Heiðrún Guðlaugsdóttir (1922-2015) frá Þverá

• Bergþóra Heiðrún Guðlaugsdóttir (1922-2015) frá Þverá

Bergþóra Heiðrún Guðlaugsdóttir fæddist á Þverá, Norðurárdal, Vindhælishreppi, Austur-Húnavatnssýslu 5. nóvember 1922. Hún lést á hjúkrunarheimilinu Hlévangi Reykjanesbæ 25. febrúar 2015.
Heiðrún fæddist og ólst upp á Þverá í Norðurárdal, Austur-Húnavatnssýslu, þar sem nú kallast Þverárfjall. Frá unglingsaldri var hún í vinnumennsku á vetrum og sinnti bústörfum á Þverá á sumrin. Hún fór til starfa á Reykjanesi og kynntist þar manni sínum, Katli Jónssyni frá Hvammi í Höfnum.
Tæplega sextug að aldri byggðu þau sér heimili í Heiðarbóli 57. Þegar heilsu Ketils hrakaði sinnti Heiðrún honum af mikilli natni, þá sjálf á áttræðisaldri. Ketill lést árið 2001.
Þau settust að í Keflavík og bjuggu lengi vel í Sóltúni 3. Heiðrún var mikil hannyrðakona og eftir hana liggur mikið af fallegum munum, sem bera handbragði hennar gott vitni. Hún prjónaði og saumaði, málaði í silki og postulín og mótaði nytjamuni úr leir. Heiðrún var heilsuhraust fram á síðustu ár og hélt heimili þar til hún var komin hátt á níræðisaldur. Dvaldi um tíma á Heilbrigðisstofnun Suðurnesja og síðustu tvö árin á Hlévangi.
Útför Heiðrúnar fer fram frá Keflavíkurkirkju í dag, 12. mars 2015, kl. 13.

Þverá í Norðurárdal A-Hún. . Keflavík.

Kvsk Blönduósi 1945-1946

Heiðrún sinnti ýmsum störfum meðfram heimilishaldi, fyrst í fiskvinnslu og síðar í Ragnarsbakaríi, í mötuneyti varnarliðsins og í mötuneyti Sparisjóðsins í Keflavík.

Foreldrar hennar voru Rakel Þorleif Bessadóttir, f. á Ökrum, Haganeshreppi, Skagafirði 18.9. 1880, d. 30.10. 1967, og (20.4.1911) Guðlaugur Sveinsson, f. á Ægissíðu á Vatnsnesi, 27.2. 1891, d. 13.10. 1977. Bóndi á Þverá, Hofssókn, A-Hún. 1930. Var í Þorlákshúsi, Blönduóssókn, Hún. 1901 og Böðvarshúsi 1910, bóndi á Þverá í Norðurárdal, Vindhælishr., A-Hún. Foreldrar hans voru Sveinn Guðmundsson f. 23.8.1851-23.2.1921, Árbæ. Sveinsbæ Blönduósi 1911 og 1920 og sambýliskonu hans Jóhönnu Pálsdóttur f. 5.5.1854-4.11.1923 systir fk hans 1.8.1880 Pálínu Pálsdóttur f. 13.4.1852. Jóhanna var áður sambýliskona Þorláks Helgasonar f. 16.1.1862-.24.10.1958, á Árbakka 1917.
Heiðrún var yngst sjö systkina, sem öll eru látin. Þau eru
1) Emilía Margrét, f. 11.9. 1911, d. 29.7. 1999, var á Blönduósi 1930. Iðnverkakona í Reykjavík. Ógift.
2) Þorlákur Húnfjörð, f. 26.8. 1912, d. 1.4. 2001, var á Þverá, Hofssókn, A-Hún. 1930. Var á Þverá, Vindhælishr., A-Hún. 1957. Síðast bús. þar.
3) Jóhanna Guðrún, f. 30.12. 1913, d. 13.3. 1998. Síðast bús. í Reykjavík.
4) Vésteinn Bessi Húnfjörð, f. 21.4. 1915, d. 16.3. 2009. Starfaði hjá Stálhúsgögnum og síðar hjá Olíufélaginu. Var á Þverá, Hofssókn, A-Hún. 1930.
5) Kári Húnfjörð, f. 3.7. 1918, d. 29.10. 1952. Vélvirki á Blönduósi. Var á Þverá, Hofssókn, A-Hún. 1930.
6) Einar Þorgeir Húnfjörð, f. 30.3. 1920, d. 1.4. 2008, var á Þverá, Hofssókn, A-Hún. 1930. Var í Húsi Einars Guðlaugssonar, Blönduóshr., A-Hún. 1957. Múrari og verkamaður á Blönduósi.
Heiðrún giftist 23.6. 1950 Katli Jónssyni, f. í Höfnum á Reykjanesi 27.8. 1921, d. 5.11. 2001. Var í Hvammi, Kirkjuvogssókn, Gull. 1930. Bifreiðarstjóri og verslunarmaður í Keflavík.
Foreldrar hans voru Sigríður Magnúsdóttir, f. 1.1. 1891, d. 15.7. 1946, og Jón Jónsson, f. 5.5. 1883, d. 12.12. 1956. Var í Miðbæjarbúð, Kirkjuvogssókn, Gull. 1890. Barnakennari, símstöðvarstjóri og oddviti í Hvammi, Hafnahr., Gull.
Börn Heiðrúnar og Ketils eru:
1) Sigríður Rakel, f. 27.12. 1949, gift Guðmundi Björnssyni, f. 20.6. 1949. Börn þeirra eru a) Ketill Heiðar, f. 23.10. 1971, maki er Kristín Konráðsdóttir, f. 9.5. 1974, þau eiga þrjú börn. b) Jón Elvar, f. 5.5. 1976, maki er Berglind Salka Ólafsdóttir, f. 4.1. 1977, þau eiga þrjú börn. c) Birna, f. 15.5. 1979, maki er Raquelíta Rós Aguilar, f. 7.10. 1984, þær eiga tvö börn, en annað er látið.
2) Bergþóra Karen, f. 20.6. 1954, gift Þorsteini Inga Sigfússyni, f. 4.6. 1954. Börn þeirra eru a) Davíð Þór, f. 16.4. 1980, maki er Helena Eufemía Snorradóttir, f. 1.9. 1983, þau eiga eitt barn. b) Dagrún Inga, f. 10.10. 1988, maki er Marteinn Ingi Smárason, f. 13.9. 1986. c) Þorkell Viktor, f. 23.7. 1992.

GPJ 12.5.2017

• Icelandic

®GPJ ættfræði
mbl 12.3.2015. https://www.mbl.is/greinasafn/grein/1545752/?item_num=0&searchid=8913e6f4682734839b5751ad3e87758b44dc79dc