Einar Húnfjörð Guðlaugsson (1920-2008) Blönduósi

• Einar Þorgeir Húnfjörð Guðlaugsson (1920-2008) Blönduósi

• Einar Guðlaugsson (1920-2008) Blönduósi

Einar Þorgeir Húnfjörð Guðlaugsson fæddist að Þverá í Norðurárdal í Austur-Húnavatnssýslu 30. mars 1920. Hann lést af slysförum 1. apríl 2008, 88 ára að aldri.
Einar ólst upp á Þverá við bústörf ýmiss konar. Hann var liðtækur til flestra þeirra verka sem til féll í sveitum. Einar og Ingibjörg (Imma) bjuggu allan sinn hjúskap á Blönduósi.
Útför Einars fer fram frá Blönduóskirkju í dag 11. apríl 2008 og hefst athöfnin klukkan 14.

Þverá í Norðurárdal A-Hún: Blönduós

Einar vann við múrverk drjúgan hluta starfsferils síns. Einnig stundaði hann búskap bæði á Blönduósi og síðar í Vatnahverfi um 15 ára skeið. Samfara því að stunda búskap, múrverk og verkamannavinnu af öllu tagi stundaði Einar veiðiskap bæði á mink og tófu. Einar lá fyrir ref í fyrsta skipti aðfaranótt 30. mars 1940 og á hverju einasta ári eftir það fram til dauðadags, en hann lést við þá iðju á sviplegan hátt ásamt félaga sínum til margra ára, Flosa Ólafssyni, fram á Auðkúluheiði af völdum gaseitrunar.

Einar Þorgeir Húnfjörð Guðlaugsson fæddist að Þverá í Norðurárdal í Austur-Húnavatnssýslu 30. mars 1920. Hann lést af slysförum 1. apríl 2008, 88 ára að aldri. Foreldrar hans voru hjónin Guðlaugur Húnfjörð Sveinsson bóndi, f. 27.2. 1891, d. 13.10. 1977, og Rakel Þórleif Bessadóttir húsfreyja, f. 18.9. 1880, d. 30.10. 1967, lengst af ábúendur á Þverá í Vindhælishreppi í A-Hún.
Systkini Einars voru
1) Emelía Margrét Guðlaugsdóttir, f. 1.9 1911, d. 29.7. 1999,
2) Þorlákur Húnfjörð Guðlaugsson, f. 26.8. 1912, d. 1.4. 2001,
3) Jóhanna Guðrún Guðlaugsdóttir, f. 30.12. 1913, d. 13.3. 1998,
4) Vésteinn Bessi Húnfjörð Guðlaugsson, f. 21.4. 1915,
5) Kári Húnfjörð Guðlaugsson, f. 3.7. 1918, d. 29.10. 1952,
6) Bergþóra Heiðrún Guðlaugsdóttir, f. 5.11. 1922.

Einar kvæntist 16.5. 1948 Ingibjörgu Þórkötlu Jónsdóttur frá Sölvabakka í Engihlíðarhreppi A-Hún., f. 25.9. 1928. Hún er dóttir hjónanna Jóns Guðmundssonar bónda, f. 26.11. 1892, d. 3.7. 1992, og Magðalenu Carlottu Jónsdóttur húsfreyju, f. 7.12. 1892, d. 3.4. 1972.
Börn þeirra eru:
1) Skarphéðinn Húnfjörð Einarsson, f. 11.9. 1948, maki Sigrún Kristófersdóttir; börn hans eru a) María Ísfold, b) Hrefna Finndís, sonur hennar Friðfinnur Sölvi, c) Rakel Húnfjörð, synir hennar Leó og Óliver, og d) Ágúst Ingi.
2) Jón Karl Húnfjörð Einarsson, f. 6.2. 1950, maki Ágústa Helgadóttir, synir hans eru a) Helgi Þór, b) Einar Geir, synir hans Jón Karl og Einar Geir, og c) Daði.
3) Guðlaugur Húnfjörð Einarsson, f. 6.2. 1951, d. 29.11. 1990.
4) Kári Húnfjörð Einarsson, f. 23.2. 1963, maki Ingunn Hafdís Þorláksdóttir, synir þeirra Ingi Björn, Ari Bragi og Einar Húnfjörð.
5) Magdalena Rakel Einarsdóttir, f. 7.12. 1975.

GPJ 16.5.2017

• Icelandic

®GPJ ættfræði
mbl 11.4.2008. https://www.mbl.is/greinasafn/grein/1206174/?item_num=2&searchid=71f9cd8a7fbc6d48c6219aac93cba84ddf66ce9b