Einstaklingur

Sverrir Björnsson Fossdal (1924-1997) Skagaströnd

• Snorri Sverrir Björnsson Fossdal (1924-1997)

12.6.1924 - 7.10.1997

Sverrir Björnsson var fæddur á Spákonufelli á Skagaströnd 12. júní 1924. Hann ólst upp á Óseyri í Höfðakaupstað. Hann lést að heimili sínu, Sólvallagötu 39, 7. október síðastliðinn.

"Hann var hrifinn af sólinni, minna hrifinn af snjónum. Hafði fengið nóg af honum fyrir lífstíð sagði hann þegar hann var ungur á Skagaströnd. Og í vor byggði hann sér sólstofu á svölunum. Kallaði hana Andalúsíu. Hann átti gott sumar í Andalúsíu.

Útför Sverris fer fram frá Dómkirkjunni í dag og hefst athöfnin kl. 15. Jarðsett verður í Gufuneskirkjugarði.

Spákonufell: Óseyri í Höfðakaupsstað: Reykjavík:

Hann stundaði venjulegt skólanám í barnaskólanum á Hólanesi á Skagaströnd. Sverrir stundaði nám við Gagnfræðaskóla Akureyrar 1940-41.

Hann var m.a. kennari á Skógarströnd tvo vetur. Frá 1952 til starfsaldursloka 1994 var hann í þjónustu Vita- og hafnamálaskrifstofunnar, þar af mörg síðari árin yfirverkstjóri. Síðustu æviárin var Sverrir virkur í Félagi aldraðra í Reykjavík.

"Komdu og sjáðu og finndu," sagði hann "nú er ég búinn að loka kuldann úti en sólina inni", og hló eins og unglingur. En hann var ekki einn í Andalúsíu. Laufey var með honum og hugsaði um hann. Hann átti einstaka konu og vissi það manna best."

"Við Sverrir fermdumst í gömlu kirkjunni á Hólanesi á Skagströnd, sem fyrir löngu hefur verið niður tekin, á hvítasunnudag 1938, sem bar upp á 5. júní. Ef ég man rétt, vorum við átta að tölu, sem fermdumst þarna: fimm piltar og þrjár stúlkur. Presturinn var séra Björn O. Björnsson. Hann var bóklærður og vel gefinn, hinn vænsti maður. Um hann hefi ég ritað þátt í bók mína "Sitthvað kringum presta", sem út kom hjá Skuggsjá 1991. Litlir vexti vorum við Sverrir, þegar við fermdumst, en það gerði ekkert til. Nógur var tíminn til að vaxa og verða stór! Nokkur síðustu árin hittumst við Sverrir við og við. Mun þátttaka okkar í félagsskap aldraðra hafa þar nokkru valdið. Hann var áhugasamur um málefni eldri borgara og félagslyndur." (Auðunn Bragi Sveinsson)

Foreldrar hans voru hjónin Matthildur Jóhannsdóttir húsfreyja (1889-1953) og Björn Fossdal Benediktsson (1881- 1969), sjómaður, bóndi og verkamaður.
Sverrir átti einn albróður, Auðun Hafstein Fossdal, f. á Vindhæli 2. febr. 1921 ; drukknaði í höfninni á Skagaströnd 26. febr. 1962.
Hálfbróður, samfeðra, átti Sverrir: Ara Fossdal, ljósmyndara á Akureyri (1907-1965).
Sverrir kvæntist 31. desember 1957 Laufeyju Helgadóttur (f. 1928), frá Búðum í Fáskrúðsfirði. Heimili þeirra stóð í Kópavogi til 1976, en eftir það í Reykjavík.
Synir þeirra eru :
1) Matthías Helgi, bifvélavirki, f. 9. apríl 1954, var kvæntur og á þrjú börn.
2) Þráinn Björn, framreiðslumaður, f. 27. maí 1958, var í sambúð og á tvö börn.

Spákonufell ((1950))

Dvergasteinn Höfðakaupsstað ((1950))

Auðunn Bragi Sveinsson (1923-2013) frá Selhaga (26.12.1923 - 2.1.2013)

Björn Fossdal Benediktsson (1881-1969) Skagaströnd (17.1.1881 - 23.10.1969)

Matthildur Jóhannsdóttir (1889-1953) Dvergasteini Skagaströnd (9.1.1889 - 12.2.1953)

Auðun Hafsteinn Björnsson Fossdal (1921-1962) Skagaströnd (2.2.1921 - 26.2.1962)

Júlíus Fossdal (1930-2005) Blönduósi (1.11.1930 - 11.9.2005)

HAH02003

IS HAH

Loka

Fullt

GPJ 26.7.2017

• íslenska

®GPJ ættfræði
Íslendingabók
mbl 19.10.1997. https://www.mbl.is/greinasafn/grein/359645/?item_num=16&searchid=fdd6aded23940b559027f476c591edc09d178ec2