Hallsteinn Sveinsson (1903-1995) smiður frá Eskiholti

Hallsteinn Sveinsson fæddist á Kolsstöðum í Miðdölum í Dalasýslu 7. júlí 1903. Hann lést á Sjúkrahúsi Akraness 21. nóvember 1995, 92 ára að aldri. Hallsteinn flutti 1925 ásamt foreldrum og systkinum frá Kolsstöðum að Eskiholti í Borgarhreppi. Hann stundaði smíðar við húsbyggingar og fleira bæði, í Dölunum og Borgarfirði. Bjó hann í Reykjavík og vann þar við smíðar til 1971. Síðustu ævi árin dvaldi hann á Dvalarheimili aldraðra í Borgarnesi. Útför Hallsteins fer fram frá Borgarneskirkju í dag og hefst athöfnin klukkan 14. Jarðsett verður á Borg.
Hann var sjálflærður smiður og vann lengi við innrömmun málverka í húsi sem hann nefndi Uppland og var við Háaleitisveg. Sem greiðslu tók hann gjarnan málverk af viðskiptavinum sínum, valdi þau af smekkvísi og eignaðist þannig verulega vandað safn nútímalistaverka. Fyrir þetta varð Hallsteinn allþekktur, en um sjötugsaldur afhenti hann Borgarnesbæ málverk sín og flutti á Dvalarheimili aldraðra í Borgarnesi. Þar bjó hann síðan.

Kolstaðir í Miðdölum Dal.: Eskiholt Mýr.: Reykjavík: Borgarnes:

Húsasmiður:

Foreldrar hans voru Sveinn Finnsson frá Háafelli í Miðdölum, bóndi á Kolsstöðum og í Eskiholti í Borgarhreppi og kona hans Helga Eysteinsdóttir, ættuð úr Borgarfirði.
Systkini hans voru Þórdís, f. 1884, d. 1975, Eysteinn f. 1886, d. 1915, Finnur, f. 1887, d. 1982, Bjarni f. 1890, d. 1976, Ásmundur f. 1893, d. 1982, Ingibjörg, f. 1895, d. 1989, Benedikt, f. 1898, d. 1967, Anna, f. 1901, d. 1994. Eftirlifandi systkini eru Sigurður, f. 1904, og Þorgerður, f. 1907.

GPJ 23.5.2017

• Icelandic

®GPJ ættfræði https://www.mbl.is/greinasafn/grein/236332/?item_num=9&searchid=f6aaab886279fe8b8ce8d45499dfb1415baca6b9