Fyrirtæki/stofnun

Templarahúsið á Blönduósi / Aðalgata 3

• Hús Jóns A Jónssonar 1910.
• Aðalgata 3

1907 - 1918

Templarahús Framtíðarinnar 1907. Hús Jóns A Jónssonar 1910. Reist af IOGT Framtíðinni. Þar sem síðar reis Zophoníasarhús, Aðalgata 3. Rifið 1918

Blönduós gamlibærinn; Aðalgata 3:

Byggt 1907 af timbri úr gömlu húsi er var flutt frá Akureyri. Húsið stóð þar sem síðar reis hús það er Zophonías Zophoníasson eldri bjó lengst af. Byggt af Góðtemplarafélaginu Framtíðin.

Húsið var metið 14.5.1909. Þar er húsið sagt 16 x 10 ¾ álnir og hæð undir þak 4 ½ alin. Hæð í sperrutop er 7 ½ alin. Það er innréttað þannig, að við annan stafn þess er forstofa og tvö herbergi, sitt til hvorrar hliðar við hana. Annað þeirra er þiljað og málað og yfir þeim er loft, annað í húsinu er einn salur, alþiljaður og slegið innan á sperrur og neðan á hanabjálkabita. Hann er málaður. Húsið er klætt að utan með vanalegum klæðningaborðum, plægðum og hefluðum. Þakið er úr 1 ¼“ borðum og þakjárn þar yfir.

Í húsinu er múrpípa og tveir ofnar. Það stendur á góðum grunni. Húsið var stækkað 1914 og varð þá 22 álnir að lengd, kjallari var gerður undir viðbygginguna 6 x 9 álnir. Í honum var lofthæð 3 álnir. Húsið, sem var notað mest til samkomuhalds, þótti kalt. Aldrei var lagt vatn í húsið.

Þegar Kvennaskólinn brann 1911, var húsið leigt skólanum. Farið var að búa í húsinu 1910, þá er Jón A Jónsson skráður þar til heimilis. Kvennaskólinn hafði svo húsið veturinn 1911-1912, en 1911-1913 bjó þar Páll Friðriksson smiður. 1913-1914 er Hansína Þorgrímsdóttir búsett í Templarahúsinu. Klemens Þórðarson býr þar næstu 2 ár eða 1914-1916. Að síðustu býr Kristján Jónsson smiður í húsinu 1916-1917. Síðasta árið sem húsið stóð bjó þar enginn. Ekki fylgdi húsinu nein lóð í upphafi. Það var reist á lóð Möllers. Jón Jónsson læknir, Friðfinnur Jónsson og Böðvar Þorláksson selja Klemensi Þórðarsyni söðlasmið húsið 7.12.1914. Klemens selur selur Guðrúnu Jónsdóttir konu Kristjáns smiðs húsið 1.11.1916. Guðrún selur Lárusi Ólafssyni Templarahús 19.4.1917. Nú fylgir húsinu lóð, útmæld

19.5.1916 af Friðfinni Jónssyni og Kristjáni vert. Fyrirvari er er gerður við sölluna um að Guðrún útvegi lóðarréttindi. Lóðarsamningur var gerður við Guðrúnu 6.3.1917, en felldur úr gildi 2 dögum síðar og gerður nýr við Lárus. Lóðin er frá suðri til norðurs 30 álnir og 2 ½“. Nær hún 7 álnir suður fyrir aðalhúsið og jafnlangt norður af húsinu sjálfu, sem er 23 álnir og 2 ½“. Frá austri til vesturs er lóðin 34 álnir og 14“. Að vestan ræður vegurinn út að Blöndu [Aðalgata] og í austur er 18 álnir frá húsinu að lóðarmörkum, en húsið sjálft 10 álnir og 14“ á breidd. Við norðurenda hússins fylgir auk þess svæði, 1 alin á breidd, við norðurenda hússins.

Lárus reif Templarahús 1918. Sláturfélag A-Hún keypti timbrið úr því og notaði til stækkunar sláturhússins.

1910- Jón A. Jónsson f. 23 sept. 1877, d. 21. maí 1914, sýsluskrifari frá Strjúgsstöðum, óg. (A í nafni er fyrir Önnuson þar sem hann kenndi sig einnig við móður sína Önnu Pétursdóttur á Móbergi og Strjúgsstöðum). Bróðir Friðfinns í Friðfinnshúsi.

Leigjandi í húsi Jóns A. Jónssonar 1910; Steinunn Sigríður Jóhannsdóttir (13. apríl 1854), sjá Sólveigarhús 1901 og Brekkubæ 1920. Kristjaníu 1933.

1911-1912- Aðsetur Kvennaskólastúlkna eftir að skólinn brann.

1911-1913- Páll Friðriksson f. 1. febr. 1876, d. 24. febr. 1935. Daglaunamaður á Sauðárkróki 1930. Húsmaður víða í Skagafirði og Húnaþingi. Bóndi á Gili í Borgarsveit, Skag. Múrari á Sauðárkróki.

1913-1914- Hansína Sigurbjörg Þorgrímsdóttir, f. 10. apríl 1847 d. 28. janúar 1928, ekkja 1901, sjá Ásgeirshús.

1914-1916- Klemens Þórðarson f. 15. nóv. 1888 Fjalli Sæmundarhlíð, d. 19. ágúst 1961, óg. Klemensarhúsi 1920, maki 21. des. 1935; Kristín Guðmundsdóttir f. 1. jan. 1897, d. 1. okt. 1986. Klemensarhúsi 1933, sjá Klemensarhús.

1916-1917- Guðrún Jónsdóttir kona Kristjáns smiðs.?

1917-1918- Lárus Jón Ólafsson f. 8. des 1889 d. 21. nóv. 1972. Trésmiður óg.bl. Ólafshúsi 1910, reif húsið og timbrið notað til stækkunar sláturhússins.

Blönduós- Gamlibærinn (26.6.1876 -)

Kvennaskólinn á Blönduósi 1901-1974. Árbraut 31 (1901 - 1974)

Zophoníasarhús Aðalgata 3a Blönduósi (1920 -)

Zophoníasar bílskúr, Aðalgata 3b (1939 -)

Hansína Þorgrímsdóttir (1847-1928) Hjaltabakka (10.4.1847 - 28.1.1928)

Aðalgata Blönduósi (1876-)

Jón A Jónsson (1877-1914) Blönduósi (23.9.1877 - 21.5.1914)

Lárus Ólafsson (1889-1972) Ólafshúsi (8.12.1889 - 21.11.1972)

HAH00672

IS HAH-Blö

Loka

Fullt

GPJ 27.5.2019

• íslenska

GPJ Býlaskrá Blönduóss 1876 - 1957
Upplýsingar um lóðamörk eru fengnar frá Jóni Arasyni (1949) í Skuld.
Skilningur á staðsetningu er alfarið minn. GPJ