgu voru
1) Sigurbjörg, f. 11. ágúst 1922, d. 18. júlí 1996, maður hennar var Georg Eggert Hannah, f. 5. apríl 1916, d. 21. júní 1986,
Guðmunda Kristbjörg, f. 6. október 1924, d. 7. apríl 2005, maður hennar var Einar Kristófer Hansen, f. 28. ágúst 1906, d. 15. janúar 2005.

Eiginmaður Helgu var Helgi Breiðfjörð Helgason lyfjaafgreiðslumaður og kaupmaður á Blönduósi, f. á Kveingrjóti í Saurbæ í Dalasýslu 18. október 1914, d. 8. október 2005. Foreldrar hans voru Helgi Helgason, f. 21. nóvember 1871 í Garpsdal í Austur-Barðastrandarsýslu, d. 21.5. 1945, og Ingibjörg Friðriksdóttir, f. 30. júní 1874 á Kirkjubóli í Strandasýslu, d. 21. apríl 1967.
Synir Helgu og Helga eru
1) Karl, f. 30. nóvember 1946. Kona hans er Sigurborg Bragadóttir, f. 25. október 1950. Börn þeirra eru Friðþjófur Helgi, f. 22. mars 1972, kona hans er Þórey Sæmundsdóttir, f. 27. september 1971, börn þeirra Hrefna Sigurborg, Karl Sæmundur og Helga Sóley; Guðrún Ingibjörg, f. 11. nóvember 1973, maður hennar er Ragnar Þórður Jónasson f. 29. maí 1971, börn þeirra Ragnar Loki, Róbert Orri og Embla Rún; Sigrún Nanna, f. 18. september 1980, maður hennar er Magnús Örn Úlfarsson f. 18. maí 1976, dóttir þeirra er Birta.
2) Guðmundur Helgi, f. 4. júlí 1952. Kona hans var Þóra Gísladóttir, f. 9. apríl 1955. Þau skildu. Börn þeirra eru Hjalti Rafn, f. 20. maí 1977, og Helga María, f. 21. janúar 1986, sambýlismaður hennar er Davíð Helgason, f. 28.6. 1982.

Hólmavík við Steingrímsfjörð (3.6.1890 -)

Helga Guðmundsdóttir (1922-2012) (25.6.1922 - 15.1.2012)

Ásta Sighvatsdóttir (1897-1998) Blönduósi (1.5.1897 - 25.5.1998)

Leikfélagið á Blönduósi (1944) (1944-)

Árbær Blönduósi (1906) (1906 -)

Verslun Magnúsar Stefánssonar Blönduósi (1908-1924) (1908 -)

Guðmundur Helgason (1952) Helgafelli (4.7.1952 -)

Guðmunda Guðmundsdóttir Hansen (1924-2005) (6.10.1924 - 7.4.2005)

Helgi Helgason (1914-2005) Helgafelli Blönduósi (18.10.1914 - 8.10.2005)

Tómas R Jónsson (1903-1986) fulltrúi (8.7.1903 - 10.5.1986)

Jón Tómasson (1865-1933) Árbæ (31.7.1865 - 13.5.1933)

Guðný Guðmundsdóttir (1868-1951) Króki (19.1.1868 - 9.8.1951)

Helgafell Blönduósi (1950) Aðalgata 8 (1950)

HAH01404

IS HAH

Loka

Fullt

GPJ 11.5.2017

• íslenska

http://www.mbl.is/greinasafn/minningaleit/